Yeremi 4:24 - BII BILA

²⁴ Mí tofa pembon, n va ɲiiyaa, mí mɛɛndian buubuuon kpow, n va hiilɔnndo.

Yeremi 4:24 Referans Kwoze

Esekiɛl 38:20

Suwva o peelo a yowva coocoo a ɲiiyanin ya o hɔl. Visia yondoo nin a ɲaa pɔm-pɔmbɔa kela lɛŋ-nda bɛɛ ɲiiyanin, hali vanndacieea co o lɛŋnden coo-a kpow bɛɛ a ɲiiyanin. Pembon koombiaanin, mì powta yɛ́ndɛ́la feke-fekelan la deli, kpakilan kpow la koombiaanin.

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

Esai 5:25

«Le kɔlɔ kon Mɛlɛka tuulu kɔl a vanaa ndɔa ni, mó heelu ba ndɔɔ, mó lɔaa nda, mí pembon ɲiiya, mí vannda cɛɛlun, má vu, mɛɛ bil basaa va o nɛila bɛndulan demullo nuaa yɛ. Kɛ hali a kon kpow, kɔltuw Mɛlɛka-o ɲulul-lɔ le, ba ndɔɔ co vɔ o siɛndiaa le lɔɔ.

Misee 1:4

Pembon co kɔlan a puusianndo ndu o labɛngunin, bóltan la co kɔlan a tɛɛndiaa ndu laci mɛɛ dukpaa tenga o yinndekɔɔ nuaa yɛ a mɛɛ mɛnndan ma toal nɛɛ feke-fekea nuaa yɛ.

Condii lisai 97:4

Ɲɛ voliaa ndɔɔ co ceendo teengiaa, vannda co kon cɔu ma va ɲiiyaa.

Condii lisai 18:7

O sanga nuu nin, mí ɲuna Mɛlɛka le malaa sɔlaa, mí yonnda kpélén Hala nuu o lani. O lo o cɛi ndɔ lemasaa nin, mó tuɛi ya diom, mí diom nuu tiiya ndu o lani.

1Masaa 19:11

O kon mí Mɛlɛka dimul ndu aa: «Fula ma kɔ sim ya o hɔl o pembei coo.» Nduyɛ Mɛlɛka va hiovɔɔ. Fɔ́ɔ́fɔ̀, mí hoeyii fùkù-fùkùei can hɔŋndo, mí pembon a powta kpovalan la va piɔsio Mɛlɛka laci. Kɛ Mɛlɛka ve o hoeyii ken nin te. O kon kɔɔli, mí lɛŋnden le ɲiiya, kɛ Mɛlɛka ve o lɛŋnde ɲiiyaale len nin te.

Habakuk 3:10

Pembon co nɔm cɔu mì n va ɲiiyaa, Piɔɔ bɛndu-bɛndoo hin súlùlù mò va siaa. Mɛmma bɛnduma nɔ lamɛɛlu lean ma co kuŋndo, ma co tindian heeloo háá o halataala.

Habakuk 3:6

O sim pɛ lɛŋnden le ɲiiya. O tofa pɛ vanaa-mangalaa-isɔɔa, kan yɔŋ siòònde a ndu. Pembun masindɛ-sindɔn co piɔsio, pembu pɔmbɔn sindɛ, n va mun nɛila ndɔlan paandu-on co tolɔɔ mɔlɔ-mɔlɔ,

Yeremi 8:16

Vana tuɛi soa ndɔa diom cɔnɔnndo Dan dí, lɛŋnden kpow le co ɲiiyaa a caŋ nda co-o. A co hunɔɔ le lɛŋnden a ɲɛm co lenin-ndon tɛɛmbuuo, le kobio a vanaa co lenin-nda tɛɛmbuuo.»

Condii lisai 77:18

mí yumbuyumboo tuisi mɛnndan pɔ́lɔ̀-pɔ̀lɔ̀, mí piɔɔ va deŋio o halataala, mí kɔɔn nɔmndon va kɔlan nɛɛ-nɛɛ ka.

Dɛnnda cɔɔmuanndan 6:14

Mí halataalaa hiaw a simbulɔnndo maa mɛɛ vana simbul sɛbɔɔ nuaa yɛ, mí pembon kpow a tiŋndan la faŋan o fondala ndalan.

Fulaa 19:18

Mí kumnde mial pembei Sinai, kani Mɛlɛka ndóò tol lon o yinnde bɛndulen nin. Mí kumnde va helɔɔ mɛɛ i fula o tóndó bɛndu leyinndo nin nuaa yɛ. Mí pembei kpow i hiilun voku-voku.

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Esai 13:13

Kani i hiiluunin halataalaa a kɔl ni tuwvo, mì lɛŋnden le yɔɔlian o tumndo. Ya Maalii, ya Mɛlɛka-Nɔ-Kpaayaa-Kpow-vo pɛɛn. Kon tosannin paale ya cuiŋinin kɔl ni tuw bɛndoo len.

Esai 24:20

Lɛŋnden le hiilun mɛɛ vana mɔiyan ma co o hɔl-lo siɛɛliaa nuaa yɛ. Lɛŋnden le yɛmban mɛɛ kuuvo yɛmban nuaa yɛ, haki ndɔɔ co ndu coo mo va ndu kindilaa. Lɛŋnden le komba, le cen-ndɛ le.