Yeremi 36:6 - BII BILA

⁶ Lelan, a bii pɛ a kɔɛ lon o paale sum-nden coo, a kɔ dimi sɔɔn Mɛlɛka-n ya va nɔm dimullo má sɛva-on coocoo kpélén vanaa vanin o Cɛi-Hala-o nin-nda a vanaa-vanaa fulanin o kobila Yuda lan nin o hɔl.

Yeremi 36:6 Referans Kwoze

Yeremi 26:2

«Sɔɛi ya Mɛlɛka dimi-e co hee ni aa: kɔ sim o bɛ́ɛ̀ Cɛi-Hala-o nin, mà dimul vanaa-vanaa fula o kobila Yuda lan nin, mà hin le kaannden. Kɔ miinguu sɔɔn ya co nɔm dimul le nda tɛɛngullo-on, diomndo pilɛ bɛɛ faŋa lecoo le.

Yeremi 22:2

Má dimi aa: ‹Nɔm masaa Yuda co icali o kpɛŋɛ lemasa David-o coo-o yaŋnun sɔɛi Mɛlɛka-e, i co vɛlɛ le simlacia nɔmnda a le vannda kpow, a kɛ́-kɛ̀ kei o diolan ndan le luɛyɔɔ o cɛi lemasaa ho nin.

Yeremi 7:2

«Sim o dio cɛi nuu sondoo, mà yonda sɔɛi he, mà dimi aa: «Niaa Yudaa kpow, niaa co keiyo o diolan ndan le luɛyɔɔ, le vulan baŋɔɔ Mɛlɛka o labɛngunin-nda, la yaŋ nilan o diom Mɛlɛka dimi-o.

Dɛnnda kiilaa 27:9

Mí n hivi palɛi bɔɔ-bɔɔ lon, mí telen vɔw le kelaa o mɛnndan coo-o komal naa lon, kani paale biyaa sum-nden léè hiownun nin. Mí sila vanaa va dɛ̀ndɔ̀ɔ́ tɛɛnguuo-a aa:

Yeremi 19:14

Mɛɛ Yeremi fula Tofɛt nɛɛ Mɛlɛka ndóò vem ndu sɔɛi ndɔɛi tɛɛnguuo-a, mó kɔa o bɛ́ɛ̀ Cɛi-Hala-o nin, mó dimul vannda kpow aa:

Yeremi 18:11

Nɔm Yeremi, soo niko o vannda Yuda a o Yerusalɛmnda lo, mà dimul nda aa: «Mɛlɛka dimi aa: ‹I cii kiolɔɔ, i co dɛnɛ palaa toosiaa le niaa, yiyannda vɔɔnndan pila la co ya o kɔl a niaa ni. Vana-vana mangala kela ndɔ vɔɔndo. Lende ni dɛ! Vana-vana yɛlɛma tiŋ kela ndɔɔ.›»

Yeremi 36:2

«Cɔnɔnndo o paale Yosia len háá hau, sɔɔn kɛ́-kɛ̀ ya cɔm nɔm a Israɛl, a Yuda a á vanaa-mangalaa-isɔɔa kpede o kɔɔ, cua sɛbɛ simbulaa mà sɛva mun lecoo.

Yeremi 36:4

Mí Yeremi veelu Baruk po Neriya-o, mí ndu Yeremi va sɔɔn Mɛlɛka ndóò dimul ndu-on kpow dimio, mí Baruk ndu va mun kpow sɛvaa o sɛbɛ simbulaa coo.

Sakari 8:19

‹Nuaa Mɛlɛka-Nɔ-Kpaayaa-Kpow-vo dimi ni aa: ‹Sum paangii hiɔɔlundɔɛi, sum paangii ŋuɛɛnundɔɛi, sum paangii ŋɔmmɛwndɔɛi a sum paangii tɔ́ndɔɛi siŋnunnin palɛi kɔlkɛndɛi, palɛi ɲaalei a palɛi kafoei le polale Yuda len. Lelan, la kaola toɲaa a kɔlɲuloo!