Yeremi 38:21 - BII BILA

²¹ Kɛ taa kɛɛ pɛ le fulaa, mà kɔ yɔngun nda, diom Mɛlɛka dimul-la-o co hoo ni aa:

Yeremi 38:21 Referans Kwoze

Esekiɛl 2:7

Mɛɛ ma dimul nda sɔɔn nun, a yaŋ lani, a yaŋ lani le, kani vanaa nila kalua nda co ni.

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Dɛnnda kiilaa 18:6

Kɛ le mɛɛ Yuifia va ndu simullo ma va ndu yeowlan yɛ, mó koaŋ cundu va o doma ndɔɔ-o, mó dimul nda aa: «Te la sɔla lɛ cindaa le, mɛɛ a niaa pila ken fula ni, o co lɛ sɔɛi ni le co ken te. O hau kɔɔli, o vanaa co N'Yuifi le-a lo ya co lakɔ ni.»

Yeremi 26:15

Kɛ nduyɛ, te la dii ya pɛ vana tɛɛmbuu isɔɔ loo, niaa, kobio ho a vanaa co lenin-nda kpow sɔɛi ken co va o lebol ni. Kani lekɛ́ndɛi, Mɛlɛka vem ya o niaa lo ni, le niaa sɔɔn mun dimullo mì la tuei mun.»

Yeremi 5:3

Mɛlɛka, vɛ̀ɛ̀ o co dɛnɛ sandaa le n yeema le? A cii nda lɔɔ, kɛ a co sinan te. Má tuu le nda ciiyo kpede, a tui silala nɔmndan te. Má kindi bolle a nɔm hiovɔɔ bandíláà coo, má kɛɛ le mangalanndo pɛ!

SƐBƐ YƆB-O 34:33

Ɔ́ɔ̀ yiyan nɔmndo a ken o kɔɔ, nɔm co hoo ndu yaalaa-o? Vɛ̀ɛ̀ Hala bɛnda pá mò saangiaa vana vaa lende? Muli niko, kani nɔm soaa vannda ni, o co ya le. Lelan, dimi yiyan nɔmndo.

SƐBƐ YƆB-O 23:13

Kɛ sɔɛi o kelu pɛ le tosaa, nɛ̀ɛ́ kuunà yɛ ndu ndi? Ɲɛ kɔl ndɔɔ yeema-o, ndu o tosa ni.

Kundalan 24:13

‹Hali Balak yɔngu ya bɛɛ volion a sianion n'piaa cɛi ndɔ lemasaa ca, i tɛɛmbuunin ɲɛ Mɛlɛka dimulnin ya le tosaa-o le dɛnɛ kɛndɛ celen, te kon te le dɛnɛ vɔɔn celen tosaa le. Ɲɛ Mɛlɛka dimulnin ya-o kpafii ya tɛɛnguunin ni.›

Fulaa 16:28

O kon mí Mɛlɛka ɲuna Moise aa: «Lɔ́ɔ́ kuɛɛ kpeekpei niaa bii yɛnin silala nilan a tɔŋnda nilan?

Yeremi 38:20

Mí Yeremi muli aa: «A melnin nɔm nda o ba le. Tuei-yɔ diom Mɛlɛka dimi-o aa ɲɛ-ɲɛ vɔɔn yɔŋnunin nɔm te, a lonin yoomu.

Yeremi 38:22

a kɔanin a vanlaandua co vɔ o cɛi lemasaa Yuda nin-nda kpow o simlacia masaa Babilɔn-ndo, o kon mà solul nɔm condei aa: «Bàà lekɛ́ndɛi nda bii nɔm o mɛnndan nin ni, caaŋaa nɔmaa kan pɛɛn. Nɔm óò ciiyo pelon lueiyo o loolio nin, má kialun nɔm kɔɔli.»

2Dɛnnda lemasalan 36:12

Mó tosa ɲɛ bɛnda Mɛlɛka Hala ndɔɔ o hɔl too. O ci sɔɔn Yeremi vana-tɛɛngaa-diom Hala-o va ndu tɛɛngullo o diola Mɛlɛka lan-ndon ɲɛ-ɲɛ le.