Yeremi 4:28 - BII BILA

²⁸ Lelan le co o mɔnɛi nin ni, mì halataala coocoo piimiaa, kani i cii dimi, lende ya kelu le tosaa ni, mɔnɛi biinin ya le kon tosaa le, i mangalanin diom kon te.»

Yeremi 4:28 Referans Kwoze

Kundalan 23:19

Hala co vanaciee le lacòò dimi le. O co vɛlɛ po vanaciee le diom ndɔɔ mangalaa le. O dímì isɔɔ mò kɛɛ ndi tosa le, O sólìn lediom o sondo mò kɛɛ len peelu le.

Osee 4:3

Lelan dɛnɛ palaa toalnin o lɛŋnden nden coo ni. Vanaa vanin icali lenin-nda kpow a ɲawnin. Visia yondoo nin a yowva coocoo bɛɛ a ɲawnin. Hali suvaa co o mɛmma ihɛllan nin-nda co hunɔɔ cuvɔɔ.»

Yeremi 12:4

Háá telen kuɛɛ nɛ lɛŋnden le va yɛnin o dɛnɛ palaa nin, mì bil yondoo kpow va o vesɛiyo? Visia yondoa a yowva co cuuo le dɛnɛ vɔɔn vanaa co o lɛŋnden nden nin-nda. Kani a co dimio aa: «Yeremi cinin mɛɛlula naalan te.»

Esai 50:3

I kumbunin halataalaa a ɲumndan, mì cuɛi ndu a volɔɔla yuululan.

Esai 5:30

Lende o pɛɛliaanin a nda paale len ni mɛɛ mɛmma ihɛllan ma kuŋ nuaa yɛ. Vana tofa pɛ lɛŋnden paale len, ɲumndan a sangaa daama vana canin lecoo ni. Ɲɛ-tengaa kumbunnin mɔku-mɔku a kumii bɛnduei.»

Dɛnnda cɔɔmuanndan 6:12

Telen o kumbi tɔɔmasele ŋɔmpumndɔɔ-o, mí lɛŋnden le ɲiiya taw, mí paalen le muungu le tiŋi maa volɔɔla biisi, mí paangei kpow i muungu maa makòó,

Hebreea 7:21

Kɛ le Yeesu, mí Hala mɛnan, mó dimul ndu aa: «Mɛlɛka cii mɛnan, nduyɛ, o yɛlɛmanin diom ndɔɔ le aa: ‹A co va vana-solia-lasálàá le fɛɛn a fɛɛn.›»

Efɛsea 1:11

O yiinan naa n yiinan a Krista-o, mí naa bɛɛ n sɔla hɛlio. Mɛlɛka ndóò cii nin dɛnɛ kon tosa le naa mɛɛ o tuu yɛ. Mɛlɛka kon pɛɛn, ó tosa dɛnndan kpow mɛɛ hɛnan ndɔɔ co yɛ-o.

Efɛsea 1:9

O cɔm naa sɔɛi vianaŋii ndóò yeema le tosaa-e, sɔɛi vianaŋii kɛndɛ-kɛndɛ ndóò tuu le tosaa o Krista nin-nde.

Luke 23:44

A telen paalen le sim o pol-lo kínɛí, mí ɲumma bɛndu-bɛnduan ma toal o lɛŋnden kpow coo, mí ma lo lende háá o lɛɛlɛ yàándɔɔ a paale yɔngannden.

Marke 15:33

Paalen tiiyaa o pol, mí ɲumndan ma toal o lɛŋnden kpow coo, mí ma lo lende háá o lɛɛlɛ yàándɔɔ.

Matie 27:45

Kandɔɔ a paalen o pol háá tiiya a lɛɛlɛ yàándɔɔ a paale yɔngannden, mí ɲumma bɛnduan ma toal o lɛŋnden kpow coo.

Yɔɛl 1:10

Ciɛɔn cuu itambu, lɛŋnden le luɛi kɔsɔ, kani maalon tambu, mɔima n'rɛsɛmma sɛnɛiyan ma co lɛ le. Hali cuɛilen tue bɛɛ le co lɛ le.

Osee 13:14

I baŋanin nda mì soli nda ciee-piɔ́m, i solinin nda o kpòndò piɔ́mndo bɛngu. Òó piɔ́mndo! Ɔ́ɔ̀ ɲɛm cɔvun n tiindan-ndon? Òó ciee-piɔ́m! Ɔ́ɔ̀ kpaaya nɔm tɛɛmbua? I tofa lɛnin nda mì ɲíí bii ya le.

