Yeremi 4:8 - BII BILA

⁸ Lelan, la vownun yalala yuululan mì la koŋul, mì la hiiliaa, kani kɔltuw Mɛlɛka-o bindunin niaa le.›

Yeremi 4:8 Referans Kwoze

Yeremi 6:26

«Cua laandu nuu, yiinun yala yuuloo o caŋ, mà pimbul o loolio nin, mà tosa biisio maa biisi pole pilɛ, mà tuisi mɛmɛan a mɔnɛi bɛnduei! Kani vana tɛɛmbua hunnin o telen n venin ndu kɔl too.

Esai 22:12

Lelan, o paale len coo, Maalii, Mɛlɛka-Nɔ-Kpaayaa-Kpow-vo ndóò tosanin mí niáà caŋ, mí mɔnɛi ndíì luɛi niaa, mí niáà sendin tembeltan, mí niáà vownun volɔɔla nɔɔlɛilan.

Esai 32:11

Lelan, la ɲiiya a siòònde, niaa vanlaandua buulan te-a! La yɔŋnun yoloma-yoloma, niaa vanlaandua saalan haa isɔɔ le-a! Niaa pila yungan, la solin volɔɔlan lekɔɔ, la lo tumnda fondo mì la kandan caŋnda!

Esai 10:4

A pum a tundunnin vanaa co o biyɔɔ nin-nda tɛɛn, a pum a cɛɛlunnin vanvílɛ́iya tɛɛn. Kɛ a kon kpede, kɔltuw Mɛlɛka-o ɲulul-lɔnin te, ba ndɔɔ va vɔnin o heelaa.»

Esai 5:25

«Le kɔlɔ kon Mɛlɛka tuulu kɔl a vanaa ndɔa ni, mó heelu ba ndɔɔ, mó lɔaa nda, mí pembon ɲiiya, mí vannda cɛɛlun, má vu, mɛɛ bil basaa va o nɛila bɛndulan demullo nuaa yɛ. Kɛ hali a kon kpow, kɔltuw Mɛlɛka-o ɲulul-lɔ le, ba ndɔɔ co vɔ o siɛndiaa le lɔɔ.

Amɔs 8:10

I mangalanin kafola niaalan dɛnnda palaalan, mì mangala condun niaan caŋndan. I tosanin mì vannda kpow a yiwnun volɔɔla biisilan o caŋ, mì vannda kpow a sendin tembeltan. I tuisin lɛŋnden dɛnɛ palaa coo mì ɲɔɔ siŋnun maa biisi pole pilɛ. Kon kpow mɛɛlunnin maa paale sanga bɛndu.

Esekiɛl 30:2

«Po vanacieo sei, tɛɛnguu diom Hala-o. Dimi aa: Nuaa Maalii, o co Mɛlɛka-o dimi ni aa: ‹La koŋul mì la hiiliaa hiko-hiko, la dimi aa: Kpòkóó, má cè paale bɛndu dɛ!»

Esekiɛl 21:12

Taa ɲuna nɔm pɛ aa: ‹Le yɛɛ n co yɛ somisominndo?› A mulul nda aa: ‹Kani yoongoo pum co hunɔɔ, kɔlta vannda kpow la caŋnin, bala vannda kpede la fulanin yoomuan, yiyannda vannda kpow la laasiannin, vula vannda kpede la vunin, yoongu kon co hunɔɔ ni, o tiiya nin bɛɛ. Ya Maalii, ya co Mɛlɛka-o soo nuaa ni.›»

Yeremi 48:20

A mululnin niaa aa: ‹Moab cuu piɔl vɔ́-vɔ́! Siɛmbula bɛndulan la bii lɛŋnde len.› La yonda le vanaa malaa veeloo! La yonda ndi o peo Arnɔn kɔngɔ maa Moab cuu itambu!

Yeremi 30:24

Kɔltuw bɛndu Mɛlɛka-o muungu le, mɛɛ mò tosa ɲɛ o bɛnda le tosaa-o kpede, ɲɛ va ndu o kɔl-lo pɛɛn. Paale vanin mì la bii ken bila.»

Esai 13:6

Lelan la ŋɔɔcian! Kani paale Mɛlɛka len le co le tiiyaa. Paale len le co hunɔɔ maa kpundɛ. Mɛlɛka Vana-Kpaayaa-Kpow tuisinin len lende ni.

Esai 9:17

Kani kɔlvesɛiyo, lomɔɔ o loam ni maa leyin, lomɔɔ o loam ni maa yinnde loam siɛmbulle a hɛɛnndon-nden, maa yinnde loam bundɛla bɛndulan, mí kumii tiŋitiŋiei hel coocoo maa masungbu len.

Esai 9:12

Kɛ vannda ha muungu Mɛlɛka va nda sanga kon tuisio coo-o o ibuŋ te, a muli hɔlla o Mɛlɛka-Nɔ-Kpaayaa-Kpow-vo lo le.

Condii lisai 78:49

O mɛɛlulan, mí Hala tuisi niko Esiptea dɛnndan ndan coo: kɔltuw bɛndoo, kɔlfulaa, yolɛi a kɔl yulan-yulanndo. Mó tuisi mɛlɛkaa hun a dɛnɛ palaa-a taw nda coo.

Kundalan 25:4

Mó dimul Moise aa: «Cua vanaa co bolii lapangɛi-ya kpow, ma landu nda o paalen ya o hɔl, haliko mi kɔl ni tuw bɛndoo ɲulul, mò kpakpala Israɛlla.»

Cɛɛŋɔnnda Yeremi lan 1:12

Niaa Sei! Niaa vanaa co haa hiovɔɔ-a, la tofa vɔ, mì la ce. Vɛ̀ɛ̀ dɛnɛ palaa súú vaa nuaa nɔ pá velanndo? Dɛnɛ palaa súú del-la hoo coo-o pɛɛn, ò Mɛlɛka tuisi hoo ya coo o paale ndɔle kɔl tambɛilen coo-o.

Yɔɛl 1:13

«Niaa vanaa-solia-lasálàá, la vownun volɔɔla biisilan mì la caŋ taw. Niaa co sálàlan solio o fonda-loamaa-lasálàá coo-a, la hiiliaa hiko-hiko a caŋndo. Niaa co baalaa tosaa le Hala nuu-a, la hun lɔl a volɔɔla biisilan lekɔɔ. Kani sálà co lɛ hunɔɔ o Cɛi-Hala niaa nin te, sálà mamɔi co lɛ hunɔɔ lenin te.

Yeremi 25:34

La koŋul, niaa simlacia, la mɛli yeelan! La pimbul lɛŋ, niaa vanaa mandaa n'cɔlua. Kani telen nda co niaa bololan kili, mì la saŋnun-ndo tiiya hoo ni. La delnin mì la cuinun maa hɛngɛi báà kala.

Misee 1:16

La suingin yiinde o lebol, la sendin tembeltan le poaa niaa niaa kaola-a taw-va. La sendin yungultan maa n'duàà, kani a kɔanin a poaa niaa o biyɔɔ nin niaa levil polon.»