Yeremi 4:19 - BII BILA

¹⁹ «Éé ya, demboo! Kpòkóó ya, demboo! I co somisominndo a ɲɛ nɛyaa, kɔllo kindun ya véŋ-véŋ. I tiwba meiyo a hee le, kani i tuei bulula-hɔŋaalan diom, a yonda cɔwvo.

Yeremi 4:19 Referans Kwoze

Habakuk 3:16

Ya, i tuei vooko-vooko kon mí yɔŋnun yoloma-yoloma. Cɔcɔn ɲiiya ya kpà-kpà, mí paalan la sia ya o n'dial, I co ɲiiyaa tuŋ, i co nɔla kpeŋanndo le. I co cumndo háá mì ce paale dɛnɛ palaalen, paale naa n kɔ delnin vanaa co naa delɔɔ coo-a coo len.

Esai 22:4

Lelan ya dimi ni aa: «La faŋa hɔlaa niaa ya kɔɔli, la mal-la mi caŋ taw-taw. La kindikindin le ya ɲɔɔloo le dɛnɛ palaa tol vanaa niaa co o kobi nuu nin-nda coo-o le.

Esai 16:11

Le hee, ɲɛm co ya nin-ndon co ɲiiyaa le lɛŋnde Moab len mɛɛ bangaa ɲiiya nuaa yɛ. Kɔl nuu co ɲiiyaa a mɔnɛi biyɔɔ le kobio Kir-Harɛs.

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Yeremi 9:1

Màá yáà kɔnnun ko o lɛŋnde veselɛilen nin, mì yáà kɔ va o pangala vanaa kelaa pɛngi nin-ndan bɛngu, haliko mi yáà faŋan vanaa nia ikɛi, mì yáà kɔ calnun ndon polon. Kani mɛɛ nda co kpede, vanaa lakafaa nda co ni, vanaa suundaa kposon.

Esai 21:3

Lelan, caŋnda co ya nɛiyo mì va ɲiiya nákà-nàkà, ɲɔɔ co ya nɛiyo taw mɛɛ demboo nɛi vanalanɔ o volɔɔ nuaa yɛ. Ɲɛsuan ma kindun ya ten-ten a ɲɛ ya tueyɔɔ-o. I co ɲiiyaa nákà-nàkà a ɲɛ ya cɔu-vo.

Kalatea 4:19

Cuavaa nia, i co o sanga bɛndoo nin le niaa, maa sanga vialaa, háá mì sɔɛi Yeesu-e i luɛi niaa nin,

Daniɛl 8:27

O kon, ya Daniɛl, mí del a nàá o palɛi taw bɛngu, mí ɲaw sɛ́ɛ́n. O kon kɔɔli, mí siangu, mí muungu baala nuu tosaa o masaa lo. Mí kɔndɔfillo bii ya a vundule len, mí buulan taw, i bii ɲɛ-ɲɛ bila le.»

Daniɛl 7:15

«Ya Daniɛl, mí yiyan nuu laasian ya nin, mí hilul.

Esai 15:5

Kɔl nuu co yondaa a mɔnɛi biyɔɔ le lɛŋnde Moab len, kani vanaa ndɔa co ɲaanɔnndo ma va kɔnndan Soar, háá Ɛklat-Sɛlisia, a co pembei Luhit helɔɔ a caŋndo, ma va kɔlan o nɛi Hɔrɔnaim-ndo coo a koŋullo kpélén.

Condii lisai 116:7

Kɔl nuu sɔla vɛlɛ pɛngio, kani Mɛlɛka tosal-la dɛnɛ kɛndɔɔ.

Rɔmnda 10:1

Puapilɛa nia, yeemɛi co ya o kɔl-le, o ya co Hala piɛi le Israɛlla-o co ni, mà sɔla cindaa.

Amɔs 3:6

Vɛ̀ɛ̀ vana nɔla mì vana hɔŋ bulu cɔwvo o kobio nin, mì vanaa co o kobi kon nin-nda kɛɛ ɲiiya? Vɛ̀ɛ̀ dɛnɛ palaa nɔla mo tol o kobio coo te o co Mɛlɛka le cɛl te?

