Yeremi 4:27 - BII BILA

²⁷ Kani diom Mɛlɛka dimi-o co hoo ni aa: «Lɛŋnden kpow le dɔawnunnin yɛɛvɛ, kɛ i tɛɛmbuunin nden kpede le.

Yeremi 4:27 Referans Kwoze

Yeremi 46:28

Nɔm Yakɔb vana ni baala, siòòŋii bii lɛ nɔm te, kani i co nɔm ikɛi. I ciinin vanaa-mangalaa-isɔaa niaa kɔ cal tɛɛn telen yáà tow niaa-o-a. Kɛ nɔm, i ciinin nɔm te. I tuisinin nɔm sangaa coo le nɔm silaa o sandei nin, i melnin nɔm kɔnndan lende le.»

Yeremi 5:18

Mí Mɛlɛka dimi aa: «Kɛ hali o palɛi ken nin, i diwnin niaa kpow le.

Yeremi 5:10

La hel o kungala ndɔlan mì la tɛɛmbuu, kɛ la tɛɛmbuu ndu kpow le. La bɛɛsiaa lɛvun ndɔn, kani o co Mɛlɛka le nɔ mun te.

Yeremi 30:11

Sɔɛi fula Mɛlɛka o sondo-e co hee ni aa: «Kani i co nɔm ikɛi le nɔm ciindiaa, i diwnin vanaa-mangalaa-isɔɔa niaa va a sɛŋiannda tɛɛn-nda, kɛ niaa niaa, i diwnin niaa le. I saangiaanin nɔm, kɛ le nɔm mingio o nɛi sandaa coo ni, kani i nɔla nɔm biyɔɔ maa vana tɛɛmbuu isɔɔ loo le.»

Esekiɛl 11:13

O kon, telen ya va diom Mɛlɛka kon tɛɛnguuo-o, mí Pelatia po Benaya-o vu. Le hee, mí (ya Esekiɛl) del lɛŋ o kuumbuan o kɔl coo, mí koŋul coocoo kpélén aa: «Éé Maalii Hala! Vɛ̀ɛ̀ a yeema ma cii Israɛlaa tɔ̀a lo yoomu-a diw?»

Tɔŋ lasálàá 26:44

Ya yɛ, hali tuma nda vanin a saŋnannda o lɛŋii yaamɔaa ndaa nin-ndo, i kɛɛnin nda few-few le, a nɛinunnin ya le, i ciinin nda le, i tɛɛmbuunin kpema nuu a nda le. Kani Mɛlɛka ya co ni, Hala ndaa pɛɛn.

Esekiɛl 33:28

I siinguunin lɛŋnde (ndalen) lɛŋnde piɔlɛilen a lɛŋnde veselɛilen. Yoomuma nda kɔngan, mà va heelɔnndo-an ma cuunin itambu. Pembon Israɛl n lonin fondo fúú, vana-vana ve lɛnin kei lecoo le.

Esekiɛl 6:14

I siɛndinin ba nuu nda coo mì tɛɛmbuu lɛŋnde ndalen, mì dɔw len yɛɛvɛ hiovɔɔ maa lɛŋnde veselɛilen Dibla. Nɛɛ-nɛɛ nda co icali, lende ya siɔŋinin lɛŋnden ni, o kon a sinanin maa ya co Mɛlɛka ni.»

Yeremi 18:16

A cii lɛŋnde ndalen mingi bémbélan kposon, telen oo telen vannda fula pɛ lon, a kpinga. Vanaa hiawnannda tiiya pɛ lon, a dɔwnun kɔndɔfili, a hiŋ bollen.

Yeremi 7:34

I kuunanin kɔlkɛndɔɔ a ɲaaloo o kobila Yuda lan nin a o nɛilan Yerusalɛm coo, mì kuuna condun cuaa laandua soli le vanaa nda yeema-a-on a n poaa piaandua bɛɛ soli le a nda yeema-a-on, kani lɛŋnden le muungunin bémbélan kposon.»

