Yeremi 4:23 - BII BILA

²³ Mí tofa lɛŋnden, mí ca len tulumasaa, le va fondo fúú. Mí tofa o halataala, ɲɛm ndɔn tengan ve lɛ le.

Yeremi 4:23 Referans Kwoze

Matie 24:29

«Palɛi sanga bɛndui ken i hiow dɔ́ɔ́ pɛ, paalen le piimiaanin, paangei dindunin te, loeon fulanin coocoo mì n deli, mì kpaayala co o halataala lan la hiilun.

Esai 13:10

Kani loeon a mɔmtombolaa co o halataala-o yɔngu lɛnin pangelela ndalan te. Paalen le piimiaanin telen le kandunin cɔnɔnndo-o, paangei bɛɛ, i ve lɛnin diondɔɔ le.

O Kandɔɔ 1:2

Lɛŋnden le va tulumasaa, ɲɛ-ɲɛ ve lecoo le. Ɲumma bɛndu-bɛnduan ma va matoalaa kpingbi o mɛnndan coo. Kɔl Hala-o va o pɛɛngaa o mɛmma man coo.

Amɔs 8:9

Diom Maalii, o co Mɛlɛka-o dimi-o co hoo ni aa: «Paale len, paalen le delnin a telen paale kalaa, mì tuisi ɲumndan o lɛŋnden coo ipalaa déŋ.

Yɔɛl 2:10

Lɛŋnden le co nda ɲiiyaa laci, halataalaa hiilun yongban-yongban. Paalen a paangei piimiaa kpilo. Loeon va diondɔɔ-on ɲum pɔ́lì.

Esai 5:30

Lende o pɛɛliaanin a nda paale len ni mɛɛ mɛmma ihɛllan ma kuŋ nuaa yɛ. Vana tofa pɛ lɛŋnden paale len, ɲumndan a sangaa daama vana canin lecoo ni. Ɲɛ-tengaa kumbunnin mɔku-mɔku a kumii bɛnduei.»

Matie 24:35

Halataalaa a lɛŋnden le hiawnin, kɛ sɔɔn nun hiwnin te.»

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Yeremi 2:12

Lelan niaa vanaa co o halataala-a, la yɔŋnun yoloma-yoloma. Siòòŋii bɛnduei bìí niaa mì la ɲiiya. Ya Mɛlɛka co sɔɛi nuaa ni.

Cɛɛŋɔnnda Yeremi lan 3:2

O sim ya laci, mó kɔa a ya o ɲumndan nin, o ve o ɲɛ-tengaa nin te.

Sakari 14:6

Paale len, ɲɛ-tengaa ve lɛnin te, hoeyii misisiei a mɛmma liimianndan bɛɛ ma venin te.