Daniɛl 7:28

Nanu sɔɛi he i mɛɛlu ni. Ya Daniɛl, mí yiyan nuu laasian taw. Mí hɔlaa niaa mangalan, kɛ mí mandan sɔɔn mun o kɔl kpíŋ.»

Cɛɛŋɔnnda Yeremi lan 2:11

Hɔlta nilan la sanga a mɛmɛan tuisio, niŋndo co ya ŋolɔɔ, Kɔllo laasian ya niŋ kpede le sanga bɛndu co kobi vanaa nia coo-o. Cuaambɔa a cɛlɛkpɛa a co vuo o nɛila kobio coo.

Cɛɛŋɔnnda Yeremi lan 1:16

Le kɔlɔɔ ho ya co caŋndo ni, mì hɔlta nilan la va mɛmɛan tuisio. Kani vana kon faŋan ya ikɛi polon, vana ɲɔɔlaa óò lueinin ya yoomuan-ndo. Poaa nia laasian kɔltan, kani yaamɔɔ hiow nda mayoomu.

Yeremi 23:9

Sɔɛi dimin le vanaa-tɛɛngaa-diom Hala-a-e co hee ni. «Kɔl nuu co o sangaa nin, diallon kpede n co ya ɲiiyaa. I muungu maa vana hiw ba mɔiyan kolɔɔ-o, maa vana co o kpaaya mamɔiyo bɛngu-o le Mɛlɛka a le sɔɛi o dimul-la-e aa:

Yeremi 20:9

Te i dimi pɛ aa: ‹I pel-lɛnin ndu ladio le, i suu lɛnin o diola ndɔlan te›, ɲɔɔ lom ya o kɔllo nin maa leyin. Mì kindin le biuvɔnndo, kɛ i tiwba le.

Yeremi 13:17

Te la yeŋ nilan o kanalanndo ho le, i caŋnin o vionnɔnndo nin le yonga niaa bɛndoo. Hɔlta nilan la tuisinin mɛmɛan taw-taw, kani a co kɔlan a kunda cɔlua Mɛlɛka-a o biyɔɔ nin.

Yeremi 4:21

Háá telen kuɛɛ ya va yɛnin lɛfɛ cɔwvo cɔu, mì va diom bulu cɔwvo tueyɔɔ?

Yeremi 4:5

‹La yonda sɔɛi he Yuda, mì la yonda vɛlɛ ndi Yerusalɛm. La hɔŋ buloo o lɛŋnden nin, la deŋi ndi coocoo kpélén. La dimi mì vannda cuungian o kobila nɔ kpakilan ndan nin.›

Condii lisai 146:1

La lisa Mɛlɛka! Kɔl nuu sei, lisa Mɛlɛka.

Condii lisai 119:136

Mɛmɛan ma co ya fulaa o lahɔl taw, kani vannda co tɔŋ nɔmndo biyɔɔ le.

Condii lisai 119:53

Ɲɔɔ co ya palaa taw le malɔɔ vanaa yɔŋ vɔɔnda co tɔŋ nɔmndo-o.

Condii lisai 103:1

Condii fula o condun David-on nin-nde. Éé kɔl nuu, mel Mɛlɛka balika! I yeema mì mel Hala diandaa balika a kɔl nuu kpow.

Condii lisai 16:2

I dimul Mɛlɛka aa: «Nɔm co Maalii nuu ni, i nɔ dɛnɛ kɛndɛ celen hiovɔɔ o nɔm coo le.»

Masaa kialaa n'yamaa 5:21

Pee pɔmbɔɔ sindɛ hiow a yaamɔɔa kpede, pee pɔmbɔɔ Kison pɛɛn. Òó kɔl nuu, nɛw nda fɔ-fɔ!

