Yeremi 38:5 - BII BILA

⁵ Mí masaa Sedekia mulul nda aa: «La ce ndu, mɛ̀ɛ́-mɛ̀ɛ́ niaa yeema pɛ la tosa. I co bɛɛ masa nuaa, kɛ i nɔla niaa kuuna le.»

Yeremi 38:5 Referans Kwoze

2Samiɛl 3:39

Hali, i co bɛɛ hau masaa nuaa, dɛnɛ poaa Seruya-a ha tosa-o hiow ya mayoomu. Màá Mɛlɛka pila mingul vana-vana kɔlvesɛiyo mɛɛ kɔlvesɛi ndɔɔ co yɛ!»

Talelan 29:25

Vana yɔŋ pɛ siòònde a vanndacieea mɛɛ yaŋɔɔlen le co ndu laci. Kɛ vana tiindan pɛ Mɛlɛka, ndu sɔla kandaa.

2Samiɛl 19:22

O kon mí Abisai, po Seruya-o soaa, mó ɲuna masaa aa: «Vɛ̀ɛ̀ le hee Simei yeow hoo masa Mɛlɛka pɔla-o-o kɛɛnin piɔ́mndo sɔla ni?»

1Samiɛl 29:9

Mí Akis mulul David aa: «I co sinaa tɛ́ɛ́ maa a tɛɛmbuu isɔɔ le, a hɛnan ya maa mɛlɛkanɔ Hala. Kɛ simlacia vanaa cɔvaa Filistia dimi aa nɔm kɔa naa kɔɔli le cɔwvo tosaa le.

1Samiɛl 15:24

Mí Saul dimi aa: «I cua hakio fɔ́! I bii diom Mɛlɛka-o le, i tui vɛlɛ silala nɔm Samiɛl-tan te. Siòòŋii vannda va ya ni, lelan ya yaŋnun nda ni.

Yeremi 26:14

Ya yɛ, i co niaa o ba, la tosa a ya mɛɛ o hɛnan niaa yɛ.

Yeremi 37:17

Paale pilɛ, mí masaa Sedekia viam vannda Yeremi veelu, mó kɔ ɲuna ndu o vionnɔnndo nin o cɛi ndɔ lemasaa nin aa: «Vɛ̀ɛ̀ Mɛlɛka dimul-lɔ nɔm isɔɔ le ya tɛɛngul te?» Mí Yeremi muli aa: «O dimul-la isɔɔ le nɔm, aa nɔm delnin masaa Babilɔn o ba.»

Daniɛl 6:16

Kɛ mí langbaa kan muungu o masaa lo, má dimul ndu aa: «Masaa, sina maa o tɔŋ Mɛdia a Pɛrsea nin, sɔɛi masaa handu baa coo-e mángàlan te.»

Daniɛl 6:17

O kon, mí masaa yɔngu diomndo, má hun a Daniɛl, má viaw ndu o soon yàlàá nin. Mó dimul Daniɛl aa: «Màá Hala nɔm n co baalaa tosallo lɔ́ɔ́-lɔ́ɔ̀-o ciindiaa nɔm!»