Yeremi 36:3 - BII BILA

³ Bɔɔle lɔ́ɔ́ vannda Yuda sinanin yiyan ya nɔ le nda dɛnɛ palaa tuisio coo-o, nda kpow a kindikindinnin le kela nda vɔɔndo malɔɔ, o kon i melnunnin nda le kela nda vɔɔndo, mì mal nda haki.

Yeremi 36:3 Referans Kwoze

Yeremi 18:8

Kɛ te lɛŋnde ya dimi len sɔɛi ndɔɛi len le mal pɛ dɛnɛ vɔɔn vem ya len kɔngɔlanndo-o, i mal sɔɛi yáà kɔngɔlan le len tosallo-e.

Dɛnnda kiilaa 3:19

Lelan, la mangalan, mì la mal yɔŋ vɔɔndo, mì la mulul Hala hɔlla, haliko mo ɲumi hakila niaalan.

Esekiɛl 12:3

Lelan, nɔm po vanacieo, bɛɛndiaa volɔɔlan maa vana nda co kɔlan o biyɔɔ nin-ndo, mà kɔɛ nda o hɔl ipala déŋ mɛɛ vana kɔa o biyɔɔ nin yɛ. Faŋan nda o hɔl o fonda n co icali-o, mà kɔɛ o fonda celen, maa vana nda co kɔlan o biyɔɔ nin-ndo.

Yeremi 26:3

Bɔɔle mà tuei nɔm diom, mì vana-vana mal kela ndɔ vɔɔndo. O kon, ya bɛɛ i malnin dɛnnda palaala yáà tuu le nda tuisio coo le kela nda vɔɔndo lan.

Tɔŋ miingua 30:2

te la muungu pɛ Mɛlɛka Hala niaa o ibuŋ, te niaa pila a cuavaa niaa bii pɛ diom ndɔɔ a kɔlta niaalan a yoomu niaa kpow mɛɛ ya co niaa silaa hau yɛ,

Yeremi 36:7

Bɔɔle a cannin mà tɛɛlun Mɛlɛka a kpaaya ndaa kpow, o kon mì vana-vana mangala kela ndɔ vɔɔndo, kani taw-taw Mɛlɛka tambu kɔllo a vannda ha ni.»

2Piɛr 3:9

Mɛlɛka tamala le sɔɛi o dimi-e peeloo maa mɛɛ vanaa pum a yiyan yɛ le. Biuvɔnndo o biwnun niaa ni, o yeema mì vana pilɛ bɛɛ lo le, kɛ o yeema mì vannda kpow a mangalan.

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Marke 4:12

haliko a va bɛɛ tofaa, a ca le, a va bɛɛ tueyɔɔ, a bii bila le. Yɔŋii nda mangalan mà sɔla hakio malɔɔ.»

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

Yeremi 24:7

I kenin nda sinapɛngoo, mà bii bila maa ya co Mɛlɛka ni. A muungunin ya o ibuŋ a kɔlta ndalan kpow. O kon a vanin vanaa nia, mì ya i va Hala ndaa.

Yeremi 18:11

Nɔm Yeremi, soo niko o vannda Yuda a o Yerusalɛmnda lo, mà dimul nda aa: «Mɛlɛka dimi aa: ‹I cii kiolɔɔ, i co dɛnɛ palaa toosiaa le niaa, yiyannda vɔɔnndan pila la co ya o kɔl a niaa ni. Vana-vana mangala kela ndɔ vɔɔndo. Lende ni dɛ! Vana-vana yɛlɛma tiŋ kela ndɔɔ.›»

1Samiɛl 7:3

Mí Samiɛl dimul nda aa: «Te o va pɛ a kɔlta niaalan kpede niaa yeema le muungoo Mɛlɛka o ibuŋ ni, mɛɛ la mal piɔmaa Astarteea sooloo few-few, mì la tiindan Mɛlɛka, mì la biilu ndu ndu pilɛ kpé. O baŋanin niaa Filistia o ba.»

Tɔŋ miingua 30:8

Niaa yɛ, la muungunin ndu o ibuŋ, la biinin diom ndɔɔ, mì la kela o tɔŋnda ndɔla ya co niaa hau tɛɛngullo lan coo.

