Yeremi 34:9 - BII BILA

⁹ haliko mi vana-vana ndóò mal cɛa ndɔa co Hebreea-a, o va a laandu, o va a piaandu, vana-vana ndóò bɛnda lɛ mi ndóò bii puapilɛ ndɔ Yuifnɔɔ o lecɛ nin te.

Yeremi 34:9 Referans Kwoze

Filipea 3:5

Ndáà violɔɔ ya, má dii ya tooma o paale ŋɔmaandɔ len. Israɛlnɔɔ ya i co ni, fulaa o polale Bɛnyamɛn-nden nin. Hebreenɔ Hebreenɔɔ velu-o ya co ni.

2Korɛntea 11:22

Vɛ̀ɛ̀ Hebreea nda co ni? Ya bɛɛ Hebreenɔɔ ya co ni. Vɛ̀ɛ̀ Israɛlla nda co ni? Ya bɛɛ Israɛlnɔɔ ya co ni. Cuavaa-imamaa Abraham-nda nda co ni? Ya bɛɛ cua ndɔ kon ya co ni.

1Korɛntea 6:8

Kɛ niaa co dɛnɛ sandaa lepɛŋndo tosaa ni, mì la va vanaa celen ciimbuuo, a co puapilɛa niaa vanaa laalannda-a pɛɛn.

Yeremi 34:10

Mí simlacia a vanaa va o cɛlan kon coo-a kpow a yii lediom le cɛa ndaa: a laandua a à piaandua malɔɔ, ndáà bɛnda lɛ mi ndáà tundu nda baala lecɛ tosa le. Mí nda kpow cɛl, má mal nda.

Yeremi 30:8

Sɔɛi fula Mɛlɛka-Nɔ-Kpaayaa-Kpow-vo o sondo-e co hee ni aa: «Paale len, i yimiyiminin yɔm ndɔ lebol co nɔm o ikɛsu-o, mì kilikili yoei, o kon a ve lɛnin baala tosa le n'mial te.

Yeremi 27:7

Vanaa-mangalaa-isɔɔa kpow a tosalnin ndu baalaa. O ndu kɔɔli, mà tosal po ndɔɔ a po ndɔ imamaa baalaa, háá mì telen vanaa-mangalaa-isɔɔa mayoomua a masaa bɛndua cannin, mà lueinun lɛŋnde ndɔlen o ba bɛngu-o tiiya.

Yeremi 25:14

Mì Babilɔnnda bɛɛ luɛi o ba masaa kpaayaa bɛngu a o ba vanaa-mangalaa-isɔɔa kpaayaa bɛngu. Mì sala nda mɛɛ dɛnnda ndalan la yɔŋnun yɛ, mɛɛ dɛnnda nda tosa a bala ndalan-ndan la co yɛ.»

1Samiɛl 14:11

O kon má kɔa nda ŋiɔn kpow, má kɔ fula Filistia o hɔl. Mí Filistia dimulan aa: «La tofa vɔ! Hebreea co fulaa o soonndan nin nɛɛ nda va a viniannda-a.»

1Samiɛl 4:9

Lelan naa Filistia, fɔ mì n sim yili, mì n tosa vanapɔnɔyɛi. N kɔ cɔlɔban Hebreea a yoomuan. Yɔŋii naa n siŋnun cɛa ndaa mɛɛ nda va paandu cɛa naa yɛ.»

1Samiɛl 4:6

Filistia tueyɔɔ yoondiaala bɛndula lan, má ɲuna aa: «Ko ivɔkɔ-vɔkɔɛi yɛɛ co yɛ hee o dɔ́ɔ́ngɔ́ Israɛlla nin?» Lɔ́ɔ́ nda sina maa kesu kpema Mɛlɛka-o tiiya o dɔ́ɔ́ngɔ́ɔ̀ nin ni-o,

Tɔŋ miingua 15:12

«Te puapilɛ niaa Hebreenɔɔ lendulun pɛ niaa o ba, o va vanapɔnɔ o va vanalanɔ, o bɛnda mò tosal niaa vallo le vɔsilan laŋɔmpum. O vɔsi ŋɔmmɛwndɔɔ nin, la yɔngu ndu hɔ́ɔ́yɛi ndɔɛi, la mal ndu o kɔɛnnun.

Fulaa 3:18

Taa dimul pɛ nda lende, a co sɔɛi nɔmnde cɛlɔɔ, o kon mì la kɔɛ niaa kaasoŋaa kɔlkalua o masaa Esipte lo, mì la dimul ndu aa: ‹Mɛlɛka cɔmnun naa, Hala Hebreea pɛɛn. Lelan, mal naa mì n kɔɛ kɔla palɛi yaa o lɛŋnde veselɛilen nin le Mɛlɛka sálàá solullo, Hala naa pɛɛn.›

Fulaa 2:6

Mɛɛ o kumbi ndu, mó ca cɛlɛkpɛ piaandoo lenin, o va caŋndo. Mí ɲííye bii ndu, mó dimi aa: «Cɛlɛkpɔɔ ho, violɔɔ Hebreenɔɔ o co ni.»

O Kandɔɔ 40:15

Kani o lɛŋnde Hebreea nin nda bii ya a paa-kala ni, má hun a ya nanu. Nduyɛ, nanu bɛɛ i tosa dɛnɛ vana mal vana o kaaso le.»

O Kandɔɔ 14:13

Mí vana ɲaanun-ndo pum kɔ dimul Abram Hebreenɔ sɔɛi ken. Abram va icali o yálán Mamre Amoriinɔ-o ikɛi, Mamre kon va puapilɛ Ɛskɔl nda Anɛr-o ni. Langbaa yaa kan kpede, kpemaa va nda tɛɛn nda Abram-aa.