Yeremi 4:6 - BII BILA

⁶ ‹La heelu tɔɔmasele yonda cɔwvo a ba Siɔn-ndo, la ɲaanun, la sim te dɛ! Kani i co dɛnɛ palaa a sanga bɛndoo cuu fulaa a ba luaŋ-ndo.

Yeremi 4:6 Referans Kwoze

Yeremi 50:2

La yondal vanaa-mangalaa-isɔɔa sɔɛi he, la heelu lɛfɛ landaa haliko ma bii bila. La yonda ndi, la vian ɲɛ-ɲɛ le! La dimi aa: «Babilɔn biinun, siɛmbulan la bii piɔmaa ndɔa, mì siòòŋii bɛnduei bii halaa ndɔa fondoa. Siɛmbulan la bii Bɛl, a toɲa, Merodak vi diallon.

Yeremi 51:27

La heelu tɔɔmaseloo o lɛŋnden nin! La hɔŋ buloo vanaa-mangalaa-isɔɔa tɛɛn, mì la mɔɔsiaa vannda le Babilɔn kuello, la yoongu masɛi he le ndu kuello: Ararat, Minni a Askenas. La handu simlacia vanaa cɔwva le vannda diolan sɛvaa le nda cɔlɔbaa. La yɔɔ soa le ndu delɔɔ coo a cɔwvo, mɛɛ sóónɔa kela kunda bɛndoo nuaa yɛ.

Yeremi 51:12

La heelu tɔɔmasele cɔwvo le kpakio Babilɔn simullo! La cɔɔlu fondala cumulaalan hɔlten handɔɔ coo, la kɛsi kpalilla. La kɛsi vannda le cumullo! Kani Mɛlɛka nɔ tuuvo pum, nduyɛ sɔɛi o tuu a Babilɔnnda-e, mɛɛ mò peelu ndi.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Yeremi 6:22

O Mɛlɛka dimi-o co hoo ni aa: «Vannda co fulaa o lɛŋnde co a ba luaŋ-ndo len nin. Vannda kunda bɛndoo co hunɔɔ cɔnɔnndo o lɛŋnden mɛɛlulan.

Yeremi 6:1

Vanaa fula o polale Bɛnyamɛn-nden nin-nda, la mal Yerusalɛm mì la ɲaanun. La hɔŋ buloo Tekoa ciee, la heelu lɛfɛ cɔwvo Bɛt-Hakerɛm! Kani n co dɛnɛ palaa, a dɛnɛ vɔɔndo cɔu hunɔɔ cɔnɔnndo a ba luaŋ-ndo.

Yeremi 4:21

Háá telen kuɛɛ ya va yɛnin lɛfɛ cɔwvo cɔu, mì va diom bulu cɔwvo tueyɔɔ?

Esai 62:10

La fula, la fula o diola luɛyaalan nin! La bɛɛndiaa nɛiyo le vanaa niaa, la toosiaa nɛiyo, la siimian ndu, la faaŋiaa powtan o nɛi! La heelu lɛfɛ landaa le vannda nɛiyo cɔmndo!

Sofoni 1:10

Paale len, yoondiaalan a diomnda vɔkɔ-vɔkɔlan la tuɛinunnin a ba Dio-n'suwvo. Diom ya Mɛlɛka soo-o co kon ni. Vana tuɛinin hiiliaalan o bungɛi sɛnɛi kobio nin, ɲɔɔ piɔndinin taw a kpengii pembon.

Yeremi 51:54

La yaŋnun-ndɔ, yeelan la co sɔɛi Babilɔn. Diom dɛnɛ palaa bɛndoo co fulaa o lɛŋnde len nin.

Yeremi 50:22

Vana lo o lɛŋnden nin, mà tuei diom cɔwvo. Má cè dɛnɛ palaa!

Yeremi 21:7

Mɛlɛka dimi maa o kon kɔɔli, o malnin Sedekia masaa Yuda, a simlacia ndɔa masaa Babilɔn o ba. Mò mal ndu vanaa nàà n'kɔnyaa mɛinin-nda o ba, a vanaa cɔwvo a yima fofolan ma mɛinin yoomu o kobio nin-nda o ba. I malnin nda yaamɔaa ndaa o ba, a yeema le nda diwvo-a pɛɛn. Nebukanɛsar diwnin nda. O tosalnin nda ikɛndɛ le, o mɛinin vɛlɛ vana-vana yoomu le, iɲíí bɛɛ biinin ndu le.›»

Yeremi 18:11

Nɔm Yeremi, soo niko o vannda Yuda a o Yerusalɛmnda lo, mà dimul nda aa: «Mɛlɛka dimi aa: ‹I cii kiolɔɔ, i co dɛnɛ palaa toosiaa le niaa, yiyannda vɔɔnndan pila la co ya o kɔl a niaa ni. Vana-vana mangala kela ndɔ vɔɔndo. Lende ni dɛ! Vana-vana yɛlɛma tiŋ kela ndɔɔ.›»

Yeremi 22:7

I co vanaa tɛɛmbua nɔ ɲɛm tɛɛmbuan o ba-a dimul, mà hun koombiaa sungbuma nɔmma yɔmii sɛɛdran, mà mal man o yin.

Sakari 6:6

Mí soa tiŋia va kɔlan a ɲɛ ɲaanan ndaa nanɔɔ a ba lɛŋnde co a maluaŋ-nden. Mí soa humbua va kɔlan a ba paalen le del-lo a ɲɛ ɲaanan ndaa nanɔɔ, mí soa pooɲɛiya va kɔlan a ba too.

Yeremi 10:22

La yaŋ ndɔ nilan! Diomndo co fulaa, vɔkɔ-vɔkɔ bɛndoo co sɔɛi fulaa a ba luaŋ-ndo, le hunɔɔ kobila Yuda lan mingio pɔmndan, nɛɛ bɛ̀mɛ́lta tivolla la vanin-nda.

Esekiɛl 9:1

O kon kɔɔli, mí tuɛi ndu deŋio kpélén aa: «Niaa bɛnda le kobio ho soŋɔ̀ɔ́-a, la hun niko! Vana-vana hun a ɲɛ ndɔ cɔw tɛɛmbua o ba!»

Esekiɛl 9:2

Mí ca langbaa hunɔɔ nda ŋɔmpum, má kei a nɛi dio luɛyaa bɛndu muli hɔlla a ba luaŋ-ndo-o, vana-vana óò nɔ ɲɛ cɔw tɛɛmbua n'vanndacieo o ba. Vanndo pum va nda tɛɛn a kola keesoo lekɔɔ, kpɛkilen le va ndu lelandaa o yáwlen. Mí vanaa kan a hun sim o fonda-loamaa-lasálà cɔwnun a daɲan-ndo ikɛi.