Yeremi 36:2 - BII BILA

² «Cɔnɔnndo o paale Yosia len háá hau, sɔɔn kɛ́-kɛ̀ ya cɔm nɔm a Israɛl, a Yuda a á vanaa-mangalaa-isɔɔa kpede o kɔɔ, cua sɛbɛ simbulaa mà sɛva mun lecoo.

Yeremi 36:2 Referans Kwoze

Yeremi 30:2

«O Mɛlɛka Hala Israɛl-lo dimi-o co hoo ni aa: ‹Sɛva sɔɔn ya dimul nɔm-ndon kpede o sɛbɔɔ nin.›»

Yeremi 25:3

«Kabi o vɔsi tɔ́ a o yàándɔɔ o masale Yosia po Amon masaa Yuda len háá hau, vɔsilan bidiin a layàá co kon ni, i co niaa sɔɛi Mɛlɛka dimul-la-e tɛɛngullo, i co sondo mei le, kɛ la co tueyɔɔ le.

Yeremi 1:10

I vem nɔm hau o vanaa-mangalaa-isɔɔa lo, mà kuel masɛi, haliko ma suingi, ma koombiaa, ma diw, ma tɛɛmbuu, Kɛ ma cɔw, ma tɔl.»

Fulaa 17:14

Mí Mɛlɛka dimul Moise aa: «Sɛva dɛnɔɔ ho kpow o sɛbɔɔ nin le loonɔnndo, ma dimul Yosue aa i ɲuminin Amalɛkea o ceendo coo, mì vanndacieea pɔɛɛnun a dɛnɛ ndaa o lɛŋnden coo.»

Esekiɛl 2:9

I va tofaa, mí ca ba vanacieo o siɛndiaa nɛɛ ya va icali-a, sɛbɛ simbulaa va o ba kon.

Yeremi 51:60

Mí Yeremi ndóò sɛva dɛnnda palaala kɛ́-kɛ̀ va hunɔɔ tolɔɔ Babilɔnnda coo, a sɔɔn kɛ́-kɛ̀ dimin mun a Babilɔn o kɔɔ o sɛbɔɔ pum nin.

Yeremi 36:23

Telen oo telen Yehudi ndóò cii pɛ bungan n'yáá te kon te n'hiɔɔlu dimi, masaa ndóò kelu bungan mun a mɔɛi pɔmbɔɛi, o viow o yin. Lende o lo ndu kilikilio a bungan ni háá, mó cii sɛbɛ kalaa lomɔɔ kpede.

Yeremi 36:6

Lelan, a bii pɛ a kɔɛ lon o paale sum-nden coo, a kɔ dimi sɔɔn Mɛlɛka-n ya va nɔm dimullo má sɛva-on coocoo kpélén vanaa vanin o Cɛi-Hala-o nin-nda a vanaa-vanaa fulanin o kobila Yuda lan nin o hɔl.

Esai 8:1

Mí Mɛlɛka dimul-la aa: «Cua pɛngɛi bɛnduei ma sɛva lecoo a ɲɛ sɛvaa aa: ‹N keleŋan ɲɔɔn hiɔlɔɔ, n kɔ cuannun ɲɛm naa n puu o cɔwvo-on cɔ́-cɔ́!›

Condii lisai 40:7

Ɲɛ nɛŋì nɔm kɔllo-o, o co sálàla n'cɔlu le, o co sálàla kpeyan te. O co sálàla loamaa n ɲuna le, o co vɛlɛ sálàá le hakio sɔlaa malɔɔ le. A kumbi ya nilan mí bii ndi bila.

Ɛsdras 6:2

O yaasiaa kon nin, má saalun sɛbɛ simbulaa pum o kobio Ɛkbatan nin, ó va kobi lebollo le tàndá Medii-o-o. Sɔɔn va n'sɛvaa o sɛbɛ kon nin-ndon va mun ni: Kona nda sɛva-o.

Osee 8:12

I sɛval bɛɛ nda tɔŋnda nilan vaalan o vaalan nin, à canin kon lan maa lepilɛ bɛɛ a sina lan te.

Yeremi 45:1

O vɔsi hiɔɔlundɔ Yehoyakim po Yosia-o va masalen tosaa Yuda-o, mí Baruk po Neriya-o va sɔɔn Yeremi va ndu dimullo-on sɛvaa. Mí Yeremi dimul ndu aa:

Yeremi 36:29

Diom Mɛlɛka dimi le Yehoyakim masaa Yuda-o co hoo ni, ndu Yeremi sɛva ni aa: Lekɛ́ndɛi, masaa Babilɔn hunnin mò tɛɛmbuu lɛŋnden nden, mò diw vanndacieea a cɔlua. Kɛ má tambu kɔllo a ndu Yeremi, má loam sɛbɛ sɔɔn mun va coo-o.

Yeremi 2:4

Yungu Yakɔb-o, la yaŋ nilan o diom Mɛlɛka dimi-o. Niaa yungula fula o cɛi Israɛl-lo nin-ndan, la yaŋnun.›

Yeremi 1:5

«Lɔ́ɔ́ pá ya hun cɔw nɔm kala nɔm o dembe, yáà sina nin nɔm. Lɔ́ɔ́ pá mó vialu nɔm, yáà hɛli nin nɔm le siŋnɔnndo vana-tɛɛngaa-diom Hala-o le sɔɛi o vanaa-mangalaa-isɔɔa lo!»

SƐBƐ YƆB-O 31:35

Kpòkóó! Te yáà nɔ pɛ vana yaŋnun ya-o kɛi dɛ! Yáà nɔla mì yáà dimi diomnde mɛɛlaalen, mí Vana-Kpaayaa-Kpow ndóò mulul-la niko. O kon, sɛbɛ biilaa sei yaamɔɔ nuu sɛva-o,

Tɔŋ miingua 31:24

Mɛɛ Moise cii sɔɔn tɔŋ kon kpow sɛva o sɛbɔɔ nin,

Hebreea 10:7

O kon mí dimi aa: ‹Ya pila co hunɔɔ o nɔm ndo ni, mì tosa hɛnan nɔmndo, maa mɛɛ o co o sɛvaa a ya o kɔɔ o sɛbɛ diandaa nin yɛ.›»

Yeremi 1:9

O kon mí Mɛlɛka siɛndi baa, mó pilan ya sondoo, mó dimul-la aa: «Tofa vɔ, i vow sɔɔn nun nɔm o sondo.

Yeremi 36:14

Baruk velu Selemia ni, mí Selemia vialu Netania, mí Netania vialu Yehudi. O kon mí simlacia kan kpow a viam Yehudi o Baruk lo, le ndu kɔlan dimullo maa ndu pila cua sɛbɛ o dimi kon vannda o hɔl-lo, mò kɔɛ a ndu o nda lo. O kon mí Baruk po Neriya-o bii sɛbɔɔ o ba, mó kɔa nɛɛ nda va-a.

Yeremi 36:18

Mí Baruk mulul nda aa: «Yeremi va ya mun dimullo ni, mí va mun sɛvaa o sɛbɛ simbulaa ho coo o telen o va mun dimio-o.»