Yeremi 38:2 - BII BILA

² «Diom Mɛlɛka dimi-o co hoo ni aa: vana-vana lo pɛ o kobio ho nin, ndu vunin o mɔɛi cɔwve bɛngu, a yima fofolan, te kon te a nàà n'kɔnyaa. Kɛ vana-vana fula pɛ, mò kɔ yɔngun Babilɔn-nda, ndu lonin yoomu, hali mò sɔla lɛ ɲɛ celen o kon kɔɔli le.

Yeremi 38:2 Referans Kwoze

Yeremi 39:18

A toɲa, i ciindiaanin nɔm, a delnin o mɔɛi cɔw bɛngu le. A lonin yoomu, o n sɔlanin-ndo vanin kon ni, le tùú n tiindan ya-o.›» Sɔɛi fula Mɛlɛka o sondo-e co ken ni.

Yeremi 45:5

O co vɔ bɛɛ dɛnɛ kɛndɛ n co yeemaa le nɔm pila-o le. Kɔl kɔa nɔm lon te. Kani dɛnɛ palaa ya cuunin-ndo vanin le ɲaa yoomaa kpede. Kɛ nɔm, ba-ba n kɔɛ pɛ, i mɛinin nɔm yoomu.›» Mɛlɛka dimi lende ni.

Yeremi 34:17

Lelan diom Mɛlɛka dimi-o co hoo ni aa: O niaa tɛɛn, vana-vana ndóò bɛnda mì ndóò solin o sondo maa puapilɛ ndɔɔ co ndu o ba o cɛlen nin-ndo co o ba ndɔɔ coo. Kɛ la bii sɔɛi nii le, lelan sɔɛi fula ya Mɛlɛka o sondo-e co hee ni: Ya, i co niaa mɔɛi cɔwve tuisi coo, yima fofolan a nàà n'kɔnyaa. O kon masɛi co o lɛŋnden coo kpow-ve canin niaa, mà ɲiiya a siòònde.

Esekiɛl 14:21

A toɲa, nuaa Maalii o co Mɛlɛka-o dimi ni aa: «Maa lekɛ́ndɛi, i tuisinin sangala hiɔɔlula kálà-kálàlan ndan Yerusalɛm coo: cɔwvo, yima fofolan, visia biyaa a nàà n'kɔnyaa le vanndacieea a cɔlua ciiyo diwvo.

Yeremi 42:17

Vanaa kɛ́-kɛ̀ kialunin o kɔlta ndalan nin le kɔlan vionnɔnndo Esipte kpow a sɔlanin piɔ́mndo o mɔɛi cɔwve bɛngu, a yima fofolan te kon te a nàà n'kɔnyaa. Vana-vana helunnin dɛnɛ palaa ya tuisinin nda coo-o le.»

Esekiɛl 7:15

Cɔwvo vanin o nɛilan coo, nàà n'kɔnyaa a yima fofolan ma vanin o kobio nin! Vana vanin yondoo nin-ndo ndu vunin o mɔɛi cɔwve bɛngu, mì vana vanin o kobio nin-ndo ndu vi a yiaan a á nàà n'kɔnyaa.

Esekiɛl 6:11

Nuaa Maalii, o co Mɛlɛka-o soo ni aa: «Lɔɔ balan, kundu pelon, mà dimi aa: ‹Kpòkóó dɛnɛ! Le dɛnnda nɔɔlɛila cuavaa Israɛlla tosa lan kpow, a cɛɛlunnin o mɔɛi cɔwve bɛngu, mà vi a yima fofolan a á nàà halimaa.

Yeremi 44:13

I simulnin vanaa kila caltan Esipte-a, mí tosa a nda mɛɛ ya tosa a vannda Yerusalɛm yɛ, mì cii nda a mɔɛi cɔwve, yima fofolan, te kon te a nàà n'kɔnyaa.

Yeremi 42:22

Mɛɛ la sina niko maa la co cuu o mɔɛi cɔwve bɛngu, a yima fofolan te kon te a nàà n'kɔnyaa o lɛŋnde niaa kɔanin nden calle len nin.»

Yeremi 29:18

I toalnin nda kɔɔli a cɔwvo, yima fofolan, mì tol nda vɛlɛ kɔɔli a nàà n'kɔnyaa. I co mɔnɛ soli a nda, mì siòòŋii bɛnduei bii masɛi co o ceendo coo-e kpow. O lɛŋii kɛ́-kɛ̀ ya toawnin nda nin, nda vanin tɔɔmasele vannda vanin cuaa le mɛnaa a le sɔɛi vɔɔn-vɔɔnde, te kon te sɔɛi lasiɛmbuei pum tuuvo ni.

Yeremi 27:13

Le yɛɛ niaa cɛl-lɛnin mì la cuu o mɔɛi cɔwve bɛngu, a yima fofolan a á nàà n'kɔnyaa, maa mɛɛ Mɛlɛka dimi le tosaa a vanaa kɛɛnin le masaa Babilɔn baalaa tosallo-a yɛ?

Yeremi 24:8

Kɛ ɲɛ ya Mɛlɛka co dimi le Sedekia masaa Yuda, le simlacia ndɔa, le vanaa kɛ́-kɛ́ lo yoomu Yerusalɛm, a faŋan o lɛŋnde len nin te-a a vanaa kɔɛ Esipte-a-o co hoo ni: mɛɛ vana tosa a voosun hiw ba tambei, n nɔla lɛ dionnɔn te-on yɛ ya co tosa a nda ni.

Yeremi 21:4

Diom Mɛlɛka, Hala Israɛlla dimi-o co hoo ni aa: ‹La co masaa Babilɔn a vanaa ndɔa cɔvaa hun simul niaa-a cɔlɔbaa. Kɛ i tosanin mì vanaa co cɔwvo tosaa o kpakio laci-a ɲaanun, mà muungu o kobio nin.

Yeremi 27:11

Kɛ vanaa cɛlnin mà tosal masaa Babilɔn baala o baŋnin nda tosaa-o-a, i kenin nda pɛngio o lɛŋnde ndalen nin, haliko ma va vàá, mà cal lon. Sɔɛi fula Mɛlɛka o sondo-e co ken ni.»

Yeremi 29:16

O Mɛlɛka dimi le masa co icali o kpɛŋɛ-lamasa David-o coo, a le vanaa co icali o kobio ho nin-nda, puapilɛa niaa kue latulu a niaa o biyɔɔ nin te-a o.