Yeremi 4:7 - BII BILA

⁷ Yàlàá huulu mó fula o bɛ̀mɛ́lta ndɔlan nin, vana tɛɛmbua vanaa-mangalaa-isɔɔa cɛn hunɔɔ, o mal o ndu lo mó can hunɔɔ le lɛŋnde niaalen yɛɛvɔɔ dɔvɔɔ, kobila niaalan la co piɔl mì vannda pew.

Yeremi 4:7 Referans Kwoze

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Yeremi 2:15

Yàlàà cuawva co kuuliaa ndu coo, a co diomnda ndalan solio, a co lɛŋnde ndɔlen tɛɛmbuuo a labɛɛla. O cii kobila ndɔlan lomɔɔ mí vannda piaw kpede.

Esai 6:11

O kon mí ɲuna aa: «Háá telen kuɛɛ nɛ, Maalii?» Mó muli aa: «Háá telen kobilan la tambunin, mì vanaciee ve lɛ icali lenin too, háá telen cɛilan la lonnunnin fondo mì lɛŋnden le lo yolɛ, mi le siɔŋ-ndo,

Esai 1:7

Lɛŋnde niaalen le tambu, kobila niaalan la ŋɔɛ kpow a yinnden, mialla co yondola niaalan tɛɛmbuuo niaa pila o hɔl, a co lan laasiaa a lan tɛɛmbuuo a labɛɛla, maa vanaa luɛi a paa-kala le ɲɔɔn tɛɛmbuuo-a.

Daniɛl 7:4

Visi tasoo ndóò velan a yàlàá, kɛ ndóò nɔ kumbanndan maa kovɛ. I va ndu tofaa, mí kumbannda ndɔlan la suingin. Mó can, mó sim o pelun ndɔn miunndon kɔɔli coo maa vanaciee. Mí yiyan ivanacieeyaa luɛi ndu nin.

Yeremi 50:17

Màá saa laasian, mì yàlàá can ndu tovɔɔ-o Israɛlla va ni. O tase de ndu-o yɔŋnun masaa Asiri ni, o ndu kɔɔli, mí Nebukanɛsar masaa Babilɔn hun pesipesi ndu paalan.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Yeremi 49:19

I vanin maa yàlá co fulaa o bɔɔ nin o peo Yurdɛn kɔngɔ le luɛyɔɔ o hèéo nin-ndo. I tosanin mì vana-vana piɔl o lepilɔɔ. O kon kɔɔli mí handu masa ya yeema-o Edɔm. Kani ɔ́ɔ̀ vana co maa ya-o? Nɛ̀ɛ́ ya downun yɛnin kona? Ɔ́ɔ̀ simlacinɔ nɔla ya simullo-o?

Yeremi 34:22

i dimulnin nda mà hinul kobio ho, Yerusalɛm pɛɛn. Mà tiila ndu, mà mal ndu yin, mì siinguu kobilan Yuda lɛŋnde veselɛile vanaciee cel nin te len. Sɔɛi fula Mɛlɛka o sondo-e co ken ni.

Yeremi 33:10

Diom Mɛlɛka dimi-o co hoo ni aa: «Niaa vannda Yuda, la co dimio aa: ‹Lɛŋnden nden le vesa, vanaciee co lɛ lenin te, visia co lɛ lenin te.›» A toɲa, vanndacieea a visia co lɛ o tàndá Yuda-o a o nɛila Yerusalɛm-ndan coo le. Kɛ nduyɛ, vana hun tuɛinin vɛlɛ

Yeremi 26:9

Le yɛɛ n tɔɔndan yɛ dimio aa Mɛlɛka dimul nɔm aa: Cɛi-Hala-o ho co hunɔɔ itambu maa hoo Silo, mì kobio ho hun tambu, mì vannda piow ndu?» O kon mí vanaa va o Cɛi-Hala-o nin-nda sɔɔnguu, má tiila Yeremi.

Yeremi 25:38

Lɛŋnde ndalen le piow calta ndɔlan mɛɛ yàlàá piaw bɔɔ ndɔɔ nuaa yɛ, kani le siŋnun lɛŋnde dɛnɛ palaalen a mɔnɛ cɔwvo soli a len-ndo a á kɔltuw bɛndu Mɛlɛka-o.

Esai 5:9

Diom Mɛlɛka-Nɔ-Kpaayaa-Kpow-vo, ó soo ya o lani-o co hoo ni aa: ‹A toɲa, cɛila kunda bɛndulan-ndan la piɔsinin mì la siŋnun bémbélan, vana ve lɛnin icali o cɛila kɛndɛla bɛndulan ndan nin te!

2Masaa 24:1

Tuma Yehoyakim va masaa Yuda-o Nebukanɛsar masaa Babilɔn hun luɛi a cɔwvo o tàndá Yuda-o nin ni. Mí Yehoyakim luɛi ndu o ba bɛngu le vɔsilan tan yáá, kɛ mó can vɛlɛ mó simul Nebukanɛsar.

Daniɛl 5:19

Le bɔɔbɔɔyɛi Hala ndóò yɔngu ndu ken-nde, vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda kpow ndáà nɔ siòònde a ndu ni. Vana ndóò yeema pɛ le diyɔɔ, ndóò dii ndu, vana ndóò yeema pɛ le mɛiyo yoomu, ndóò mɛi kon yoomu. Vana ndóò yeema pɛ le heeloo, ndóò heelu ndu. Vana ndóò yeema pɛ le tuisio, ndóò tuisi ndu.

