Biblia Todo Logo
Bib sou entènèt

- Piblisite -




Yeremi 37:3 - BII BILA

3 Mí masaa Sedekia viam Yɛhukal po Selemia-o nda Sofoni po Maaseya vana-solia-lasálàá-o, o Yeremi vana-tɛɛngaa-diom Hala-o lo le ndu dimullo aa: «Piɛi Mɛlɛka, mà tɛɛlun ndu le naa.»

Gade chapit la Kopi




Yeremi 37:3
20 Referans Kwoze  

Mí bolle kpalilla bii Seraya bolle vanaa-solia-lasálàá, Sofoni vana va ndu ikɛi o baalaa nin-ndo a vanaa-solia-lasálàá yaa va le cumullo o dio Cɛi-Hala-o sondoo-a.


Niaa pila dimul-la ni aa ya ɲuna Mɛlɛka Hala niaa. Mí la dimul-la aa: «Ɲɔɔlul naa Mɛlɛka Hala naa, mà tɛɛngul naa diomnde o dimulnin nɔm-nden sanaa, o kon mì n kela lecoo.» Niaa pila luei bollen o ken nin ni.


«O Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹A yɔŋ vanaa co Yerusalɛm-nda kpow sɛbɛlan o diola nilan: Sofoni vana-solia-lasálàá po Maaseya-o a vanaa-solia-lasálàá, o co o sɛvaa o sɛbɛla lan nin aa:


A co yɔmndo dimullo aa: ‹Nɔm co fuɲa naa ni›, mà va powvo dimullo aa: ‹Nɔm velu naa ni.› A toɲa, a cii ya kɔɔ mulul, a co lɛ ya tofa le, kɛ te dɛnɛ palaa tol pɛ nda coo, a dimul-la aa: ‹Cɔn ma ciindiaa naa!›


Mí masaa soaa, mó dimul vana-tɛɛngaa-diom Hala-o aa: «Yandi, piɛi Mɛlɛka Hala nɔmndo, mó mal-la haki, mì baa ho sengu ya.» Mí vana-tɛɛngaa-diom Hala-o piɛi Mɛlɛka, mí ba masaa siangu, mó muungu maa paandu.


O kon, mí Simɔn mulul Piɛr nda Nsaŋ aa: «Niaa pila piɛi Mɛlɛka le ya, haliko ɲɛ-ɲɛ niaa dimi, o yɔŋnun ya le.»


Mí Sefatia po Matan-ndo, Kedalia po Pasur-o, Yukal po Selemia-o, Pasur po Malkia-o a tuɛi sɔɔn Yeremi va vannda kpow dimullo-on aa:


O Mɛlɛka-Nɔ-Kpaayaa-Kpow-vo, Hala Israɛl-lo dimi a Akab po Kolaya-o, a Sedekia po Maaseya-o, a co kan niaa còòlan tɛɛngullo o diola nilan-nda-o co hoo ni: «I mal nda Nebukanɛsar masaa Babilɔn o ba, o lɔanin nda mà vi niaa o hɔl.»


Mí nda kpow a dimul Samiɛl aa: «Tɛɛlun Mɛlɛka Hala nɔmndo le naa, yɔŋii naa n vu. Kani n handu haki celen o hakila naala paandulan coo, le tùú naa pila n ɲuna le masa celen sɔlaa-o.»


Mí vanaa tɔ̀a hun komal Moise, má dimul ndu aa: «N cua hakio le sɔɔn vɔɔŋun naa n soo a Mɛlɛka a á nɔm-ndon. Lelan, tɛɛlun Mɛlɛka sisa mò faŋa naa kɛvaa vɔɔnda ha ikɛi.» Mí Moise piɛi Mɛlɛka le vanaa kan.


Lelan, la mal-la vɛlɛ haki o laan, mì la tɛɛlun Mɛlɛka Hala niaa, mò baŋa ya a kpundɔɔ ho.»


La piɛi Mɛlɛka le ya yandi, haliko mi taŋndan a loeon pɛngi delio. I co niaa malɔɔ mì la kɔɛ, i bii lɛnin niaa n'pelu le.»


A kon kpow, mí Faraɔnnɔɔ kindi vɛlɛ nilan, o cɛl le Israɛlla malɔɔ kɔlan te.


Mí Moise nda Aarɔn a fula o Faraɔnnɔɔ lo cɛinin, mí Moise kɔ tɛɛlun Mɛlɛka le ŋɔɔŋɔŋaa o cuiŋi kan ndu Faraɔnnɔɔ coo-a diwvo.


Nduyɛ mí Mɛlɛka dimul-la aa: «Dɛnɛ kɛndɔɔ co nɔm laci. I tosanin mì yaamɔaa nɔmnda tɛɛlun nɔm o telen nda vanin o dɛnɛ palaa nin-ndo.


«Diom Mɛlɛka Hala Israɛlla dimi-o co hoo ni aa: La kɔ dimul masaa Yuda, o vem niaa ya ɲunaa-o aa: Vanaa cɔvaa ndáà fula Esipte le niaa hunɔɔ cɔwvo malaa-a muungun o nda lo Esipte.


Paale pilɛ, mí masaa Sedekia viam vannda Yeremi veelu, mó kɔ ɲuna ndu o vionnɔnndo nin o cɛi ndɔ lemasaa nin aa: «Vɛ̀ɛ̀ Mɛlɛka dimul-lɔ nɔm isɔɔ le ya tɛɛngul te?» Mí Yeremi muli aa: «O dimul-la isɔɔ le nɔm, aa nɔm delnin masaa Babilɔn o ba.»


O kon, mí simlacia vanaa cɔwva kpow a sɔɔnguu, handɔɔ Yohanan po Karea-o a Yesania po Hosaya-o a vannda kpow coo, kandɔɔ a cuaambɔa kɔ bii a kaasonnda,


Swiv nou:

Piblisite


Piblisite