Yeremi 4:26 - BII BILA

²⁶ Mí tofa, mí ca lɛŋnde Karmɛl-ten le muungu lɛŋnde veselɛilen, kobila ndɔlan kpow la tambu a kɔltuw Mɛlɛka-o.

Yeremi 4:26 Referans Kwoze

Condii lisai 107:34

mò mingi lɛŋnde tɔlɔɔlan la naŋ nin-nden lɛŋnde ihɛlten, te vanaa co o lɛŋnden coo-a kela pɛ kela vɔɔnndo pɛɛn.

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Yeremi 12:4

Háá telen kuɛɛ nɛ lɛŋnden le va yɛnin o dɛnɛ palaa nin, mì bil yondoo kpow va o vesɛiyo? Visia yondoa a yowva co cuuo le dɛnɛ vɔɔn vanaa co o lɛŋnden nden nin-nda. Kani a co dimio aa: «Yeremi cinin mɛɛlula naalan te.»

Condii lisai 76:7

Mɛɛ nɔm Hala Yakɔb-o deŋul nda, mí vanaa ɲaanun o soa coo-a a soa ndaa kan a deli lɛŋ lɛ́ɛ́siɛn.

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Yeremi 12:13

Niáá saŋ maalon, mi la va yɔɔn booson kovɔɔ. La co sangaa bɛndoo pila, kɛ la co tɔnɔ oo tɔnɔ sɔla le. Siɛmbulan la bii niaa a ɲɛ niaa co kovɔɔ-o, ken tosan le tùú Mɛlɛka tambu kɔllo a niaa taw-vo.

Tɔŋ lasálàá 26:31

I siinguunin kobila niaalan bémbélan, mì siinguu sooluula niaalan pɔmndan. Sálàla niaala cun kɛndɛlan la hɛnan ndɛnin ya cun te.

Yeremi 7:34

I kuunanin kɔlkɛndɔɔ a ɲaaloo o kobila Yuda lan nin a o nɛilan Yerusalɛm coo, mì kuuna condun cuaa laandua soli le vanaa nda yeema-a-on a n poaa piaandua bɛɛ soli le a nda yeema-a-on, kani lɛŋnden le muungunin bémbélan kposon.»

Yeremi 25:11

Lɛŋnden nden kpede le siŋnunnin bémbélan, mì vanaa-mangalaa-isɔɔa ha kpede luɛi masaa Babilɔn o ba bɛngu le vɔsilan belaŋɔmmɛw.

Cɛɛŋɔnnda Yeremi lan 2:7

Mí Mɛlɛka kɛɛ fonda-loamaa-lasálàá ndɔɔ, mí cɛi-kola-toandaa ndɔ diandaa nɛinun ndu. Mó mal kpakila cɛila lemasalan Siɔn yaamɔɔa o ba. Mí yoondiaalan la va sɔɛi o Cɛi-Mɛlɛka-o nin, maa o paale kafo coo.

Sofoni 1:18

Volin ndan a sianin ndan nɔlanin nda ciindiaa o paale kɔltuwle Mɛlɛka len coo le few. Mɛlɛka loamnin lɛŋnden kpow a yinnde ndɔle paŋalaalen. Ì vanin sɔɛi kpundɛ bɛndu dɛ! Mɛlɛka co vanndacieea co o lɛŋnden coo-a kpow tɛɛmbuu.»