Dɛnnda kiilaa 28:27

Kani kɔlta vannda ha la bii isɔɔ le, a cii nilan baŋul mà kinda hɔltan, yɔŋii nda cɔ a hɔlta ndalan, mà tuei a nila ndalan, mà bii bila a kɔlta ndalan, yɔŋii nda hun ya o ibuŋ, mà sɔla siongɔɔ.›

Dɛnnda kiilaa 26:20

Kɛ vanaa co Damas-a a haa Yerusalɛm ya kandu yoongu kalaa tiiyallo ni, o kon kɔɔli, mí pɛɛku haa o tàndá Yuda-o nin kpow a vanaa-mangalaa-isɔɔa. Mí dimul nda maa a mal yɔŋnda vɔɔnnda ndalan, mà mangalan, mà mulul Hala hɔlla, mà tosa dɛnnda cɔm maa a mangalan ndan.

Luke 20:13

Mí vana nakɔɔ dimi aa: ‹Vɛ̀ɛ̀ ya co yɛ hee biyɔɔ? I co po ni kaolaa vomɔɔ, bɔɔle ma ke ndu bɛɛlen.›

Matie 13:15

Kani kɔlta vannda ha la laasian, a cii nilan baŋulɔn, má kinda hɔltan, yɔŋii nda cɔ a lahɔl, mà tuei a lani, mà bii bila a kɔlta ndalan, mà mangalan, o kon mì singi nda.›

Sofoni 2:3

Lelan, niaa vanaa tuisiaŋaa co o lɛŋnden coo-a, la muli hɔlla o Mɛlɛka lo. Niaa vanaa dɛnɛ sandaa, la nuwviaa ɲɛ-ɲɛ co dɛnɛ sandaa, la kindin le vaa vanaa tuisiannda. O kon mì la sɔla baŋaa o paale kɔltuwle Mɛlɛka len coo.»

Esekiɛl 18:23

Vɛ̀ɛ̀ yeemɛi nii co le vana kɔlvesɛiyo vuo ni? Ɛ-ɛ, o co kon te ya yeema le, kɛ i yeema mò mulul nɛi yɔŋ ndɔ vɔɔndo kɔɔ haliko mo va yoomu. Sɔɛi fula Maalii, o co Mɛlɛka-o o sondo-e co ken ni.

Yeremi 23:14

Kɛ vanaa-tɛɛngaa-diom Hala-a Yerusalɛm nda, mí ca maa dɛnnda lamààlan nda cal coo ni: a co suundaa, a co còòlan dimio, a co vanaa tosaa dɛnnda vɔɔnda simndan kɔɔli. Vana-vana co kɛɔ le dɛnɛ vɔɔndo malɔɔ. Nda kpow a muungu ya o hɔl maa vannda Sodɔm, hiyan kɛ́-kɛ̀ co vannda Yerusalɛm a haa Komɔr tɛɛn te.

Esai 6:10

Siinguu kɔlta vannda ha kɔlta bii isɔɔ le lan, baŋul nda nilan mà kumbu nda hɔltan kpáŋ, yɔŋii nda cɔ a hɔlta ndalan, yɔŋii nda tuei a nila ndalan, ma bii bila a kɔlta ndalan, haliko a mangalan mà sɔla siongɔɔ le.»

Nehemi 1:9

Kɛ te la muungu pɛ ya o ibuŋ, mì la bii silala nilan, mì la kela lecoo, hali a kɔ bɛɛ a niaa háá lɛŋnde mɛɛlu, i nuwviaanin niaa, mì cuungiaa niaa nɛɛ pilɛ, mì kɔɛ a niaa o fonda ya hɛli le diola nilan vaa piɔlnɔnndo lon-ndo.›

Tɔŋ miingua 5:29

Te ndáà lo niko pɛ o yiyan kɛndɔɔ ho coo, mì ndáà biilu ya a bɛɛlen, mì ndáà kela lepalaa-lepala o tɔŋnda nilan biyɔɔ nin, ɲɔɔ ndóò naŋnin bɔɔ, haliko mi nda a cuavaa ndaa imamaa ndáà sɔla dɛnɛ kɛndɔɔ le lɔ́ɔ́-lɔ́ɔ̀.

Condii lisai 139:24

Tofa te o nɛila vɔɔnndan coo ya co kelaa ni, ma yɛɛ ya o nɛi cinda fɛɛn-fɛɛndo coo.