Yeremi 34:5 - BII BILA

⁵ A vunin o kɔlɲuloo nin, mì biisi nɔmndo tosan mɛɛ nda tosa la fuɲaa nɔmaa mamaa kei sindɛ o masalen nɔm laci lan-nda yɛ. A loamnin ansan, mà soli nɔm condun biision coo aa: «Kpòkóó dɛnɛ pala naa fɔ́! Masa naa vinnun!» Sɔɛi fula Mɛlɛka o sondo-e co ken ni.

Yeremi 34:5 Referans Kwoze

Yeremi 22:18

Sɔɛi Mɛlɛka dimi a Yehoyakim po Yosia va masaa Yuda-o o kɔɔ-e co hee ni aa: «Lɔ́ɔ́ o vunin-ndo, vana ceŋnin caŋ biisi le. Vana diminin aa: ‹Taanin puapilɛ nuu te kon te, taanin yeman-ndo› le. Vana ceŋnin ndu coo aa: ‹Taanin vana ni bɛndoo te kon te, taanin masa nuu› le.

2Dɛnnda lemasalan 16:14

Má kumbu ndu o sɛi ndóò tuwnun o Kobi David-o nin-ndo nin. Má yambu ndu o fonda vanaa toosiaa ansan-nda ndáà kɛsi lasikɔlɔ súú-súù ka-o coo. Má loam ansan taw-taw le ndu bɛɛle keo.

Daniɛl 2:46

Mí masaa Nebukanɛsar del o kuumbuan o kɔl coo Daniɛl o labɛngunin. Mó dimi aa a solul Daniɛl sálàá, mà lum ndu ansan.

Esekiɛl 17:16

Le yoomu nuu, ya Maalii Hala co tioŋnɔnndo nuaa ni, o lɛŋnde masa bɛndoo siinguu ndu masaa coo len nin o vunin ni, o kobi masaa pɛɛsa o mɛnan ndɔɔ nin-ndo, masa o tɛɛmbuu kpema ndɔɔ-o, ndu ikɛi o vunin Babilɔn ndon ni.

Cɛɛŋɔnnda Yeremi lan 4:20

Vana yoomu naa co o ba-o, ndu del o soon yaamɔaa ndɔa nin. Vana Mɛlɛka hɛli kon-ndo pɛɛn, ò naa n co dimio-o aa: ‹N calnin mì n va yoomu vanaa-mangalaa-isɔɔa tɛɛn o vundule ndɔlen bɛngu›.

2Dɛnnda lemasalan 34:28

Le hee, Mɛlɛka o co ndu yɔɔ fuɲaa ndɔa coo ciee-piɔ́m, mò sɔla kumbɔɔ o kɔlɲuloo nin. O cinin dɛnɛ palaa Mɛlɛka tuisinin o fondaa ho coo a vanaa co lenin-nda coo-o a lehɔl te.›» O kon mí vanaa masaa vem kan-nda muungu, má kɔ tɛɛngul ndu diom kon.

2Masaa 22:20

Lelan ya co cɛlɔɔ ni ma dem fuɲaa nɔmaa mamaa a kɔlɲuloo, mà kumbu nɔm o sɛi nɔmndo nin. O kon, hɔlta nɔmndan la ci lɛnin dɛnɛ palaa ya tuisinin kobi kalaa coo-o le.›» Mí kiilaa nda vem-nda kɔ downun masaa kona a sɔɔn mun o kɔɔ.

Yeremi 34:4

Kɛ nduyɛ nɔm Sedekia masaa Yuda, taa yaŋnun pɛ sɔɛi ya co nɔm dimul-le, mɛɛ a vinin o mɔɛi cɔw bɛngu le, ya Mɛlɛka dimi lende ni.

1Samiɛl 31:12

mí vanpiaandua vesa hɔltan-nda bii nɛiyo, má lɔl kɔlan pii, háá má tiiya Bɛt-Sean. Má kɔ tiimbuu Saul a poaa ndɔa a vílɛ́iya o kpaki kobio, má muungu a nda Yabɛs, má kɔ loam nda.