Yeremi 4:13 - BII BILA

¹³ «Má cè vanaa tɛɛmbua kalaa hunɔɔ maa yumbuyumbu piɔɔ helaa bɛndu! Ɲɛla ɲaanannda cɔwla ndalan la keleŋa maa hoeyii fùkù-fùkù. Soa ndɔa hiow keleŋaa a kovɛa. Naa n kɔndu dɛnɛ fɔ́!»

Yeremi 4:13 Referans Kwoze

Esai 19:1

Sɔɛi dimin o lɛŋnde Esipte len coo-e yɔŋnun hee ni: La tofa vɔ, Mɛlɛka hel o yumbuyumbu felun-felunndo coo, o co hunɔɔ o lɛŋnde Esipte len nin. Piɔmaa co o lɛŋnde Esipte len nin-nda co ɲiiyaa ndu laci, kɔlta Esiptea la fula yoomuan po.

Esai 66:15

Kpókò, kpókò, kpókò! La tofa vɔ Mɛlɛka hunɔɔ sei! La tofa vɔ ndu hunɔɔ o yinnden tɛɛn, ɲɛla ɲaanannda ndɔla soa nan-ndan la co maa hoeyii felenfelen, o co hunɔɔ le kɔl ndɔ tuwvo tuisio a le kɔngɔliannda ndɔlan peeloo a yelenyelen leyinndo.

Habakuk 1:8

Soa ndaa hiow tambilla keleŋaa, a hiow tunaa yondoa yiaan ma co nɛiyo-a tɔɔliaa. Vanaa co soa ndaa ɲaanɔnndo-a co hunɔɔ vuulɛ-vuulɛ, a co fulaa nɛɛ levil-vil. A co hunɔɔ isùlùlùei maa mɛɛ kovɔ́ɔ̀ toal ɲɛ o co mɛngɛlaa-o coo nuaa yɛ.

Cɛɛŋɔnnda Yeremi lan 4:19

Vanaa co naa tovɔɔ-a hiow keleŋaa a kovɛa kela coocoo-a. À co naa kiltan kɔɔli o pembon coo, à co naa cumullo o lɛŋnde veselɛilen nin.

Esai 5:28

Kɔɔn ndan n co n'siɛɛmbiaa siembu-siembu, kpaasiaala ndalan la co lamiingaa kpow, vana ca ko buukula soa ndaa aa powtan ni, vana ca ko bɛngula ɲɛla ɲaanannda ndala soa nan-nda hiŋnɔnndo aa felenfelenndo ni.

Nahum 1:3

Mɛlɛka biwnùn, kpaaya ndɔɔ co o bɔɔ. O bíì vana tɛɛmbùù dɛnɔɔ-o maa vanaa tɛɛmbúú dɛnɛ loo le. O va pɛ kɔlan felenfelenndo cɛn. Yumbuyumboo co cundu can ndu o pelon bɛngu-o ni.

Esai 13:5

O lɛŋnde levil vil-ten nin nda fula ni, nɛɛ halataalaa mɛɛlu-a nda cɛn ni. Mɛlɛka nda vanaa cɔ̀m kɔltuw ndɔɔ-a co tàndàá ho kpow tɛɛmbuu.

Tɔŋ miingua 28:49

Mɛlɛka cuanin vanaa-mangalaa-isɔɔa pum nɛɛ levil, nɛɛ lɛŋnden le mɛɛlu-a le hunɔɔ niaa biyɔɔ o cɛlen nin, la tuinin sɔɛi ndɛi mangalɛi le. A coŋnin niaa coo mɛ̀ɛ́-mɛ̀ɛ́ kovɔ́ɔ̀ toal ɲɛ o va mɛngɛlaa-o coo nuaa yɛ.

Yeremi 4:31

Kani i co caŋndan tueyɔɔ maa caŋnda vanalanɔ co n'vanlaandu o ba, caŋnda imɔnɔlan maa caŋnda vanalanɔ co violɔɔ ivuɛɛn. Vannda Siɔn niaa tuɛi diom lende nuaa ni: a co kuŋndan, a co balan siaandiaa má va dimio aa: «Àá ya, i kɔndu dɛnɛ fɔ́! Mbɔ̀ ya, i nii cuu vanaa diuvaa n'vannda o ba.»

Dɛnnda cɔɔmuanndan 1:7

Tofa vɔ, o co hunɔɔ o yumbuyumboo nin. Vana-vana canin ndu, hali vanaa cuku ndu-a, vanaa-mangalaa-isɔɔa o lɛŋnden coo kpow a cɛɛŋunnin le ndu. A toɲa, lende i yɔŋnunnin ni. Amiina.

Matie 24:30

O kon tɔɔmasele Po vanacieo fulanin o halataala. Vannda súúlan kpow o lɛŋnden coo a somisominnin, mà ce Po vanacieo hunɔɔ o yumbuyumboo nin cɔnɔnndo o halataalaa a kpaaya bɛndoo a á biilu bɛndoo.

Osee 8:1

«La hɔŋ lee saa! Dɛnɛ palaa tol o cɛi Mɛlɛka-o coo maa kovɛ, kani vannda kpakpala kpema nuu, à del kasi a tɔŋ nuu.

