Yeremi 39:1 - BII BILA

¹ Vɔsi Sedekia suili vɔsilan laŋɔmahiɔɔlu o masalen coo Yuda-o, o paangii tɔ́ndɔɛi nin, mí Nebukanɛsar masaa Babilɔn hun a vanaa ndɔa cɔwva kpede. Má tiila Yerusalɛm.

Yeremi 39:1 Referans Kwoze

Sakari 8:19

‹Nuaa Mɛlɛka-Nɔ-Kpaayaa-Kpow-vo dimi ni aa: ‹Sum paangii hiɔɔlundɔɛi, sum paangii ŋuɛɛnundɔɛi, sum paangii ŋɔmmɛwndɔɛi a sum paangii tɔ́ndɔɛi siŋnunnin palɛi kɔlkɛndɛi, palɛi ɲaalei a palɛi kafoei le polale Yuda len. Lelan, la kaola toɲaa a kɔlɲuloo!

Tɔŋ miingua 28:36

Mɛlɛka yaanin niaa a masa niaa pila suilinin mò va niaa coo-o latulu o vanaa-mangalaa-isɔaa niaa pila a fuɲaa niaa mamaa sina kabi le-a lo. Lon niaa kɔ sooluunin halaa celen ni, halaa iyɔmnda a halaa lapowva.

Yeremi 32:1

Sɔɛi Mɛlɛka dimul Yeremi o vɔsi tɔ́ndɔ Sedekia va masalen tosaa Yuda-o, o vɔsi tɔ́ a o ŋɔmaandɔ Nebukanɛsar va masalen tosaa-o.

Yeremi 34:1

Nebukanɛsar va masaa Babilɔn, mó can nda vanaa ndɔa cɔwva kpow, vanaa cɔvaa masɛi a vanaa-mangalaa-isɔɔa va ndu o ba bɛngu-a kpow, má hun del Yerusalɛm a kobila co o tàndá Yuda-o nin-ndan coo a cɔwvo. O telen kon, mí Mɛlɛka soaa o Yeremi lo, mó dimul ndu aa:

Yeremi 34:22

i dimulnin nda mà hinul kobio ho, Yerusalɛm pɛɛn. Mà tiila ndu, mà mal ndu yin, mì siinguu kobilan Yuda lɛŋnde veselɛile vanaciee cel nin te len. Sɔɛi fula Mɛlɛka o sondo-e co ken ni.

Yeremi 42:18

Kani diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «Maa mɛɛ yáà tuulu kɔl taw a vannda Yerusalɛm yɛ, lende koni ya tuulunin vɛlɛ kɔl a niaa ni, te la kɔɛ pɛ Esipte. Vannda vanin tɔɔmaseloo cuaa a niaa le mɛnanndo, te kon te le sɔɛi vɔɔŋii bɛnduei pum dimio. Nduyɛ la ci lɛnin lɛŋnden nden lɔ́ɔ́-lɔ́ɔ̀ le.»

Esekiɛl 4:3

A cii pɛ, a cua bombo icilinndo, a handu ndu maa kpaki icilin nɔm pila a kobi kalaa tɛɛn. A cii pɛ tosa lende, a sim a tofa kobi kalaa ciŋ, a tiila ndu. Tɔɔmaseloo vanin kon le cuavaa Israɛlla ni.

Esekiɛl 5:2

Te palɛi n bɛnda le tosaa o kobio tilaa nin-nde cuu pɛ, a cua yiiŋii ken kundaa o pilɛ o kundalan layàá coo, a lom ndi o yinnde biyaalen nin o kobio tɛɛn. O kon kɔɔli, a cua yiiŋii kunda diinndɔɛi o layàá coo, a balu kobio pindo a ndi kilio a mɔɛi cɔwve. A cii pɛ, a cua niko kunda mɛɛlaa iyiin kon, a saŋ ndu o hoeiye nin. Ya yɛ, i tisanin ndi kɔɔli a mɔɛi cɔwve.

Esekiɛl 33:21

O vɔsi tɔ́ a o diinndɔɔ, o kɔla nda kɔɛ a naa o biyɔɔ nin-ndan kɔɔli, paangii tɔ́ndɔɛi va malɔ leŋuɛɛnu, mí langbanɔɔ pum, o hɛlun mó ɲaanun telen yaamɔɔa bii Yerusalɛm-ndo, mó hun o ya lo, mó dimul-la aa: ‹Kobio Yerusalɛm cuu biyɔɔ!›

Esekiɛl 40:1

Mɛɛ nda bii naa má kɔa a naa, o vɔsi bidiin a o ŋuɛɛnundɔ naa n tosa o biyɔɔ kon nin-ndo nin, vɔsi kon va vɔsi tɔ́ a o hiɔɔlundɔɔ o biyɔɔ yaamɔɔa bii Yerusalɛm ma tɛɛmbuu ndu-o ni. O vɔsi kon kandɔɔ, paangii tasei va malɔ tɔ́, paale len, mí ba kpaaya Mɛlɛka-o toal-la coo, mó cua ya, mó kɔa a ya lon.

2Dɛnnda lemasalan 36:17

O kon, mí Mɛlɛka viam masa va Babilɔn-ndo, mó kuel nda a cɔwvo. Mó diw langbaa felengia ndaa o Cɛi-Diandaa ndaa nin, vana-vana helun te, kandɔɔ a langbaa felengia, vanlaandua felengia, kɔlan biyɔɔ a vanaa yuuvɛiya, mí Mɛlɛka mal nda ndu o ba kpow.

Yeremi 6:6

Kani o Mɛlɛka-Nɔ-Kpaayaa-Kpow-vo dimi-o co hoo ni aa: «La kioŋ yɔmnde le keiyo lecoo, mì n kei o kpakio coo, mì n kuel Yerusalɛm.» Kani kobi bɛnda le tambei-yo o co ni, delɔɔ coo daama co lon ni.

Yeremi 52:1

Sedekia ndóò nɔ vɔsilan bidiin a ò pilɛ, mó siŋnun masaa o tàndá Yuda-o nin, mó tosa masalen vɔsilan tɔ́ a ò pilɛ Yerusalɛm. Kala ndɔ ndóò nɔ diolan aa Hamutal ni, cua Yeremi fula Libna-o.