Yeremi 38:4 - BII BILA

⁴ O kon mí simlacia dimul masaa aa: «Langbanɔɔ ho bɛnda mò sɔla piɔ́mndo! Kani sɔɔn o co dimio-on co vanaa cɔwva a vanaa lo o kobio nin-nda yoomuan solio. O yeema dɛnɛ kɛndɛ vannda ha le, fɔ dɛnɛ nda vɔɔndo daama.»

Yeremi 38:4 Referans Kwoze

Yeremi 26:11

Mí vanaa-solia-lasálàá a vanaa-tɛɛngaa-diom Hala-a dimul simlacia a vanaa va lon-nda kpede aa: «Langbanɔɔ ho bɛnda mò sɔla piɔ́mndo le sááléla o dimi a Yerusalɛm-ndan. Niaa pila tuei ndu diom kpedekele.»

Dɛnnda kiilaa 16:20

Má kɔa a nda o vanaa kialaa n'yamaa rɔmnda lo, má dimi aa: «Vannda ha co naa palaa o kobio ho nin ni. Yuifia nda co ni,

Amɔs 7:10

O kon mí Amasia, ó va vana-solia-lasálàá Betɛl-lo yaa congɔnndo o Yeroboam va masa Israɛlla-o lo, le ndu dimullo aa: «Amɔs yii nɔm dúmbú cuavaa Israɛlla tɛɛn. Lɛŋnden le cɛl lɛnin le nilan yaŋɔɔ o sɔɔn o co dimio-on te.

Yeremi 29:7

La kindin mì kobi niaa co nin o biyɔɔ nin-ndo sɔla dɛnɛ kɛndɔɔ. La piɛi Mɛlɛka le ndu, kani o sɔla pɛ dɛnɛ kɛndɔɔ, niaa bɛɛ la sɔla ndu.›»

Nehemi 6:9

Vanaa kan kpow ndáà yeema le naa siòònde lueiyo, mì va dimio aa: ‹Bala ndalan la co sanga a baala kalaa, o kon o tosan ndɛnin te.› Lelan, yandi Hala nuu! Luei ya niko yoomuan.

1Masaa 21:20

O kon mí Akab mulul Elii aa: «Yaamɔɔ nuu komal-la fɔ́!» Mí Elii mulul ndu aa: «Lekɛ́ndɛi, i komal nɔm. Kani nɔm pila vɔngulun o dɛnnda hɛnan Mɛlɛka le lan tosaa nin ni.

Fulaa 5:4

Mí masaa Esipte ɲuna nda aa: «Moise niaa Aarɔn, le yɛɛ niaa co yɛ vannda faŋaa o valta ndalan nin? La kɔ o kpekula niaalan nin.

Dɛnnda kiilaa 28:22

Kɛ n yeema mì n sínà yiyan nɔmndo. Kani n sínà maa vannda co nɔm cenelanndo nɛɛ-nɛɛ ka.»

Dɛnnda kiilaa 24:5

N ce maa vana vɔɔn-vɔɔndo langbanɔɔ ho co ni. Ndu co Yuifia co o lɛŋnden coo-a kpow sɔngɔlan mɛlio tɛɛn ni, mò va kunda lekaan Nasaria sɛinun-nda simndan laci.

Dɛnnda kiilaa 17:6

Kɛ a komal nda lon te. O kon má kɔa a Yasɔn nda vanaa laalannda a pum vanaa kialaa n'yamaa kobia o hɔl, má yonda aa: «Langbaa ha co keiyo vannda palaa o lɛŋnden coo kpow, má cè nda nihau nanu.

Luke 23:2

Má kɔ hɛɛnduu ndu sɔɔn coo aa: «Langbanɔɔ ho naa n komal vannda lueyo o pɔwlan nin ni, o va nda dimullo maa a mel Sesar muloo le, ndu pila va vɛlɛ dimio maa ndu co Krista ni, masaa pɛɛn.»

Esekiɛl 22:27

Simlacia nɔmnda co macoaa maa tunaa yondoa co ɲɛ nda bii-o sɔmndo-a, a co vannda diwvo a yoomulan tɛɛmbuuo le bolofaa sɔlaa o ken nin.

Ɛsdras 4:12

Masaa, n yeema mà va o sinaa nin maa Yuifia cɛn o nɔm ndo má tiiya naa tɛɛn Yerusalɛm-nda co kobi lanila kalu kon a kobi laasian kon mingio tangullo, a cii kpakila ndɔlan kila ma kandu lan cɔvɔɔ.

2Dɛnnda lemasalan 24:21

O kon mí vannda yii Sakari dúmbú, mí masaa dimul nda le ndu viiyo a powtan o bɛ́ɛ̀ Cɛi-Hala-o nin.

Yeremi 11:21

Lelan ɲɛ Mɛlɛka dimi a vannda Anatɔt o kɔɔ-o co hoo ni, a yeema le ya Yeremi diyɔɔ-a, nda dimi ni aa: «Tɛɛngul naa isɔɔ o diola Mɛlɛka lan te, yɔŋii naa n dii nɔm.»

Yeremi 18:23

Nɔm Mɛlɛka, a pɔw ɲɛ-ɲɛ o tuula nda co le ya diyɔɔ lan nin te. Mal nda haki le dɛnɛ vɔɔn nda co tosaa-o le, faŋa hɔlla o hakila ndalan te. Màá a siɛɛlia mà deli nɔm o hɔl telen n co kɔl fula a nda-o!

Yeremi 38:16

Mí masaa Sedekia mɛnalan Yeremi o vionnɔnndo nin aa: «Te Mɛlɛka co yoomu, o ke naa yoomoo-o. I diinin nɔm te, i melnin nɔm vanaa yeema haa le nɔm diyɔɔ-a o ba le!»

Yeremi 38:25

Te simlacia sina pɛ maa n suukan naa ŋiɔn, má hun dimul nɔm aa cɔm naa suukan niaa va niaa masaa-o yɔŋii naa n dii nɔm,

Yeremi 43:3

Kɛ Baruk po Neriya-o co nɔm luɛyɔɔ nin le naa malɔɔ Babilɔnnda o ba, haliko ma diw naa, te kon te ma kɔɛ a naa o biyɔɔ nin ni.»