Yeremi 34:8 - BII BILA

⁸ O telen masaa Sedekia cii cɛlan nda vannda Yerusalɛm le cɛa kpow malɔɔ-o, mí Mɛlɛka soaa vɛlɛ o Yeremi lo,

Yeremi 34:8 Referans Kwoze

Tɔŋ lasálàá 25:10

Nuaa niaa bɛnda ni mi la tosa, le cɔmndo maa vɔsi diandaa vɔsi beleŋuɛɛnundɔɔ co ya Mɛlɛka o hɔl ni. Le hee, la bɛnda mì la yonda mì vanaa co icali o lɛŋnden nin-nda kpow a sɔla hɔ́ɔ́yɛi ndɛi. Vɔsi kɔlkɛndɛ bɛndoo vɔsi kon co le niaa ni. Vanaa yondola ndalan la hɛlun-nda bɛnda mà sɔla lan, mì cɛa muungu o yungula ndalan nin.

Yeremi 34:17

Lelan diom Mɛlɛka dimi-o co hoo ni aa: O niaa tɛɛn, vana-vana ndóò bɛnda mì ndóò solin o sondo maa puapilɛ ndɔɔ co ndu o ba o cɛlen nin-ndo co o ba ndɔɔ coo. Kɛ la bii sɔɛi nii le, lelan sɔɛi fula ya Mɛlɛka o sondo-e co hee ni: Ya, i co niaa mɔɛi cɔwve tuisi coo, yima fofolan a nàà n'kɔnyaa. O kon masɛi co o lɛŋnden coo kpow-ve canin niaa, mà ɲiiya a siòònde.

2Masaa 11:17

Mí Yehoyada yii kpemaa Mɛlɛka, masaa a vannda tɛɛn haliko mi vanaa kan ndáà lo Mɛlɛka o ibuŋ. Mó yii vɛlɛ kpemaa masaa a vannda tɛɛn.

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

2Dɛnnda lemasalan 29:10

Ya ya, i co yiyanndo le kpemaa yiiyo a Mɛlɛka Hala Israɛlla, haliko mi kɔl ndɔ tuwvo faŋan naa coo.

2Dɛnnda lemasalan 23:16

Mí Yehoyada yii kpemaa Mɛlɛka, masaa a vannda tɛɛn, haliko mi vanaa kan ndáà lo Mɛlɛka o ibuŋ.

Tɔŋ miingua 15:12

«Te puapilɛ niaa Hebreenɔɔ lendulun pɛ niaa o ba, o va vanapɔnɔ o va vanalanɔ, o bɛnda mò tosal niaa vallo le vɔsilan laŋɔmpum. O vɔsi ŋɔmmɛwndɔɔ nin, la yɔngu ndu hɔ́ɔ́yɛi ndɔɛi, la mal ndu o kɔɛnnun.

Esai 58:6

La tuei-yɔ sum hini ya Mɛlɛka kɔllo-o: La kili yɔlɔn dɛnɛ sandaa lepɛŋndon, mì la kili yoei yɔm lebolle, mì la mingi vanaa co o sangaa nin-nda o nda lo o hɔ́ɔ́yɛi nin, mì vannda kpow tuisi volɔɔla súú-súù nda hɛɛnduu vannda o lebol-tan.