Yeremi 39:8 - BII BILA

⁸ Mí Babilɔn-nda loam cɛi masaa a cɛila vannda. Má komba kpaki va Yerusalɛm balɔɔ-o.

Yeremi 39:8 Referans Kwoze

Nehemi 1:3

Má mulul-la aa: ‹Vanaa tɔ̀a lo yoomu fulaa o cɛlen nin-nda co lon, o tàndá Yuda-o nin. Kɛ ɛnɛ palaa a siɛmbula bɛndulan koni la co nda coo ni, kpakio Yerusalɛm co o buulua kpow, koŋnda ndɔlan bɛɛ la ŋɔɛ.›»

Yeremi 38:18

Kɛ te nɔm pila yɔngun simlacia masaa Babilɔn te, kobio ho delnin Babilɔn-nda o ba, mà lom ndu, nɔm pila bɛɛ, a helunnin nda le.

Yeremi 21:10

Kani i co kobio ho mululɔn, mì tosal ndu dɛnɛ vɔɔndo, o venin dɛnɛ kɛndɛ le. I malnin ndu masaa Babilɔn o ba mò mal ndu yin.›»

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Amɔs 2:5

Lelan, i co yinnden malɔɔ mì le lom tàndá Yuda-o, mì le lom vɛlɛ cɛila lemasalan Yerusalɛm.»

Cɛɛŋɔnnda Yeremi lan 2:7

Mí Mɛlɛka kɛɛ fonda-loamaa-lasálàá ndɔɔ, mí cɛi-kola-toandaa ndɔ diandaa nɛinun ndu. Mó mal kpakila cɛila lemasalan Siɔn yaamɔɔa o ba. Mí yoondiaalan la va sɔɛi o Cɛi-Mɛlɛka-o nin, maa o paale kafo coo.

Cɛɛŋɔnnda Yeremi lan 2:2

Mí Mɛlɛka tɛɛmbuu calta Yakɔb lan kpow a kɔltuwvo, o tosa iɲíí le. Mó puusiaa kobila Yudala va o kpakilan nin-ndan. Mó viaw nda lɛŋ, mó soli masalen a simlacia o báà nin.

Cɛɛŋɔnnda Yeremi lan 1:10

Yaamɔɔ handu baa o ɲɛm ndɔn sɔvɛn ndóò nɔ-on kpow coo. Hali vanaa-mangalaa-isɔɔa, à nɔm óò kuuna luɛyɔɔ vanaa nɔmnda tɛɛn-nda, mó ca nda luɛyɔɔ o Cɛi nɔm diandaa nin.

Yeremi 37:10

Hali o va bɛɛ maa la nɔla vanaa cɔvaa Babilɔŋaa co niaa haa kɔɔli a cɔwvo-a kpede, mò lo vanaa niaa yɔŋul-la daama, a pilɛn-pilɛŋaa kan cannin o cɛila-kolala-toandaala ndalan nin, mà hin kpow, mà mal kobio Yerusalɛm yin.»

Yeremi 34:22

i dimulnin nda mà hinul kobio ho, Yerusalɛm pɛɛn. Mà tiila ndu, mà mal ndu yin, mì siinguu kobilan Yuda lɛŋnde veselɛile vanaciee cel nin te len. Sɔɛi fula Mɛlɛka o sondo-e co ken ni.

Yeremi 34:2

«Ya Mɛlɛka Hala Israɛlla vem nɔm ni, kɔ mà kɔ tɛɛngul Sedekia masaa Yuda sɔɛi he aa: I co kobio ho malɔɔ masaa Babilɔn o ba mò lom ndu.

Yeremi 17:27

Kɛ te la yeŋ ya nilan te, te la luei paale pɛngiaalen yii mì la manda len le ya le, te la cua pɛ volɔɔlan o paale len coo, mì la kei a lan o diola Yerusalɛm-ndan, i malnin kobi kalaa yin, mì cɛila ndɔla kɛndɛlan la ŋɔɛ, nduyɛ le ɲumnin te.»

Yeremi 7:20

Lelan diom Maalii Hala dimi-o co hoo ni aa: «I co kɔl ni tuwvo a nɛyɔn co ya nin-ndo pɛngɛla o fonda kon coo, mì tuisi ndu vanndacieea a cɔlua coo, mì tuisi ndu yɔmnde, yondoo a o kulun co lɛŋ-ndon coo maa leyin, mì le lo ŋɔu, le ɲumnin te.»

Esai 5:9

Diom Mɛlɛka-Nɔ-Kpaayaa-Kpow-vo, ó soo ya o lani-o co hoo ni aa: ‹A toɲa, cɛila kunda bɛndulan-ndan la piɔsinin mì la siŋnun bémbélan, vana ve lɛnin icali o cɛila kɛndɛla bɛndulan ndan nin te!

2Dɛnnda lemasalan 36:19

Mí Babilɔnnda loam Cɛi-Hala-o, má komba kpakio Yerusalɛm, má loam cɛila kɛndɛ-kɛndɛlan, má tɛɛmbuu ɲɛm báà kalan va o kobi kalaa nin-ndon kpow.

2Masaa 25:8

Vɔsi Nebukanɛsar suili vɔsilan tɔ́ a laŋɔmahiɔɔlu o masalen-ndo, o paale ŋɔmmɛwndɔlen coo o paangii ŋuɛɛnundɔɛi nin, mí Nebusaradan luɛi Yerusalɛm. Vana bɛndoo pum Nebusaradan kon va masaa Babilɔn o ba bɛngu ni, ndu va bolle vanaa va masaa kandaa-a ni.

Condii lisai 79:7

Kani vanaa kan poondiaa ɲɔɔn cuavaa Yakɔb-a o ba, mà tɛɛmbuu lɛŋnde ndalen.

Yeremi 32:29

Babilɔŋaa delnin kobio ho coo a cɔwvo-a malnin ndu yin, mà lom cɛila ndáà lum Baal ansan o yindɔla ndalan coo lan, cɛila ndáà solul ndu sálàla mamɔilan lenin le ya kɔllo tɛɛmbuuo lan pɛɛn.

Esekiɛl 16:41

A loamnin cɛila nɔmndan a yinnden. A tuisinin sanga bɛndu-bɛndoo nɔm coo vanlaandua taw-taw o hɔl. Lende ya kuunanin nɔm suunda lotalotaa ni, o kon, lɔ́ɔ́-lɔ́ɔ̀ nin bɛɛ a sala lɛnin vana le.

Esekiɛl 23:47

Vanaa sɛ́lɛ́ bɛndua kan viinin nda a powtan, a diwnin nda a mɔɔn cɔwvon, a diwnin poaa ndaa a cuavaa ndaa laandua, a loamnin cɛila ndalan.

Esekiɛl 33:21

O vɔsi tɔ́ a o diinndɔɔ, o kɔla nda kɔɛ a naa o biyɔɔ nin-ndan kɔɔli, paangii tɔ́ndɔɛi va malɔ leŋuɛɛnu, mí langbanɔɔ pum, o hɛlun mó ɲaanun telen yaamɔɔa bii Yerusalɛm-ndo, mó hun o ya lo, mó dimul-la aa: ‹Kobio Yerusalɛm cuu biyɔɔ!›

Yeremi 5:10

La hel o kungala ndɔlan mì la tɛɛmbuu, kɛ la tɛɛmbuu ndu kpow le. La bɛɛsiaa lɛvun ndɔn, kani o co Mɛlɛka le nɔ mun te.