Yeremi 39:6 - BII BILA

⁶ Mí masaa Babilɔn diw poaa Sedekia-a fuɲa nda o hɔl Ribla, mó diw vɛlɛ simlacia Yuda kpow.

Yeremi 39:6 Referans Kwoze

Yeremi 52:10

Ribla lon koni o dii poaa Sedekia-a fuɲa nda o hɔl ni, a simlacia Yudaa kpow.

Yeremi 21:7

Mɛlɛka dimi maa o kon kɔɔli, o malnin Sedekia masaa Yuda, a simlacia ndɔa masaa Babilɔn o ba. Mò mal ndu vanaa nàà n'kɔnyaa mɛinin-nda o ba, a vanaa cɔwvo a yima fofolan ma mɛinin yoomu o kobio nin-nda o ba. I malnin nda yaamɔaa ndaa o ba, a yeema le nda diwvo-a pɛɛn. Nebukanɛsar diwnin nda. O tosalnin nda ikɛndɛ le, o mɛinin vɛlɛ vana-vana yoomu le, iɲíí bɛɛ biinin ndu le.›»

2Masaa 25:7

Má kili poaa Sedekia kon bololan ndu pila o hɔl, má pesipesi ndu pila hɔltan, má baa ndu yɔlɔn n'daɲan, má kɔa a ndu Babilɔn.

Tɔŋ miingua 28:34

La lonin mɔnɛ vanin solinndo niaa o hɔl-lo tofaa háá mì la hiŋnun bolle.

Esai 13:16

Vannda pesipesinin cuavaa ndaa imamaa nda pila o hɔl. Vannda cuanin ɲɔɔn o cɛila ndalan nin, mà kpuwviaa laandaa ndaa ma va a nda.

Ɛstɛr 8:6

Kani vɛ̀ɛ̀ ya lo yɛnin tofaa mì dɛnɛ palaa tol vanaa nia coo? Bàà mì lo tofaa mì polale vanaa nia le cuu?»

2Dɛnnda lemasalan 34:28

Le hee, Mɛlɛka o co ndu yɔɔ fuɲaa ndɔa coo ciee-piɔ́m, mò sɔla kumbɔɔ o kɔlɲuloo nin. O cinin dɛnɛ palaa Mɛlɛka tuisinin o fondaa ho coo a vanaa co lenin-nda coo-o a lehɔl te.›» O kon mí vanaa masaa vem kan-nda muungu, má kɔ tɛɛngul ndu diom kon.

2Masaa 22:20

Lelan ya co cɛlɔɔ ni ma dem fuɲaa nɔmaa mamaa a kɔlɲuloo, mà kumbu nɔm o sɛi nɔmndo nin. O kon, hɔlta nɔmndan la ci lɛnin dɛnɛ palaa ya tuisinin kobi kalaa coo-o le.›» Mí kiilaa nda vem-nda kɔ downun masaa kona a sɔɔn mun o kɔɔ.

O Kandɔɔ 44:34

I bɛnda mì muungu o fuɲa nuu lo le, te o co a poombɔɔ ho le. Kani i yeema mi kɔ cɔ fuɲa nuu mɔnɛi biyɔɔ le.»

O Kandɔɔ 21:16

mó kɔ calnun lándán. Nɛɛ o mɛi po ndɔɔ-a a nɛɛ o va icali-a, ɲɔɔ va bandei maa le dunndo kɛmɛ lediin. Kani nuaa ndóò dimi ni aa: «I yeema mì ce po nuu o piɔ́mndo le.» Le hee, mó kɔ calnun kpengei pilɛi, mó va hiilaa a caŋndo coocoo.

Esai 34:12

Vana tɔ́ɔ́ ve lɛnin ndon le masaa suilio le, cuavaa lemasaa ndaa kpow, a siŋnunnin ɲɛ fondo.

Yeremi 20:4

Kani o Mɛlɛka dimi-o co hoo ni aa: ‹I tosanin mì la ɲiiya niaa caaŋaa nɔmnda. A delnin o mɔɛi cɔvii yaamɔaa ndaa bɛngu nɔm o hɔl kpedekele-a mà vi. I malnin vannda Yuda kpow masaa Babilɔn o ba, mò kɔɛ a nda o lɛŋnde ndɔlen nin, te kon te mò diw nda a mɔɛi cɔwve.

Yeremi 34:3

Kɛ nɔm a helunnin ndu le. A co nɔm biyɔɔ mà mal nɔm ndu o ba. A canin ndu a lehɔl ciŋ, mì nɔm pila soo o ndu lo. O kon kɔɔli, a kɔanin a nɔm Babilɔn.

Yeremi 38:23

Lende i co ni, a kɔanin a laandaa nɔmnda a á cuavaa nɔmaa laandua o Babilɔn-nda lo. Nɔm pila bɛɛ, a helunnin nda le, masaa Babilɔn holnin nɔm baa, mò mal kobio yin.»

Esekiɛl 23:24

A co hunɔɔ nɔm cɔlɔbaa a ɲɛm cɔwvon, a ɲɛla ɲaanannda soa nan-dan, a ɲɛla ɲaanannda pɔmbɔla cɔlua nan-ndan, a vanndacieea sɛ́lɛ́ bɛndoo. A simulnin nɔm ba-ba fee a kɔ̀ɔ̀la cɔwla bɛndulan a lapɔmbɔlan, a mɔsilta cɔwlan. I viamnin nda le yamɛi nɔmnde kiolɔɔ, a kialunin yamɛi nɔmnde mɛɛ tɔŋnda ndalan la co yɛ.

Esekiɛl 24:5

Cua visin saa hiow naŋɔɔ-a, mà ciiŋiaa yɔmnde o kpɛɛnɛi ken bɛngu, yaw mun mì n ŋol taw-taw háá mì paalan la lɔw lɛkpɛ.»

Sofoni 1:8

Mɛlɛka dimi aa: ‹Te paale solia sálà len le tiiya pɛ, i dɔawnin simlacia, poaa masaa a vanaa co cuɛinɔn súú celenndo-a kpow yɛɛvɛ.