Yeremi 39:7 - BII BILA

⁷ O kon mó pesi Sedekia hɔltan, mó yii ndu a yɔlɔn, má kɔa a ndu Babilɔn.

Yeremi 39:7 Referans Kwoze

Esekiɛl 12:13

I toandunin yala nuu ndu coo, mò haw o yaŋɔɔle nilen. I kɔanin a ndu Babilɔn, lɛŋnde Kaldea pɛɛn, kɛ o cinin lɛŋnde len a lehɔl te, mò vi lon.

Yeremi 52:11

O kon kɔɔli, mó pesipesi Sedekia hɔltan, mó baa ndu yɔlɔn n'daɲan, mó kɔa a ndu Babilɔn, lon o kɔ lo o kaasoo ni háá mó vu.

2Masaa 25:7

Má kili poaa Sedekia kon bololan ndu pila o hɔl, má pesipesi ndu pila hɔltan, má baa ndu yɔlɔn n'daɲan, má kɔa a ndu Babilɔn.

Masaa kialaa n'yamaa 16:21

Mí Filistia hun bii ndu, má pesi ndu hɔltan. Má kɔa a ndu Kaasa, má kɔ baa ndu yɔlɔn n'daɲan, má baŋ ndu pow bɛndu cuiyaa n'kullo ɲumbɔɔ o kaasoo.

Condii lisai 119:8

I yeema mì bii tɔŋnda nɔmndan, yamnun ya le!

Yeremi 20:4

Kani o Mɛlɛka dimi-o co hoo ni aa: ‹I tosanin mì la ɲiiya niaa caaŋaa nɔmnda. A delnin o mɔɛi cɔvii yaamɔaa ndaa bɛngu nɔm o hɔl kpedekele-a mà vi. I malnin vannda Yuda kpow masaa Babilɔn o ba, mò kɔɛ a nda o lɛŋnde ndɔlen nin, te kon te mò diw nda a mɔɛi cɔwve.

Yeremi 34:3

Kɛ nɔm a helunnin ndu le. A co nɔm biyɔɔ mà mal nɔm ndu o ba. A canin ndu a lehɔl ciŋ, mì nɔm pila soo o ndu lo. O kon kɔɔli, a kɔanin a nɔm Babilɔn.

Yeremi 44:30

Ɲɛ Mɛlɛka dimio co ho ni aa: «I co Hɔfra, masaa Esipte, malɔɔ yaamɔaa ndɔa yeema le ndu diyɔɔ-a o ba, mɛɛ ya mal Sedesia, masaa Yuda, Nebukanɛsar masaa Babilɔn o yɛ, yaamɔɔ ndɔ óò yeema kon le ndu diyɔɔ-o pɛɛn.» Sɔɛi fula ya Mɛlɛka o sondo-e co ken ni.