Yeremi 4:4 - BII BILA

⁴ La dii toomaa le ya Mɛlɛka, la dii kɔlta niaalan tooma, niaa vannda Yuda a vanaa co Yerusalɛm-nda, yɔŋii kɔl ni tuwvo bii maa leyin, mì le saa, vana-vana nɔlanin nden ɲumi le, le dɛnnda vɔɔnnda niaa co tosaa lan.›

Yeremi 4:4 Referans Kwoze

Tɔŋ miingua 10:16

La dìí kɔlta niaalan tooma, la simùl lɛ Mɛlɛka le.

Kolɔsea 2:11

O ndu nin koni niaa dii toomaa ni, tooma vanaciee dii vana loo, kɛ tooma fula Krista o ba-o, o baŋa naa ceen naa lahakio o ba-o.

Tɔŋ miingua 30:6

Mɛlɛka Hala niaa diinin kɔlta niaalan a kɔlta cuavaa niaa tooma, la kaolanin Mɛlɛka Hala niaa a kɔlta niaalan a á yoomu niaa kpede, haliko mi la va yoomu.

Yeremi 21:12

Yungu David-o! Diom Mɛlɛka dimi-o co hoo ni aa: ‹La va dɛnɛ sandaa tosaa kandɔɔ idii. La soli vanaa nda co saangiaa-a vanaa co nda saangiaa-a o ba, yɔŋii kɔl ni tuwvo bii maa leyin, vana nɔlanin nden ɲumio le, le dɛnnda vɔɔnnda niaa co tosaa lan.

Amɔs 5:6

Le hee, la mulin o Mɛlɛka lo mì la va yoomoo, yɔŋii o tol cuavaa-imamaa Yosɛf-a coo maa leyin mì yinnde len le tɛɛmbuu nda. Nduyɛ vana-vana venin Betɛl le len ɲumio le.

Sofoni 2:2

lɔ́ɔ́ pá mì sɔɛi fula masa bɛndoo o sondo-e dimin, mì paalen le hiow mɛɛ foeende hiaw o hoeiye nin nuaa yɛ. Là cùm háá mì kɔltuw bɛndu Mɛlɛka-o tol niaa coo le, là cùm mì paale kɔltuwle Mɛlɛka len le komal niaa le.

Esekiɛl 20:33

Le yoomu nuu, i tosanin niaa masalen coo, mì tuisi niaa ba ni mayoomoo a congú ni kpaayaa coo, mì cuiŋi kɔltuw nuu niaa coo. Sɔɛi fula Maalii, o co Mɛlɛka-o o sondo-e co ken ni.

Esekiɛl 24:13

Nɔm Yerusalɛm, dɛnɛ nɔɔlɛiyo mingi nɔm maa kpɛɛnɛi sɔvɛi, mì yeema le nɔm dindio kɛ a cɛl te pɛ! Lelan a sɔla lɛnin dindio a dɛnɛ nɔm nɔɔlɛiyo le, háá mì cii kɔltuw nuu cuiŋi nɔm coo.

Cɛɛŋɔnnda Yeremi lan 4:11

Mɛlɛka cii kɔltuw ndɔɔ kpow soli, o cii kɔlfulaa ndɔ bɛndoo cuiŋi. O mɛndul yinnde kɔltuwle ndɔlen Siɔn, mì le va tumnda Siɔn kilan coo lan lomɔɔ.

Esekiɛl 24:8

O kɔltuw bɛndu-bɛndoo nin, mí cuiŋi kooma man o pow bandíláà coo le màá mingio, yɔŋii ma mɔɲamɔɲa.»

Esekiɛl 16:38

I kialunin yamɛi nɔmnde mɛɛ vana kialu yamɛi vanlaandua suundɛiya a vanlaandua co vanndacieea diwvo-a yɛ. O kɔl ni tuwvo a o paŋala nuu nin, i yɔŋulnin nɔm mì soli nɔm koovan.

Esekiɛl 8:18

Lelan ya bɛɛ, i co nda dɛnndan tosal a kɔltuwvo. I tofanin nda mì ɲíí bii ya le, i keinin nda baa coo le. Hali a yondanin bɛɛ coocoo ya o lani, i yeŋnin nda lani le few.

Esekiɛl 6:12

Vanaa vanin levil-la nda vunin a nàà halimaa, mì vanaa vanin macɛlu-a nda vi a yima fofolan. Kɔl ni tuwvo kpow hulunnin nda coo.

Yeremi 36:7

Bɔɔle a cannin mà tɛɛlun Mɛlɛka a kpaaya ndaa kpow, o kon mì vana-vana mangala kela ndɔ vɔɔndo, kani taw-taw Mɛlɛka tambu kɔllo a vannda ha ni.»

Yeremi 23:19

La tofa vɔ hoeyii felenfelennde hunɔɔ: kɔltuw Mɛlɛka-o co o nɛi, piɔɔ hoeyii fùkù-fùkù kon pɛɛn, o co vanaa tosaa dɛnnda vɔɔnda tolɔɔ coo.

Yeremi 21:5

O kon, mì ya pila tol niaa coo a cɔwvo a hiilɛi kɔl ni fulaa bɛndoo. Mì cɔm niaa yoomuma nian a kpaaya ni bɛndoo.

