Yeremi 39:5 - BII BILA

⁵ Kɛ mí vanaa cɔvaa Babilɔn-nda ɲaanun nda kɔɔli, má bendal Sedekia o dɛngbɔɔ Yeriko nin. Má bii ndu, má kɔa a ndu Ribla o Nebukanɛsar masaa Babilɔn-ndo, mó kialu ndu iyama.

Yeremi 39:5 Referans Kwoze

2Masaa 23:33

Mí Neko Faraɔnnɔ baa ndu yɔlɔn Ribla o lɛŋnde Hamat len nin, haliko ndóò tosa lɛ masalen Yerusalɛm te. Mí Neko kon kilul vannda Yuda muloo: volin latámán kilolan vàálan tan yáá a sianion kilolan beleyaa.

Yosue 5:10

Mí Israɛlla cal Kilkal, má tosa kafo-hiavaa-coo o paale tɔ́ a lehiɔɔlundɔlen icɔllo o paangii ken nin o dɛɛlalan Yeriko nin.

Yeremi 38:23

Lende i co ni, a kɔanin a laandaa nɔmnda a á cuavaa nɔmaa laandua o Babilɔn-nda lo. Nɔm pila bɛɛ, a helunnin nda le, masaa Babilɔn holnin nɔm baa, mò mal kobio yin.»

Yeremi 38:18

Kɛ te nɔm pila yɔngun simlacia masaa Babilɔn te, kobio ho delnin Babilɔn-nda o ba, mà lom ndu, nɔm pila bɛɛ, a helunnin nda le.

Yosue 4:13

Mí vanaa cɔwva vaalan belehiɔɔlu a hiaw Mɛlɛka o hɔl a ɲɛm cɔwvon o laba le cɔwvo tosaa a kpengii dɛngbɔɔ Yeriko.

Cɛɛŋɔnnda Yeremi lan 4:20

Vana yoomu naa co o ba-o, ndu del o soon yaamɔaa ndɔa nin. Vana Mɛlɛka hɛli kon-ndo pɛɛn, ò naa n co dimio-o aa: ‹N calnin mì n va yoomu vanaa-mangalaa-isɔɔa tɛɛn o vundule ndɔlen bɛngu›.

Cɛɛŋɔnnda Yeremi lan 1:3

À kɔɛ a polale Yuda len o cɛlen nin, má luei nda mɔnɛi. À co o baala kálà-kálà lecɛo nin. À co icali vanaa-mangalaa-isɔɔa tɛɛn, pɛngi bɛɛ co le nda le, yaamɔaa ndaa kpow a bii nda. À cal o mɔnɛi nin.

Yeremi 4:12

Hoeyii fùkù-fùkùi bɛnduei cɛn ndon, mí tiiya háá o ya lo dí-e pɛɛn. Lelan ya co yamɛi ndɛi kiolɔɔ ni.»

2Dɛnnda lemasalan 33:11

O kon, mí Mɛlɛka viam simlacia vanaa cɔvaa masaa Asiri-a, má del nda coo a cɔwvo, má bii Manase. Má vow ndu ciliŋun tundanndon, má yii ndu a yɔlɔn n'daɲan, má kɔa a ndu Babilɔn.

2Masaa 25:6

Mí Babilɔnnda bii masa kalaa, má kɔa a ndu o masaa Babilɔn-ndo, nɛɛ o va Ribla-a. Lon Babilɔnnda kelu yamɛi ndɔɛi ni.

2Masaa 17:24

Mí masaa Asiri hun a vannda pum fulaa Babilɔn, Kuta, Ava, Hamat a Sefarvaim, mó kɛsi nda o fonda Israɛlla o kobila va o tàndá Samari-o nin-ndan nin. Mí vanaa kan hialu tàndá Samari-o, má cal o kobila va lon-ndan nin.