Kundalan 10:9

Te la tiiya pɛ o lɛŋnde niaalen nin, mì la kuel vanaa ciŋilannin niaa a cɔwvo-a, la bɛnda mì la hɔŋ bulula niaalan a diom bɛndu-bɛndoo haliko mi ya Mɛlɛka Hala niaa loonun a niaa, mì baŋa niaa yaamɔaa niaa o ba.

O Kandɔɔ 49:6

Màá i sɔɔnguu nda bɛɛ ikɛi o dúmbú nda yii-o coo le! Màá i yiyan bɛɛ a cuungian ndaa o kɔɔ le! Kani a diw vanndacieea a kɔl nda tuwvo, má kili navaa tovaa tɔndikɔɔlion a kɔl nda fulaa.

1Korɛntea 14:8

Te bulu cɔwvo suu válán te, nɛ̀ɛ́ toosian yɛnin le cɔwvo?

Yeremi 6:24

«Naa n tueyɔɔ nda diom, mí diallon vu naa. Mí n buulan taw-taw, mí n sanga mɛɛ vanalanɔɔ sanga o violɔɔ yɛ.

Yeremi 8:21

Sanga bɛndoo co vanaa nia coo, mɔnɛi co ya o kɔl, diallon n vi ya.

Yeremi 42:14

te la dimi pɛ aa Esipte niaa kɔanin ni, yɔŋii niaa cɔ vɛlɛ cɔwvo, yɔŋii niaa tuei vɛlɛ bulu cɔwvo sɔɛi, yɔŋii yima fofolan ma saangiaa niaa, aa lelan lon niaa co va ni,

Yeremi 49:2

Lelan sɔɛi fula Mɛlɛka o sondo-e co hee ni aa: «Paale vanin mì vannda tuei vóólun-vóólun cɔwvo Raba o kobi lebol Amɔnnda nin. Kobi kon siŋnunnin bémbélan, mà lom cieon pɔmbɔn balu ndu-on. O telen kon Israɛlla minginnin ɲɛm ndan o laba.» Mɛlɛka dimi lende ni.

Yeremi 50:22

Vana lo o lɛŋnden nin, mà tuei diom cɔwvo. Má cè dɛnɛ palaa!

Daniɛl 4:19

nɔm pila ni masaa! A siŋnun vana bɛndoo a vana kpaayaa. Tɔ́ɔ́ nɔmndo tiiya háá o halataala, vanabɛnduyɛi nɔmnde tiiya háá nɛɛ lɛŋnden le mɛɛlu-a.

2Masaa 4:19

Fɔ́ɔ́fɔ̀, mó dimul fuɲa ndɔ aa: «Éé ya, bollen! Éé ya, Pua bollen le co ya nɛiyo!» Mí fuɲa ndɔ dimul buɛi ndɔɔ pum aa: «Cua ndu mà yɛɛ ndu cɔ́-cɔ́ o kala ndɔ lo.»

2Masaa 8:11

Elise vana-tɛɛngaa-diom Hala kon lo tofaa, mí hɔlla mangalan ndu, mó pial caŋndo.

Esai 21:4

Kɔllo laasian ya nin laasi-laasi, siòòŋii bɛndu-bɛnduei bii ya. Ɲumma yáà cum paandu tolɔɔ le ɲɔɔ ya hɛnando-an ma vanin pɛ tolɔɔ, siòònde bii ya taw-taw.

Yeremi 8:18

I yeema mi faŋan mɔnɛi nii o hɔl, kɔl nuu co o mɔnɛi bɛnduei nin.

Cɛɛŋɔnnda Yeremi lan 1:20

Éé Mɛlɛka! Tofa vɔ dɛnɛ palaa ya co nin-ndo! Niŋndo co ya ŋolɔɔ. Kɔllo laasian ya nin laasi-laasi, kani lekɛ́ndɛi vana nila kaloo ya yɔŋnun ni. Mɔɛi cɔwve ciilu ya cuavaa nia o bɛ́ɛ̀, n co cɛinin vana ca ko aa ciee-piɔ́m ni.