Esai 51:17

Tiondu, tiondu se! Cɔn, nɔm Yersusalɛm, kol o taala kólaa kɔltuw Mɛlɛka-o nin, o co kon Mɛlɛka kalaa o ba-o, nɔm Yerusalɛm kol, ma cii ɲɛ va o taala kólaa hɔlaa hiŋaa nin-ndo!

Tɔŋ lasálàá 26:28

ya bɛɛ, i simulnin niaa a kɔltuwvo, mì cɔɔlu sangala niaalan vangala bɛmbɛ leŋɔmmɛw le hakila niaalan.

Esekiɛl 21:17

Lelan, nɔm Po vanacieo, koŋul mà hiila hiko-hiko! Kani vanaa nia mɔɛi cɔwve he hinul nuaa ni, le simlacia Israɛlla cɔlɔbaa. Simlacia kan sɔlanin piɔ́mndo nda vanaa niaa latulu. Lelan lɔɔnun lɔloo (a kpingaa).

Esekiɛl 18:31

La faŋa dɛnnda vɔɔnnda siinguu niaa vanaa yɔŋ vɔɔnda lan niaa ikɛi, mì la viow lan polon. La lueinun kɔlta sɛnɛilan a yiyannda sɛnɛilan nin. Éé niaa Israɛlla! Le yɛɛ nɛ niaa yeema yɛ le vuo kpeekpei?

Tɔŋ miingua 32:22

Kani yinnde kɔl ni tuwvo le mɛndulun, le kɔɛ a lomɔɔ háá ciee-piɔ́m di. Le lom lɛŋnden a tɔlɔɔla co lecoo lan, le lom pembon tumndan lɛŋ di-di.

Rɔmnda 2:25

I co toɲa maa o naŋ mì vana dii toomaa, te vana kela pɛ o sɔɔn tɔŋndo dimi-on coo. Kɛ vana tɛɛmbuu pɛ tɔŋndo, mɛɛ tooma n dii-o siŋnun maa lekɔ̀ndé.

Tɔŋ lasálàá 26:41

A biinin bila maa ya bɛɛ mí simul nda, mí yaa nda o lɛŋii yaamɔaa nda nin. O kon, a sinanin maa a yɔŋnun vanaa lo lediom coo le. Le hee a tuisinnin, mà cɛl sanga tol nda coo le hakila ndalan-ndo.

Esai 10:17

Ɲɛ-tengaa Israɛlla siŋnunnin yinnden, mì Hala Diandaa ndaa siŋnun yelenyelen leyinndo, yinnde len le loamnin hɛɛnndon a siɛmbullon o paalen ten pilɛ nin.

Esai 30:33

Kabi lɔ́ɔ́ levil nin, bémbé iyɔmndo cuu toosiaa le ndu lomɔɔ, bémbé iyɔm kon toosian le masaa, o fonda tiilanndo nin nda ciiŋiaa bémbé iyɔm kon ni. Yɔmnde co lon taw-taw, yinnden le co nin lebɛɛndiaa len. Hoeyii fula Mɛlɛka o milin-nde mɛndulnin yinnde len mi le bii maa pee pɔmbɔ fungoo co ŋɔu nin-ndo.

Yeremi 9:25

Esiptea, Yudaa, Edɔmnda, Amɔnnda, Moabua a vanpiaandua sendin kangbalan-nda kpow, á co icali o lɛŋnde veselɛilen nin-nda pɛɛn. Kani vanaa kan kpow a dii tooma le, Israɛlla bɛɛ kɔ̀ndéa nda co o kɔlta ndalan nin ni.»

Yeremi 44:22

Mɛlɛka ndóò tiw lɛ ba dɛnnda niaala vɔɔnndan a mààla niaa va tosaa lan biuvɔnndo le. Lelan lɛŋnde niaalen le siŋnun bémbélan ni, mí vannda piaw len. A lɛŋnde len vannda co tɔɔmaseloo cuaa ni le mɛnanndo a le dangaa dɔvɔɔ mɛɛ niaa co hau cɔu nuaa yɛ.

Esekiɛl 44:7

Hali telen niaa co ya ɲɛdiaa nuu, visin macuɛiyon a kooma cɔlua sálàá niaa yɔngoo-o, la co vanaa súúla celennda, a kɔlta ndalan la mangalan haa le-a, a dii haa tooma le-a lueiyo o cɛi-kola-toandaa diandaa nuu nin. La nɔɔliaa cɛi biilaa nuu dɛ! La cii kpema co ya a niaa tɛɛn-ndo tɛɛmbuu a dɛnnda niaala nɔɔlɛilan kpede.

2Dɛnnda lemasalan 34:25

Kani a mulul ndu kɔɔ ma va sálàla cuɛima cun kɛndɛlan lomɔɔ le halaa celennda. A tɛɛmbuu ya kɔllo a dɛnnda nda co tosaa lan kpow. Lelan kɔl ni tuwvo toalnin o fondaa ho coo ni. Nduyɛ, o ɲum ndɛnin le lɔ́ɔ́-lɔ́ɔ̀ le.›

Yeremi 15:14

I co niaa yɔɔ o biyɔɔ nin yaamɔaa niaa o ba o lɛŋnde niaa sina le len nin. Kani yinnde kɔl ni fulaa le saa, le niaa kpeekpei le bii lende ni.»