Yeremi 50:44

I vanin maa yàlá co fulaa o bɔɔ nin, o peo Yudɛn kɔngɔ, le kɔlan o hèéo-o. I co vannda piɔlɔɔ o lepilɔɔ sunsun, o kon mì suili masa ya yeema-o Babilɔn. Kani nɛ̀ɛ́ co yɛ maa ya? Nɛ̀ɛ́ tɔɔndan yɛ mò ɲuna ya konaa? Ɔ́ɔ̀ vana mandaa n'cɔlu nɔla ya simullo-o?

Yeremi 27:8

Mɛlɛka dimi aa: «Vanaa-mangalaa-isɔɔa te kon te masale kɛɛ pɛ le tuisinndo Nebukanɛsar masaa Babilɔn o labɛngunin, mà kɛɛ le sanga masaa Babilɔn tuisinin nda coo-o siilɔnndo, i kuelnin vanaa kan a mɔɛi cɔwve, a yima fofolan, mì kuel nda a nàà n'kɔnyaa. I viamnin masaa Babilɔn le nda ciiyo kpede.

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

2Masaa 25:1

O vɔsi Sedekia suili vɔsilan laŋɔmahiɔɔlu o masalen-ndo, o paale tɔ́ndɔlen coo o paangii diinndɔɛi nin, mí Nebukanɛsar masaa Babilɔn a vanaa ndɔa cɔwva kpow a hinul Yerusalɛm a cɔwvo, má kila dɔ́ɔ́ngɔ́ɔ̀ ciee-lekɔɔ, má yaŋ yaŋɔɔ cɔwvo o kobio balɔɔ sɔ́.

Yeremi 4:29

Vanaa va o kobila lan nin-nda tueyɔɔ diom vanaa ɲaanun o soa coo-a a vanaa vuaa lakpaasiaa-a, má ɲaanun, mí vannda kɔ luɛi o bɔɔlan bɛngu, a pum o powta kpovalan coo, mí kobilan kpow la lo fondo, vana-vana lo lɛ lenin te.

Yeremi 22:7

I co vanaa tɛɛmbua nɔ ɲɛm tɛɛmbuan o ba-a dimul, mà hun koombiaa sungbuma nɔmma yɔmii sɛɛdran, mà mal man o yin.

Yeremi 44:2

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹Kámáá la ce dɛnnda palaala yáà tuisi Yerusalɛm a kobilan Yuda kpow coo lan te! Kobila lan kpow la tambu hau, vannda piow lan.

Esekiɛl 12:20

Kobila co lapiaalan a vanndacieea lan la piɔsinin vɔ́-vɔ́, mì lɛŋnden le luɛi o mɔnɛi nin. O kon la sinanin maa ya co Mɛlɛka ni.›»

Esekiɛl 21:31

Lelan tuei-yɔ mɛɛ Maalii soo yɛ, Mɛlɛka pɛɛn: ‹Tɔɔmasele lemasaa faŋannin nɔm coo, mɔsil lemasaa sungunnin nɔm o lebol. Ɲɛ-ɲɛ mangalanin! Ɲɛ co o tuisianndo-o heelunnin, mì ɲɛ co o heelanndo-o tuisin.

Esekiɛl 32:2

«Po vanacieo sei! Soli condii biisiei Faraɔnnɔɔ coo, masaa Esipte pɛɛn, mà dimul ndu aa: ‹A yàlà téndóó nɔm óò velan vanaa-mangalaa-isɔɔa tɛɛn ni. A va paandu maa kui va o mɛmma ihɛllan nin-ndo. A va ciikiaa o peela nɔmndan nin ma va mɛnndan lindaa a labɛngu. A va yeelio kalaŋaa o tɛiyun peela lan nin.›

Tɔŋ lasálàá 26:31

I siinguunin kobila niaalan bémbélan, mì siinguu sooluula niaalan pɔmndan. Sálàla niaala cun kɛndɛlan la hɛnan ndɛnin ya cun te.

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Yeremi 8:16

Vana tuɛi soa ndɔa diom cɔnɔnndo Dan dí, lɛŋnden kpow le co ɲiiyaa a caŋ nda co-o. A co hunɔɔ le lɛŋnden a ɲɛm co lenin-ndon tɛɛmbuuo, le kobio a vanaa co lenin-nda tɛɛmbuuo.»

Yeremi 22:6

Diom Mɛlɛka dimi a cɛi lemasaa Yuda-o co hoo ni aa: ‹A naŋ bɛɛ ya o hɔl maa bundɛlan Kalaad, te kon te maa tul pembon Liban, kɛ i co nɔm mingi lɛŋnde veselɛilen, kobi vannda piow-vo.

Yeremi 46:18

Sɔɛi fula masa nɔ diolan aa Mɛlɛka-Nɔ-Kpaayaa-Kpow-vo o sondo-e co hee ni aa: ‹Te i co yoomu lekɛ́ndɛi! Te pembei Tabɔr co ni, te o mɛnndan coo Karmɛl co ni, mɛɛ hunɔɔ yaamɔɔa co ni.›