Yeremi 34:7 - BII BILA

⁷ O telen kon, vanaa cɔvaa masaa Babilɔn-nda ndáà del nin Yerusalɛm a kobila tɔ̀la mayoomula va Yuda lan coo a cɔwvo, Lakis a Aseka pɛɛn. Lan koni láà va vɔ tiŋ simullo ni.

Yeremi 34:7 Referans Kwoze

Yosue 10:3

O kon, mí Adoni-Sedɛk va masaa Yerusalɛm-ndo viam kiilaa o Hoham masaa Hebrɔn ndo, o Piream masaa Yarmut lo, o Yafia masaa Lakis lo a o Debir masaa Ɛklɔn ndo le nda dimullo aa:

Yeremi 4:5

‹La yonda sɔɛi he Yuda, mì la yonda vɛlɛ ndi Yerusalɛm. La hɔŋ buloo o lɛŋnden nin, la deŋi ndi coocoo kpélén. La dimi mì vannda cuungian o kobila nɔ kpakilan ndan nin.›

Yosue 15:35

Yarmut, Adulam, Soko, Aseka,

Misee 1:13

Niaa vanaa co icali Lakis-a, la baa soa o ɲɛla ɲaanannda soa nan-ndan. La yɔŋnun vanaa lo o lediom coo le. Maa Israɛlla niaa bɛɛ kela ni, mì Yerusalɛmnda nda pɛɛkuu dɛnnda vɔɔnndan niaa kɔɔli.

Yeremi 34:1

Nebukanɛsar va masaa Babilɔn, mó can nda vanaa ndɔa cɔwva kpow, vanaa cɔvaa masɛi a vanaa-mangalaa-isɔɔa va ndu o ba bɛngu-a kpow, má hun del Yerusalɛm a kobila co o tàndá Yuda-o nin-ndan coo a cɔwvo. O telen kon, mí Mɛlɛka soaa o Yeremi lo, mó dimul ndu aa:

Yeremi 11:12

O kon Yudaa a Yerusalɛmnda mulinnin o halaa ndaa nda solul sálàlan-nda lo, kɛ a baŋanin nda a dɛnnda ndala palaalan te few.

Yeremi 8:14

«Le yɛɛ naa n co yɛ lou icali? N cuungian nɛɛ pilɛ, mì n kɔɛnnun o kobila kpakilan nin, mì n kɔ vunnun ndon! Kani le vuo Mɛlɛka Hala naa kɛsi naa ni, o co naa mɛmma bɔ̀tàán koesi, le tùú naa n cua hakio a ndu Mɛlɛka-o.

2Dɛnnda lemasalan 27:4

Mó tangul vɛlɛ kobilan o tàndá n'pemboo Yuda nin, mó tangul cɛila mayoomulan a cɛila coocoolan o bundɛlan nin.

2Masaa 19:8

Mí bolle vanaa yɔngù masaa Asiri mɔiyan-nda tuɛi maa vana ndɔ bɛndoo, masaa Asiri cɛn Lakis mó kɔ del kobio Libna coo a cɔwvo. Mó muungu, mó kɔ komal ndu lon.

Yosue 15:39

Lakis, Bɔskat, Ɛklɔn,

Yosue 12:11

masaa Yarmut, masaa Lakis,

Tɔŋ miingua 28:52

A tiilanin kobila niaalan, mà lo lon háá ma koombiaa kpakila bɛndula niaa va tiindanndo lan o lɛŋnde niaalen kpow nin. Lende nda tiilanin kobilan kpow o lɛŋnde Mɛlɛka Hala niaa yɔngu niaa len nin ni.

Yosue 10:5

O kon mí masaa ŋuɛɛnua Amoriaa kan, hoo Yerusalɛm, hoo Hebrɔn, hoo Yarmut, hoo Lakis a hoo Ɛklɔn a cuungian nɛɛ pilɛ, má kɔa a vanaa ndaa cɔwva kpow, má kɔ kila dɔ́ɔ́ngɔ́ nda cɔwvo Kabaɔn ciee-lekɔɔ, má tiila kobio, má del ndu coo a cɔwvo.

2Masaa 14:19

Mí vannda yii ndu dúmbú Yerusalɛm, mó ɲaanun, mó kɔannun Lakis. Kɛ má kuel ndu lon, má kɔ dii ndu.

Esai 36:2

Masaa Asiri lo Lakis mó viam bolle vanaa yɔngù ndu masaa mɔiyan-nda Yerusalɛm o masaa Esekia lo a vanaa cɔwva taw-taw. Mí bolle vanaa yɔngù ndu masaa mɔiyan-nda kɔ sim o tɛyii dala co a maluaŋ-ndo, o nɛi kɔɛ o ciɛi vana siɛɛndua lavolɔɔ-e-o coo.