Yeremi 39:9 - BII BILA

⁹ Mí Nebusaradan simlacinɔ kpalilaa cumulaa bii vanaa ndáà lo icali o kobio nin-nda, vanaa ndáà yɔngun masaa Babilɔn-nda a vanaa-vanaa ndáà caa baalala labalan. Mó kɔa a nda o biyɔɔ nin Babilɔn.

Yeremi 39:9 Referans Kwoze

Yeremi 40:1

Yeremi va o yiyaa a yɔlɔn vanaa kaasoa ndáà fula Yerusalɛm a Yuda le kɔlan a nda Babilɔn-nda tɛɛn. Kɛ mí Nebusaradan bolle kpalilla soli ndu vanaa kaasoa tɛɛn, le ndu yɔɔ Rama. O kon kɔɔli, mí Mɛlɛka soaa o ndu Yeremi lo.

O Kandɔɔ 37:36

Mí yulaa kan Madian bɛɛ a kɔ pisi Yosɛf langbanɔ pilɛ o ba diolan Potifar, vana bɛndoo o va o masale Faraɔnnɔɔ nin ni. Ndu va bolle vanaa kándà masaa-a ni.

Yeremi 52:26

Mí Nebusaradan kɔa a nda Ribla o masaa Babilɔn-ndo.

Yeremi 10:18

Kani o Mɛlɛka dimi-o co hoo ni aa: «O laan, i co vanaa co o lɛŋnden nden nin-nda viovɔɔ polon, i co nda ŋɔvɔɔ haliko ma sɔla biyɔɔ.»

2Masaa 25:20

Mí Nebusaradan, bolle vanaa kándà masaa-a cua nda, mó kɔa a nda o masaa Babilɔn-ndo nɛɛ o va Ribla-a.

2Masaa 25:11

Mí Nebusaradan, bolle vanaa kándà masaa-a ndu kɔa a vanaa tɔ̀a ndáà lo o kobio nin-nda, vanaa ndáà kɔɛ a ba nda má kɔ yɔngun masaa Babilɔn-nda pɛɛn, handɔɔ niko vanaa tɔ̀a coo.

Yeremi 16:13

Lelan, i co niaa tovɔɔ mì yɛɛ niaa o lɛŋnde niaa sina le len nin, le fuɲaa niaa mamaa sina bɛɛ paandu le len, lon niaa kɔ vanin halaa celennda sooloo paalen a ɲumndan ni, i tuinun ndɛnin niaa iɲíí le.›»

Esai 5:13

Lelan, vannda kɔanin a vanaa niaa o cɛlen nin le tùú nda kɛɛ le ɲɛ-ɲɛ bila biyɔɔ-o. Vanaa ndaa bɛndua cuunin vu a yiaan, vanaa niaa kalaa cuunin vu kpow a bolola vesɛilan.

2Masaa 20:18

‹A biinin vɛlɛ poaa nɔmaa n velu-a, a n solin o ipulu kɛsɛ-kɛsɛ-a, mà tɛɛndiaa nda bosilan le nda kɛsio cumullo o cɛi lemasaa nin Babilɔn.›»

Tɔŋ miingua 4:27

Mɛlɛka saŋnin niaa vanaa-mangalaa-isɔaa celen tɛɛn, mì la lo vuo háá mì la dɔɔnan vanaa kan tɛɛn, à Mɛlɛka yaanin niaa tɛɛn a paa-kala-a pɛɛn.

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Yeremi 24:8

Kɛ ɲɛ ya Mɛlɛka co dimi le Sedekia masaa Yuda, le simlacia ndɔa, le vanaa kɛ́-kɛ́ lo yoomu Yerusalɛm, a faŋan o lɛŋnde len nin te-a a vanaa kɔɛ Esipte-a-o co hoo ni: mɛɛ vana tosa a voosun hiw ba tambei, n nɔla lɛ dionnɔn te-on yɛ ya co tosa a nda ni.

Yeremi 38:19

O kon mí masaa Sedekia dimul Yeremi aa: «Siòònde co ya a Yuifia yɔngun Babilɔnnda-a ni, yɔŋii nda mal-la nda o ba, mà saangiaa ya.»

Yeremi 52:27

Mí ndu diw nda Ribla lon, o lɛŋnde Hamat len nin. Nuaa nda kɔɛ a Yudaa levil polon ni, má faŋan lɛŋnde ndalen.

Yeremi 40:7

Nduyɛ, simlacia kundala vanaa cɔvaa va vɔ yondoo nin. Má tuɛi maa masaa Babilɔn cii Kedalia po Ahikam-ndo siinguu masa ibungaa vanaa bala fondoa ndáà mɛi o lɛŋnden nin-nda coo, vanpiaandua, vanlaandua a cuaambɔa Yuda kpow.

Daniɛl 2:14

Mí Daniɛl soaa a taasio o Ariɔk lo, Ariɔk bolle vanaa baalaa masaa pɛɛn, ó va kɔlan vanaa kɔlkalua Babilɔn diwvo-o.