Yeremi 37:10 - BII BILA

¹⁰ Hali o va bɛɛ maa la nɔla vanaa cɔvaa Babilɔŋaa co niaa haa kɔɔli a cɔwvo-a kpede, mò lo vanaa niaa yɔŋul-la daama, a pilɛn-pilɛŋaa kan cannin o cɛila-kolala-toandaala ndalan nin, mà hin kpow, mà mal kobio Yerusalɛm yin.»

Yeremi 37:10 Referans Kwoze

Yɔɛl 2:11

Mɛlɛka mal diom ndɔɔ kpélén vanaa cɔwva laci. Vanaa ndɔa cɔwva co sɛ́lɛ́ taw-taw. Kani vana co sɔɛi o dimi-e tosaa-o nɔ kpaayaa taw. Bau paale Mɛlɛka len le co bɔɔ paale bɛndu. Le co bɔɔ paale kpundɛle bɛndu. Nɛ̀ɛ́ nɔla yɛnin mò yulu dɛnɛ kon paale len?

Yeremi 50:45

Lelan la yaŋ nilan mì la tuei mɛɛ Mɛlɛka tuu le tosaa a Babilɔn yɛ, mɛɛ o yiyan le tosaa a lɛŋnde len yɛ. La laalan ken, a kɔanin a nda maa n'cɔlu, o pilɛ bɛɛ lonin kɔɔli le. La laalan maa a tɛɛmbuunin hee ndaa le nda.

Esai 30:17

Vanndo ndu pilɛ kpé vueinunnin niaa ni, mì vannda vàá pilɛ o niaa tɛɛn ɲaanun ndu. Vannda nda ŋuɛɛnu vueinunnin niaa, mì la ɲaanun kpow háá mi la lo ɲɛ-pɔmbɔɔ doolɛ maa yɔm landaa lɛfɛ co o pembei tullo-o, maa lɛfɛ-landaa lo o pembei coo-o.

Yeremi 51:4

Vanaa yɔŋulunnin-nda vanin a deliaa o lɛŋnde Babilɔn-nden nin, vanvílɛ́yaa cɔwva hinin lɛ́ɛ́siɛn o nɛilan coo.

Yeremi 49:20

Lelan, la yaŋ nilan mì la tuei tuu Mɛlɛka nɔ le Edɔmnda-o, kɛɛsuula o nɔ le vannda Teman-ndan! La laalan ken, a kɔanin a nda maa n'cɔlu, hali a hiow dɔɔnanndo-a. La laalan ken, calta ndalan la tambunin le nda.

Yeremi 37:8

Babilɔnnda co muungu nanu mà hun del kobio ho coo, mà lom ndu.

Esai 14:19

Kɛ nɔm, a viownun bɔɔ sɛi nɔmndo levil, maa hɔ́ɔ́ lende nda viiku-o, maa vanaa vi o mɔɛi cɔwve bɛngu-a, a nda ɲindu o powta soon bɛndoo coo-a, maa vana vílɛ́i nda nɛw a labɛngu-o.

Esai 13:15

Vana-vana nda komal pɛ, a cuukuu ndu, a buuluu ndu, vanaa nda biinin-nda, a diwnin kan a mɔɔn cɔwvon.

Esai 10:4

A pum a tundunnin vanaa co o biyɔɔ nin-nda tɛɛn, a pum a cɛɛlunnin vanvílɛ́iya tɛɛn. Kɛ a kon kpede, kɔltuw Mɛlɛka-o ɲulul-lɔnin te, ba ndɔɔ va vɔnin o heelaa.»

Yeremi 21:10

Kani i co kobio ho mululɔn, mì tosal ndu dɛnɛ vɔɔndo, o venin dɛnɛ kɛndɛ le. I malnin ndu masaa Babilɔn o ba mò mal ndu yin.›»

Yeremi 32:29

Babilɔŋaa delnin kobio ho coo a cɔwvo-a malnin ndu yin, mà lom cɛila ndáà lum Baal ansan o yindɔla ndalan coo lan, cɛila ndáà solul ndu sálàla mamɔilan lenin le ya kɔllo tɛɛmbuuo lan pɛɛn.

Yeremi 37:11

Telen vanaa cɔvaa Babilɔn-nda mal tiŋ Yerusalɛm, má muungu a makɔɔ le vanaa cɔvaa masaa Esipte-a kpakpalaa-o,

Cɛɛŋɔnnda Yeremi lan 1:15

Maalii cii vanaa cɔvaa nia kpow kɛɛ, vanaa cɔvaa va ya ikɛi-ya pɛɛn. O cuungiaa vanaa cowva le ya ciŋilanndo, le langbaa felengia ya nɔ-a ciimiaa. Maalii vayia ya, ya Siɔn kɛndɛ-kɛndɔɔ, mɛɛ vana vayia rɛsɛnndon o doola nin yɛ.