Yeremi 39:17 - BII BILA

¹⁷ Kɛ paale len, i baŋanin nɔm. A delnin vana siòòŋii ndɔɛi co nɔm-ndo o ba le. Diom Mɛlɛka dimi-o co kon ni.

Yeremi 39:17 Referans Kwoze

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

Yeremi 1:19

A cɔlɔbanin nɔm, kɛ a nɔlanin nɔm ɲɛ-ɲɛ tosa le. Kani i co nɔm ikɛi le nɔm baŋaa.» Ya Mɛlɛka soo nuaa ni.

2Samiɛl 24:14

Mí David muli aa: «O sanga kɔl bɛndu-bɛndoo nin ya co nuaa ni. Kɛ o co fisa mì n del Mɛlɛka o ba, yɔŋii naa n del vanacieo o ba. Kani Mɛlɛka ndu caa vanà ɲííye tuinɔnndo taw.»

Yeremi 38:9

«Masaa, vana ni bɛndoo, dɛnɛ vɔɔndo vannda ha tosa le Yeremi vana-tɛɛngaa-diom Hala-o malɔɔ o soondo nin ni. O lonin ndon mò vi a yiaan, kani bulu co lɛ cieo coo le.»

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Daniɛl 6:16

Kɛ mí langbaa kan muungu o masaa lo, má dimul ndu aa: «Masaa, sina maa o tɔŋ Mɛdia a Pɛrsea nin, sɔɛi masaa handu baa coo-e mángàlan te.»

Yeremi 38:1

Mí Sefatia po Matan-ndo, Kedalia po Pasur-o, Yukal po Selemia-o, Pasur po Malkia-o a tuɛi sɔɔn Yeremi va vannda kpow dimullo-on aa:

1Masaa 18:15

Kɛ mí Elii dimul ndu aa: «Te Mɛlɛka co yoomu, Mɛlɛka-Nɔ-Kpaayaa-Kpow-vo, o ya co baalaa tosallo-o, fɔ mì kɔ cɔmnun hau Akab!»

1Masaa 18:16

O kon mí Obadia komal Akab, mó kɔ downun ndu kona. Mí Akab can kɔlan Elii bɔŋaa.

2Masaa 6:16

Mí Elise mulul buɛi ndɔ kon aa: «Siòòŋii bii nɔm te, kani vanaa co naa ikɛi-ya hiow vaa sɛ́lɔ́ɔ́ a vanaa co nda ikɛi-ya.»