Esekiɛl 24:14

Ya Mɛlɛka soo nuaa ni, i tosanin ɲɛ ya dimi-o, i peelunin sɔɛi nii, i mɛinin ɲɛ-ɲɛ le tosaa le, ɲíí biinin ya le, mɔnɛi biinin ya le. Yamɛi nɔmnde kialunnin mɛɛ kelala nɔmndan a dɛnnda nɔmndan la co yɛ!» Sɔɛi fula Maalii o sondo-e co ken ni, Mɛlɛka pɛɛn.

Yeremi 30:24

Kɔltuw bɛndu Mɛlɛka-o muungu le, mɛɛ mò tosa ɲɛ o bɛnda le tosaa-o kpede, ɲɛ va ndu o kɔl-lo pɛɛn. Paale vanin mì la bii ken bila.»

Yeremi 23:20

Kɔltuw Mɛlɛka-o cuunin te, háá fɔ mì ɲɛ o kelu le tosaa-o cuu peelɔn. Paale vanin mì la hun bii bila.

Yeremi 23:10

«Lɛŋnden le pɛ a vanaa co suundaa-a. Le co o mɔnɛi nin le dangala pɛ len coo lan. Billo vesan o vɔ̀lɛ́la co o lɛŋnden nin-ndan kpede. Le kɔlan dɛnɛ vɔɔndo tosaa nda caa kiltan ni, le dɛnnda niŋ te lan nda fula diallon ni.

Yeremi 14:2

«Vannda Yuda co o mɔnɛi nin, kobila ndalan la co yɛɛvɔɔ dɔwnɔnndo, a co a hɔlaa yiyaa icali lɛŋ. Yerusalɛmnda co koŋullo, mì diom ndaa va kɔlan háá o halataala.

Yeremi 12:11

A toɲa, a siinguu lɛŋnde len lɛŋnde dɛnɛ palaalen. Le cuu itambu kpede ya o hɔl, le dɔwnun yɛɛvɛ kpede, vana-vana co muli le.»

Yeremi 7:16

«Nɔm Yeremi yɛ, piɛi le vannda ha le, soli diom le nda le, piɛi le nda le, tɛɛlun ya o lepiɛi nin le nda le, kani i yeŋnin nɔm lani le.

Esai 34:4

Ɲɛm cɔvun co o halataala-on kpow n puusiannin, halataalaa simbulunnin maa vala, ɲɛm cɔvun co lenin-ndon n delinin mɛɛ pei n'rɛsɛnnde deli nuaa yɛ, mɛɛ pei voosoei deli nuaa yɛ.

Esai 24:4

«Lɛŋnden le co o dɛnɛ palaa nin, le siɔŋ. Ceendo kpede dɔwnun yɛɛvɛ, simlacia co o lɛŋnden coo-a dɔwnun yɛɛvɛ a lɛŋnden latulu.»

1Samiɛl 15:29

Mɛlɛka co biilu Israɛlla-o dimi lacòò le, o mangala diomndo maa vanaciee le.»

Yeremi 51:12

La heelu tɔɔmasele cɔwvo le kpakio Babilɔn simullo! La cɔɔlu fondala cumulaalan hɔlten handɔɔ coo, la kɛsi kpalilla. La kɛsi vannda le cumullo! Kani Mɛlɛka nɔ tuuvo pum, nduyɛ sɔɛi o tuu a Babilɔnnda-e, mɛɛ mò peelu ndi.

Cɛɛŋɔnnda Yeremi lan 2:17

Mɛlɛka cii ɲɛ ndóò dimi le tosaa-o tosa, o cii sɔɛi ndóò kelu paandu pa-e peelu, o cii nɔm tɛɛmbuu, o tosa iɲíí le. Mó nɛŋi yaamɔaa nɔmnda kɔltan a sɔɛi nɔmnde, mó luei vanaa nɔ nɛyɔn nɔmndo-a yoomuan.

Sakari 8:14

Kani ya Mɛlɛka-Nɔ-Kpaayaa-Kpow-vo dimi ni aa: Mɛɛ yáà tuu paandu le niaa dɛnɛ vɔɔndo tosallo le tùú fuɲaa niaa mamaa tuulu ya kɔl-lo yɛ, yáà mangala vɔ yiyan kon te. Ya Mɛlɛka-Nɔ-Kpaayaa-Kpow-vo o co sɔɛi nuaa ni.