Yeremi 39:14 - BII BILA

¹⁴ a viam vannda Yeremi kɔɔli nɛɛ o va o bɛ́ɛ̀ cɛi kaasoo nin-nda, má sɔaa ndu Kedalia po Ahikam-ndo, po imama Safan-ndo o ba, le kɔlan a ndu o ndu lo. Mó kɔ va lon nda vannda latulu.

Yeremi 39:14 Referans Kwoze

Yeremi 38:28

Mí Yeremi lo o bɛ́ɛ̀ cɛi kaaso kon háá paale nda bii Yerusalɛm-nden. Tofa vɔ ɲɛ yɔŋnun lɔ́ɔ́ nda bii Yeruslɛm-ndo.

Yeremi 26:24

Kɛ mí Ahikam po Safan-ndo soaa le Yeremi, o cɛl mò del vannda o ba mà dii ndu le.

2Masaa 22:12

Mó veelu Hilkiya bolle vanaa-solia-lasálàá, Ahikam po Safan-ndo, Akbɔr po Mikaya-o, Safan vana sɛvaa a Asaya vana baala masaa, mó dimul nda aa:

Yeremi 40:1

Yeremi va o yiyaa a yɔlɔn vanaa kaasoa ndáà fula Yerusalɛm a Yuda le kɔlan a nda Babilɔn-nda tɛɛn. Kɛ mí Nebusaradan bolle kpalilla soli ndu vanaa kaasoa tɛɛn, le ndu yɔɔ Rama. O kon kɔɔli, mí Mɛlɛka soaa o ndu Yeremi lo.

Yeremi 39:15

Telen Yeremi va kon o bɛ́ɛ̀ cɛi kaasoo-o, mí Mɛlɛka soaa o ndu lo, mó dimul ndu aa:

Yeremi 38:13

má nan ndu a yoeì ken, má soli ndu o soondo nin, mí Yeremi lo o falii cɛi kaasoo lon.»

Yeremi 37:21

Mí masaa Sedekia dimi le Yeremi mandaa o falii cɛi kaasoo nin, mà va ndu bulu tiilan ndáà pisi o nɛila vanaa loamaa bulua coo-o o pilɛ yɔngoo o paalen nin, háá mí bulu kon ndóò cuu cieo coo. Nuaa Yeremi lo o biyɔɔ nin o falii cɛi kaasoo nin ni.

Condii lisai 105:19

mó lo lende háá mí sɔɛi Mɛlɛka-e i peelun. O kon, mí sɔɛi ndu Mɛlɛka dimi-e i cɔm maa o tɛɛmbuu isɔɔ le.

2Masaa 22:14

Mí Hilkiya, Ahikam, Akbɔr, Safan a Asaya a kɔa o Hulda vanalanɔ-tɛɛngaa-diom Hala-o lo. Lanɔɔ Salum po Tikva-o, po imama Harhas va vana mandaa volɔɔla ifalenndan-ndo Hulda kon va ni. Yerusalɛm o kobi sɛnɛiyo nin o va icali ni.

2Dɛnnda lemasalan 34:20

Mó dimul Hilkiya, Ahikam po Safan-ndo, Abdɔn po Misee-o, Safan vana sɛvaa a Asaya vana baala masaa aa:

Yeremi 32:2

O telen kon vanaa cɔwva Babilɔn ndáà tiila Yerusalɛm ni, Yeremi vanaa-tɛɛngaa-diom Hala-o va o kaasoo o bɛ́ɛ̀ masaa Yuda.

Yeremi 39:13

O kon mí Nebusaradan bolle kpalilla, Nebusasban bolle buɛyaa masaa, Nɛrkal-Sarɛsɛr simlacinɔ vanaa cɔwva a vanaa lebolaa masaa Babilɔn-nda kpow,

Yeremi 40:5

Kɛ le mɛɛ Yeremi yala muli le yɛ, mí Nebusaradan dimi vɛlɛ aa: «A tiwba ma muungu o Kedalia po Ahikam-ndo, po imama Safan-ndo lo, o masaa Babilɔn siinguu simlacinɔɔ le kobilan Yuda-o pɛɛn. Mà kɔ lo o ndu lo vannda tɛɛn, te kon te, a kɔɛ nɛɛ n yeema-a.» Mí simlacinɔ kpalilla ke ndu ɲɛm dian le dio nɛi-tɛɛn a ɲɛ-sɔlaa. O kon mó mal ndu n'pelu. O kon mí Yeremi kɔa Mispa o Kedalia lo, mó kɔ va ndu o bɛngu coo vanaa lo o lɛŋnden nin-nda tɛɛn.

Yeremi 41:1

O paangii ŋɔmmɛwndɔɛi, mí Ismaɛl po Netania-o po imama Elisama-o, fulaa o yungu masaa nin, o va vɛlɛ vana pilɛ o simlacia lebolla nin. Mó hun a n'van tɔ́ kɔɔli o Kedalia po Ahikam-ndo lo Mispa. Má dia ɲɛdiaa latulu Mispa lon.

Yeremi 26:22

Mí masaa Yohoyakim viam vannda Esipte, Ɛlnatan po Akbɔr-o a vanaa celen.

Yeremi 40:7

Nduyɛ, simlacia kundala vanaa cɔvaa va vɔ yondoo nin. Má tuɛi maa masaa Babilɔn cii Kedalia po Ahikam-ndo siinguu masa ibungaa vanaa bala fondoa ndáà mɛi o lɛŋnden nin-nda coo, vanpiaandua, vanlaandua a cuaambɔa Yuda kpow.