Yeremi 4:20 - BII BILA

²⁰ Sɔɔn dɛnɛ palan tuŋ nda co hiyanndo dimio ni, kani lɛŋnden kpow le cuu itambu, cɛila-kolala-toandaala nilan la tambu o lepilɔɔ, mí kuula nilan la tambu o biɔŋɔɔ lepilɔɔ.

Yeremi 4:20 Referans Kwoze

Condii lisai 42:7

Éé Hala nuu! Kɔllo co ya fulaa nin, lelan ya co yiyanndo a nɔm o kɔɔ o tàndá Yurdɛn-ndo nin ni, o pembon Hɛrmɔn coo, o pembei Mitsear ikɛi.

2Tesalonikea 1:9

A sɔlanin sanga fɛɛn-fɛɛndo, a vanin hɔlaa Mɛlɛka-a a kpaaya ndɔ bɛndoo levil

Matie 10:28

La vò vanaa dii diallon kɛ a nɔla kɔllo diyɔɔ le-a le. Kɛ o niaa vo-o co Vana tosà mì kɔllo a diallon kɔɛ o ɲánndávàà-o ni.

Yɔɛl 1:15

«Kpòkóó dɛnɛ! Má cè paale bɛndu dɛ! Paale Mɛlɛka len le co le tiiyaa. Maa mɛɛ Vana-Kpaayaa-Kpow tuisi kpundɛ tɛɛmbua bɛndoo vannda coo nuaa yɛ, lende paale len le hunnin ni.

Esekiɛl 14:21

A toɲa, nuaa Maalii o co Mɛlɛka-o dimi ni aa: «Maa lekɛ́ndɛi, i tuisinin sangala hiɔɔlula kálà-kálàlan ndan Yerusalɛm coo: cɔwvo, yima fofolan, visia biyaa a nàà n'kɔnyaa le vanndacieea a cɔlua ciiyo diwvo.

Cɛɛŋɔnnda Yeremi lan 3:47

Dɛnɛ komal naa o laan-ndo co hoo ni: siòònde, kɔl yulan-yulanndo, tambei a kpundɔɔ.

Yeremi 17:18

Vanaa co ya yɛlen tollo-a siɛmbulan láà bɛnda le biyɔɔ ni, kɛ o co ya le. Ndáà bɛnda le ɲiiyaa a siòònde ni, kɛ o co ya le. Tuisi paale dɛnɛ palaalen nda coo, mà tɛɛmbuu nda kpede.

Esai 33:20

Kɛ mɛɛndan-ndɔ Siɔn, kobi naa naa n tosa kafolan nin-ndo! Hɔlta nɔmndan la canin Yerusalɛm, nɛɛ calaa connun kan o ba ndɔɔ coo yili-a o co ni, cɛi-kola-toandaa vana bɛɛŋuu lɛnin too, o vana sungu lɛnin pikin ndɔn too, yoei cɛi-kola-toandaa kon bɛɛ i tiimbun ndɛnin te few.

Esai 13:6

Lelan la ŋɔɔcian! Kani paale Mɛlɛka len le co le tiiyaa. Paale len le co hunɔɔ maa kpundɛ. Mɛlɛka Vana-Kpaayaa-Kpow tuisinin len lende ni.

Tɔŋ lasálàá 26:24

ya bɛɛ, i simulnin niaa, mì cɔɔlu sangala niaalan vangala bɛmbɛ leŋɔmmɛw le hakila niaalan.

Tɔŋ lasálàá 26:21

Te la simul-la pɛ, mì la kɛɛ le sɔɛi nii biyɔɔ, i cɔɔlunin bɛpɛla niaa vangala bɛmbɛ leŋɔmmɛw mɛɛ hakila niaalen la co yɛ.

Tɔŋ lasálàá 26:18

A kon kpede te la tui ya diom te, i vangalanin sangala niaalan bɛmbɛ leŋɔmmɛw le hakila niaalan.

Fulaa 33:5

Kani mí Mɛlɛka soaa o Moise lo aa: «Dimul Israɛlla aa: ‹Vanaa lanila kalua niaa co ni, te i kɔɛ pɛ niaa tɛɛn, hali le telen pɔmbɔ, i diw niaa kpede. Lelan, la sooluu volɔɔla niaala kɛɛsuanndan, mì la mɛɛndan mɔnɛ ya co soli a niaa-o.›»

Habakuk 3:7

I co cɛila-kolala-toandaalan Kusan cɔu tambei, fondala lɔlaalan Madian la co ɲiiyaa.

Yeremi 4:6

‹La heelu tɔɔmasele yonda cɔwvo a ba Siɔn-ndo, la ɲaanun, la sim te dɛ! Kani i co dɛnɛ palaa a sanga bɛndoo cuu fulaa a ba luaŋ-ndo.

Esai 54:2

«Cɔɔlu fonda cɛi-kola-toandaa nɔmndo kuundiaa, mà tondu kolala n'vìì fondala nɔmnda calaalan-ndan. Toandu lan a siòòŋii bɔnɔ le! Bɛndi yoei nɔmnde mà baŋ pikin nɔmndon kpáŋ!

Esai 47:9

Kɛ kpundɛla sala tiɔnnda lan la toalnin niaa coo o lepilɔɔ o paale pilɛlen nin, mì la vii cuawva, mì la vii vɛlɛ vanaa niaa co o nɔ̀lan-nda. Hali la nɔ bɛɛ kueilen, mì la caa mangalaa taw, kpundɛla lan la toalnin niaa coo cili.

Condii lisai 72:19

Biiloo co le diola ndɔla biilaalan le fɛɛn a fɛɛn! Màá lɛŋnden kpow le piɔ a biilu ndɔɔ! Amiina! Amiina!

Kundalan 16:21

«La faŋan o sɛ́lɔ́ɔ́ ho tɛɛn, kani i co nda tɛɛmbuu sisa»

Tɔŋ lasálàá 26:28

ya bɛɛ, i simulnin niaa a kɔltuwvo, mì cɔɔlu sangala niaalan vangala bɛmbɛ leŋɔmmɛw le hakila niaalan.

Esai 15:5

Kɔl nuu co yondaa a mɔnɛi biyɔɔ le lɛŋnde Moab len, kani vanaa ndɔa co ɲaanɔnndo ma va kɔnndan Soar, háá Ɛklat-Sɛlisia, a co pembei Luhit helɔɔ a caŋndo, ma va kɔlan o nɛi Hɔrɔnaim-ndo coo a koŋullo kpélén.

Yeremi 4:21

Háá telen kuɛɛ ya va yɛnin lɛfɛ cɔwvo cɔu, mì va diom bulu cɔwvo tueyɔɔ?

Yeremi 4:27

Kani diom Mɛlɛka dimi-o co hoo ni aa: «Lɛŋnden kpow le dɔawnunnin yɛɛvɛ, kɛ i tɛɛmbuunin nden kpede le.

Yeremi 12:11

A toɲa, a siinguu lɛŋnde len lɛŋnde dɛnɛ palaalen. Le cuu itambu kpede ya o hɔl, le dɔwnun yɛɛvɛ kpede, vana-vana co muli le.»

Yeremi 9:18

Kani yeelan a somisominndan la co diomndo fulaa a ba Siɔn-ndo aa: «Kpòkóó dɛnɛ! Mbɔ̀ naa n tambu fɔ́! Siɛmbulan la tol naa kangalan, fɔ mi n mal lɛŋnden nden. Kani a cii calta naalan puusiaa!»