Daniɛl 7:4

Visi tasoo ndóò velan a yàlàá, kɛ ndóò nɔ kumbanndan maa kovɛ. I va ndu tofaa, mí kumbannda ndɔlan la suingin. Mó can, mó sim o pelun ndɔn miunndon kɔɔli coo maa vanaciee. Mí yiyan ivanacieeyaa luɛi ndu nin.

Yeremi 10:19

«Mbɔ̀ ya i kɔndu dɛnɛ fɔ́! Bolin nuu singu le. I va dimio aa: sanga co le ya-o, i bɛnda mì biwnun ndu.

2Samiɛl 1:23

O ceen ndaa kpow nin, kaolianndo pila Saul nda Yonatan ndáà kaolian ni. Hali o piɔ́m ndaa nin, a cɛl le sɛyanndo le. Ndáà hiow kovɛa keleŋaa, ndáà hiow yàlàá yoomuan.

Esai 3:8

Yerusalɛm siɛla, Yuda komba mó pimbulu, kani sɔɔn ndan sondon a dɛnnda ndalan la co Mɛlɛka cɔlɔbaa. A co biilu ndɔɔ simullo.

Yeremi 4:12

Hoeyii fùkù-fùkùi bɛnduei cɛn ndon, mí tiiya háá o ya lo dí-e pɛɛn. Lelan ya co yamɛi ndɛi kiolɔɔ ni.»

Yeremi 9:19

Lelan niaa vanlaandua, la yaŋ nilan o diom Mɛlɛka-o, mì nila niaalan la tuei sɔɔn co ndu fulaa o sondo-on. La pɛɛku cuavaa niaa laandua caŋ biisio, la pɛɛkuan caŋ kalaa vellaa-velle aa:

Yeremi 49:22

Mɛɛ kovɔ́ɔ̀ hel coocoo pɔ́, mò pɛɛnga kumbanndan, mò hiŋnun yɛ yaamɔɔa co Bɔsra mɛngɛlaa ni. Paale len, kɔlta kuubaa cɔwva Edɔm la vanin maa kɔl vanalanɔ co le violɔɔ-o.»

Esekiɛl 26:10

Cundu bɛndu soa ndɔa kunda bɛndua vanin cuaa coocoo-o kumbunin nɔm mɔku-mɔku. Tuma vanaa ndɔa ɲaanun a soa-a a tiiyanin a ɲɛla ɲaanannda soa nan-ndan, a bɛngula ɲɛla ɲaanannda lan, mò luɛi o diola luɛyaala nɔmndan mɛɛ vanaa cɔwva luɛi o kobi nda bii-o nin yɛ, kpakila nɔmndan la ɲiiyanin ɲinkon.

Esekiɛl 38:9

Nɔm pila a vanaa nɔmaa cɔwva, la heelunin maa hoeyii fùkù-fùkù, la kuelnin nda maa yumbuyumbu kumbu lɛŋnden mɔku-mɔku-o.»

Daniɛl 11:40

O telen mɛɛlaa, masaa a ba too hinulnin ndu a kɔltuwvo, kɛ mì masaa a ba luaŋ-ndo tol ndu coo a ɲɛla ɲaanannda ndɔla cɔwla cɔlua nan-ndan, a vanaa tosa cɔwvo o soa coo-a, a dɛ̀ndɛ̀la bɛndula cɔwlan taw o mɛnndan coo. O luɛinin o lɛŋii bɔɔ-bɔɔ nin, mì vanaa ndɔa cɔwva tiw lenin pindo maa mɛmma hunaa.

Misee 2:4

Paale len le hun tiiya pɛ, vannda diminin taloo a niaa o sondo, mà soli condii imɔnɛi aa: ‹Mbɔ̀ naa n cuu itambu! Yondola naalan a ɲɛm nan cuu naa hiɔlɔn. Yaamɔaa naa cii mun piɔvan. Le yɛɛ nda co yɛ naa mun hiɔlɔɔ o ba?›

Yeremi 6:23

Kpaasiaalan a báltan la co nda o laba, a vesa kɔltan, a nɔ iɲíí le. A co kulaa maa mɛmma ihɛl, a hel o soa coo, a sim simnda cɔwlan vana ca ko aa vanndo ndu pilɛ ni, le nɔm cua laandoo Siɔn cɔlɔbaa.»

Yeremi 46:18

Sɔɛi fula masa nɔ diolan aa Mɛlɛka-Nɔ-Kpaayaa-Kpow-vo o sondo-e co hee ni aa: ‹Te i co yoomu lekɛ́ndɛi! Te pembei Tabɔr co ni, te o mɛnndan coo Karmɛl co ni, mɛɛ hunɔɔ yaamɔɔa co ni.›

Yeremi 48:40

O Mɛlɛka dimi-o co hoo ni aa: «Mɛɛ kovɔ́ɔ̀ pɛɛnga bɔɔlan mò kilan coocoo yɛ, yaamɔɔ co kilanndo Moab coo ni.»

Sakari 6:1

«Mí heelu vɛlɛ hɔlla, mí tofa, mí ca ɲɛla ɲaanannda soa nan-ndan tan hiɔɔlu fulaa o pembon mún miun tɛɛn. Pembun mun daɲan kposon n va ni.