Yeremi 4:7

Yàlàá huulu mó fula o bɛ̀mɛ́lta ndɔlan nin, vana tɛɛmbua vanaa-mangalaa-isɔɔa cɛn hunɔɔ, o mal o ndu lo mó can hunɔɔ le lɛŋnde niaalen yɛɛvɔɔ dɔvɔɔ, kobila niaalan la co piɔl mì vannda pew.

Esai 24:1

La tofa vɔ, Mɛlɛka co lɛŋnden yɛɛvɛ dɔvɔɔ mò salu ɲɛ-ɲɛ co lecoo mì le lo fondo. O puusiaanin nden mò sɛŋi vanndacieea co icali lecoo-a.

2Dɛnnda lemasalan 36:21

Kon tosan haliko mi sɔɛi Mɛlɛka ndóò dimi a sondo Yeremi, vana-tɛɛngaa-diom Hala-o-e i peelun. Sɔɛi ken yɔŋnun hee ni: «O vɔsilan belaŋɔmmɛw bɛngu, lɛŋnden le malnunnin mì le sɔla pɛngio háá mì telen léè bɛnda le pɛngi kalaa sɔlaa o vɔsila lan bɛngu-o cuu.»

Nehemi 9:31

Kɛ hali a kon, a kaola nɔm nɔ lamɛɛlu loo, a cii nda le, a kɛɛ nda le, kani Hala iɲííyo a Hala nɔ kɛndɛi-yo n co ni.

Yeremi 4:20

Sɔɔn dɛnɛ palan tuŋ nda co hiyanndo dimio ni, kani lɛŋnden kpow le cuu itambu, cɛila-kolala-toandaala nilan la tambu o lepilɔɔ, mí kuula nilan la tambu o biɔŋɔɔ lepilɔɔ.

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Yeremi 25:11

Lɛŋnden nden kpede le siŋnunnin bémbélan, mì vanaa-mangalaa-isɔɔa ha kpede luɛi masaa Babilɔn o ba bɛngu le vɔsilan belaŋɔmmɛw.

Yeremi 44:6

O kon mí kɔl ni tuwvo saŋnun o kobilan Yuda a o nɛila bɛndulan Yerusalɛm coo maa leyin, hau kobila lan la siŋnun pɔmndan, vannda piow lan mɛɛ niaa sina yɛ.

Esekiɛl 20:17

Kɛ mɛɛ ya tofa nda, mí ɲíí ndɛi bii ya taw, mí ɲííye bii ya le nda ciiyo diwvo. Le hee, i cii lɛ nda diw o lɛŋnde veselɛilen nin te.

Tɔŋ lasálàá 26:31

I siinguunin kobila niaalan bémbélan, mì siinguu sooluula niaalan pɔmndan. Sálàla niaala cun kɛndɛlan la hɛnan ndɛnin ya cun te.

Esai 17:6

Kpɔnyɔlan la lonin le kiɔndɔɔ mɛɛ vana hiiluu oliviee tumndo nuaa mì oliven koaman n'miun, n'yáá lo o yɔmndo bollen, mì n'hiɔɔlu, ŋuɛɛnu n lo o kpɔ̀nyɔ̀lan yɛ. Mɛlɛka dimi lende ni, Hala Israɛlla pɛɛn.

Cɛɛŋɔnnda Yeremi lan 2:7

Mí Mɛlɛka kɛɛ fonda-loamaa-lasálàá ndɔɔ, mí cɛi-kola-toandaa ndɔ diandaa nɛinun ndu. Mó mal kpakila cɛila lemasalan Siɔn yaamɔɔa o ba. Mí yoondiaalan la va sɔɛi o Cɛi-Mɛlɛka-o nin, maa o paale kafo coo.

Sofoni 1:18

Volin ndan a sianin ndan nɔlanin nda ciindiaa o paale kɔltuwle Mɛlɛka len coo le few. Mɛlɛka loamnin lɛŋnden kpow a yinnde ndɔle paŋalaalen. Ì vanin sɔɛi kpundɛ bɛndu dɛ! Mɛlɛka co vanndacieea co o lɛŋnden coo-a kpow tɛɛmbuu.»