Yeremi 39:16 - BII BILA

¹⁶ «Kɔ soo o Ebɛd-Melɛk Etiopiinɔ lo, mà dimul ndu aa: Mɛlɛka-Nɔ-Kpaayaa-Kpow-vo, Hala Israɛlla dimi aa: ‹I co dɛnnda yáà dimi le tosaa lan peelu vannda Yerusalɛm coo le nda saangiaa, o venin dɛnɛ kɛndɛ le nda le. Paale len, i tosannin nɔm o hɔl.

Yeremi 39:16 Referans Kwoze

Daniɛl 9:12

Nɔm Hala, má peelu sɔɔn n kɔngɔlan le naa a le vanaa tosanin masalen naa coo-a tosallo-on. Má tuisi naa sangala bɛndulan coo, kabi ceendo cɔwnun, sanga vaa lende tul-lɔ vana coo le. Sanga tol Yerusalɛm coo-o nɔ velan te.

Sakari 1:6

Nduyɛ, mí tɔŋndan a silala ya vow vanaa niaa baalaa, vanaa-tɛɛngaa-diom Hala-a o sondo lan la pilan fuɲaa niaa mamaa kɔltan. O kon, má muungu, má dimi aa mí Mɛlɛka-Nɔ-Kpaayaa-Kpow-vo tuu le naa tosallo mɛɛ kelala naalan a dɛnnda naalan la co yɛ.›»

Matie 24:35

Halataalaa a lɛŋnden le hiawnin, kɛ sɔɔn nun hiwnin te.»

Yeremi 36:31

I simulnin ndu nda cuavaa ndɔa imamaa a simlacia ndɔa, mì sala nda le dɛnnda ndala vɔɔnndan, mì tuisi nda Yerusalɛmnda a Yudaa kpow dɛnnda palaala yáà dimi le nda tuisio coo, kɛ a bii sɔɛi nii le lan coo.

Yeremi 35:17

Lelan, diom Mɛlɛka, Hala-Nɔ-Kpaayaa-Kpow-vo, Hala Israɛlla dimi-o co hoo ni aa: «Niaa vannda Yuda a niaa Yerusalɛmnda, i co niaa dɛnnda palaala ya dimul niaa lan kpow tuisi coo. Kani i soo o niaa lo, kɛ la yeŋnun te, mí veelu niaa, kɛ la cɛl te.»

Yeremi 34:22

i dimulnin nda mà hinul kobio ho, Yerusalɛm pɛɛn. Mà tiila ndu, mà mal ndu yin, mì siinguu kobilan Yuda lɛŋnde veselɛile vanaciee cel nin te len. Sɔɛi fula Mɛlɛka o sondo-e co ken ni.

Yeremi 26:20

O telen kon, langbanɔ celen va vali tɛɛngaa-diom Hala-o tosaa o diola Mɛlɛka lan, diola ndɔlan Uria, po Semaya fula Kiriat-Yearim ndo. Mó soaa sáálélan a kobio ho a á lɛŋnden nden mɛ̀ɛ́-mɛ̀ɛ́ Yeremi soo nuaa yɛ.

Yeremi 26:18

«O telen Esekia va masalen tosaa Yuda-o, vana-tɛɛngaa-diom Hala-o pum va, diolan Misee, fulaa Moresɛt. Mí ndóò dimul vannda Yuda kpow aa: O Mɛlɛka-Nɔ-Kpaayaa-Kpow-vo dimi-o co hoo ni aa: ‹Siɔn vaanunnin maa iciɛɛ, Yerusalɛm siŋnunnin bémbélan kposon, mì bɔɔla n'yɔɔlan la vil o pembii Cɛi-Hala-o co coo-e coo.›

Yeremi 26:15

Kɛ nduyɛ, te la dii ya pɛ vana tɛɛmbuu isɔɔ loo, niaa, kobio ho a vanaa co lenin-nda kpow sɔɛi ken co va o lebol ni. Kani lekɛ́ndɛi, Mɛlɛka vem ya o niaa lo ni, le niaa sɔɔn mun dimullo mì la tuei mun.»

Yeremi 5:14

Lelan, diom Mɛlɛka dimi-o co hoo ni, Hala-Nɔ-Kpaayaa-Kpow-vo pɛɛn aa: «Le sɔɛi nda dimi ken-nde, i co sɔɛi nii mingi yinnden nɔm Yeremi o sondo, mì siinguu vanaa kan yɔmnde, yɔmii yinnde len le loamnin-nde.

Condii lisai 92:11

A luei ya yoomuan maa cìí, cuɛima kɛndɛ-kɛndɛan ma cucun ya lekɔɔ.

2Dɛnnda lemasalan 36:21

Kon tosan haliko mi sɔɛi Mɛlɛka ndóò dimi a sondo Yeremi, vana-tɛɛngaa-diom Hala-o-e i peelun. Sɔɛi ken yɔŋnun hee ni: «O vɔsilan belaŋɔmmɛw bɛngu, lɛŋnden le malnunnin mì le sɔla pɛngio háá mì telen léè bɛnda le pɛngi kalaa sɔlaa o vɔsila lan bɛngu-o cuu.»

Yeremi 44:27

I co nda tolɔɔ kɔɔli, o venin le nda dɛnɛ kɛndɛ tosal te, kɛ le o vɔɔndo caŋɛi. Yudaa co Esipte-a kpow a cuunin o mɔɛi cɔwve bɛngu, te kon te a yima fofolan. Hali vanndo ndu pilɛ o lonin yoomu le.

Amɔs 9:4

Taa kɔɛ pɛ o biyɔɔ nin o lɛŋnde celen nin yaamɔaa ndaa o hɔl, lon bɛɛ i tosanin mì mɔɛi cɔwve diw nda. I tofanin nda, kɛ o venin le nda dɛnɛ kɛndɛ tosal te, fɔ le nda dɛnɛ palaa tuisio coo.»

Yeremi 40:3

Mí Mɛlɛka peelu ɲɛ ndóò dimi-o, kani la cua hakio a Mɛlɛka, mí la kɛɛ ndu diom. Lelan hee co niaa coo ni.