Yeremi 39:18 - BII BILA

¹⁸ A toɲa, i ciindiaanin nɔm, a delnin o mɔɛi cɔw bɛngu le. A lonin yoomu, o n sɔlanin-ndo vanin kon ni, le tùú n tiindan ya-o.›» Sɔɛi fula Mɛlɛka o sondo-e co ken ni.

Yeremi 39:18 Referans Kwoze

Yeremi 38:2

«Diom Mɛlɛka dimi-o co hoo ni aa: vana-vana lo pɛ o kobio ho nin, ndu vunin o mɔɛi cɔwve bɛngu, a yima fofolan, te kon te a nàà n'kɔnyaa. Kɛ vana-vana fula pɛ, mò kɔ yɔngun Babilɔn-nda, ndu lonin yoomu, hali mò sɔla lɛ ɲɛ celen o kon kɔɔli le.

Condii lisai 34:22

Dɛnɛ palaa díì vana kɔlvesɛiyo ni, sangaa toal vanaa tol vana sanda yɛlen-nda coo ni.

Yeremi 21:9

Vana-vana lo pɛ o kobio ho nin nanu, ndu vunin o cɔwvo nin, te kon te a yima fofolan, te kon te vɛlɛ a nàà n'kɔnyaa. Kɛ vana-vana fula pɛ mò kɔ yɔngun Babilɔŋaa co niaa haa hinullo a cɔwvo-a, ndu lonin yoomu.

Efɛsea 1:12

Lelan, naa vanaa tasea tiindan Krista-a, n biilun bɔɔbɔɔyɛi Hala-e.

Condii lisai 84:12

Kani paalen a kɔ̀ɔ̀ cɔwvo Hala co ni, o co naa kɛndɛi tosal-lo mo va naa bɛɛlen keo. O kɛɛ le vanaa co kelaa o nɛila ndɔlan coo-a dɛnɛ kɛndɔɔ tosal-lo le.

Condii lisai 147:11

Kɛ vanaa Mɛlɛka yeema-a co vanaa nɔ siòòŋii ndɔɛi, má va kɛndɛi ndɔɛi cumndo-a ni.

1Dɛnnda lemasalan 5:20

Telen nda va cɔw kon tosaa-o, má piɛi Hala. Le tiindan nda tiindan kon Hala, má ɲuna ndu-o, mí Hala mala nda. Má nɔla Hakeriaa kan a vanaa ndáà sɔɔnguu le nda mala-a kpow.

Condii lisai 37:3

Laalan Mɛlɛka, mà tosa dɛnɛ kɛndɔɔ. O kon, a calnunnin nila ɲulu o lɛŋnden nin, ma dɔwnun balo a vanakɛndɛyɛi.

Condii lisai 33:18

Kɛ Mɛlɛka nɔ hɔlten vanaa nɔ siòòŋii ndɔɛi-ya coo, vanaa co kɛndɛi ndɔɛi tiindanndo-a pɛɛn.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

Rɔmnda 2:12

Vanaa tosa hakio a siná tɔŋndo le-a kpow, nda sɔlanin yaalaa mɛɛ tɔŋndo dimi yɛ le. Kɛ vanaa síná tɔŋndo, kɛ má tosa hakio-a kialunnin iyama mɛɛ tɔŋndo dimi yɛ.

Esai 26:3

Ke vana kɛsi kɔl ndɔɔ nɔm coo-o kɔlɲulu kpeekpeiyo, kani nɔm o tiindan ni.

Condii lisai 2:12

La ke poo bɛɛlen, yɔŋii o tuulu kɔl, mò tɛɛmbuu niaa o nɛi niaa coo, kani o nɛi kɔl tuulu le. Dɛnɛ kɛndɔɔ co le vanaa tiindan ndu-a kpow!

SƐBƐ YƆB-O 5:20

Telen yima fofolan ma delnin-ndo, o ciindiaanin nɔm mò hɛlu nɔm piɔ́mndo o ba. Lɔ́ɔ́ cɔwvo luɛinin-ndo, o baŋanin nɔm o mɔɛi cɔwve bɛngu.

Condii lisai 91:7

Vannda va bɛɛ nɔm delio ikɛi vaalan taw, mì vannda vaalan tɔ́ va nɔm delio o ba kɛndɔɔ coo, ɲɛ-ɲɛ komalnin nɔm te.