2Samiɛl 8:9

Mɛɛ Toi, masaa Hamat tuei maa David nɔla vanaa cɔvaa Hadadesɛr-a kpow,

Masaa kialaa n'yamaa 3:3

Vanaa-mangalaa-isɔaa kan va haa ni: simlacia ŋuɛɛnua Filistia, Kanannda kpow, Sidɔnnda a Heviaa va o tàndá n'pemboo Liban nin-nda, cɔnɔnndo o pembei Baal-Hɛrmɔn kɔlan tiiyaa háá le luɛyɔɔ Hamat.

Yosue 13:5

Ma bii tàndá Kebaliia a tàndá Liban-ndo kpow a ba paalen le can-ndo, cɔnɔnndo Baal-Kad o pembei Hɛrmɔn tumndo, le kɔlan háá Lebo-Hamat,

Kundalan 13:21

O kon, mí suansuaŋaa kan kɔa, má kɔ mɛɛndan lɛŋnden, kandɔɔ a lɛŋnde veselɛilen Sin, háá Rehɔb, Lebo-Hamat ikɛi.

Yeremi 21:7

Mɛlɛka dimi maa o kon kɔɔli, o malnin Sedekia masaa Yuda, a simlacia ndɔa masaa Babilɔn o ba. Mò mal ndu vanaa nàà n'kɔnyaa mɛinin-nda o ba, a vanaa cɔwvo a yima fofolan ma mɛinin yoomu o kobio nin-nda o ba. I malnin nda yaamɔaa ndaa o ba, a yeema le nda diwvo-a pɛɛn. Nebukanɛsar diwnin nda. O tosalnin nda ikɛndɛ le, o mɛinin vɛlɛ vana-vana yoomu le, iɲíí bɛɛ biinin ndu le.›»

Yeremi 24:8

Kɛ ɲɛ ya Mɛlɛka co dimi le Sedekia masaa Yuda, le simlacia ndɔa, le vanaa kɛ́-kɛ́ lo yoomu Yerusalɛm, a faŋan o lɛŋnde len nin te-a a vanaa kɔɛ Esipte-a-o co hoo ni: mɛɛ vana tosa a voosun hiw ba tambei, n nɔla lɛ dionnɔn te-on yɛ ya co tosa a nda ni.

Yeremi 44:30

Ɲɛ Mɛlɛka dimio co ho ni aa: «I co Hɔfra, masaa Esipte, malɔɔ yaamɔaa ndɔa yeema le ndu diyɔɔ-a o ba, mɛɛ ya mal Sedesia, masaa Yuda, Nebukanɛsar masaa Babilɔn o yɛ, yaamɔɔ ndɔ óò yeema kon le ndu diyɔɔ-o pɛɛn.» Sɔɛi fula ya Mɛlɛka o sondo-e co ken ni.

Yeremi 49:23

A Damas o kɔɔ. Kobio Hamat a kobio Arpad a tuei yoongu vɔɔndo pum. Siɛmbulan la bii kobila lan. A muungu yulan-yulan maa mɛmma ihɛlma biiŋuamma nɔla calle le-an.

Esekiɛl 23:24

A co hunɔɔ nɔm cɔlɔbaa a ɲɛm cɔwvon, a ɲɛla ɲaanannda soa nan-dan, a ɲɛla ɲaanannda pɔmbɔla cɔlua nan-ndan, a vanndacieea sɛ́lɛ́ bɛndoo. A simulnin nɔm ba-ba fee a kɔ̀ɔ̀la cɔwla bɛndulan a lapɔmbɔlan, a mɔsilta cɔwlan. I viamnin nda le yamɛi nɔmnde kiolɔɔ, a kialunin yamɛi nɔmnde mɛɛ tɔŋnda ndalan la co yɛ.

Habakuk 1:7

A vueinun taw, vana ce nda pɛ, siòònde bii nɔm, yongaa pila nda nɔ ni, ɲɛ hɛnan nda-o, ndu nda tosà ni.

Esai 22:3

Simlacia vanaa nɔmnda co ɲaanɔnndo latulu, vanaa vuaa lakpaasiaa biw nda kpede. A vuu bɛɛ nda a lakpaasiaa le, a laba nda biw nda kpow ni. Ndáà ɲaanun nin levil polon, kɛ ma siinguu nda vanaa kaasoa!