Yeremi 34:21 - BII BILA

²¹ I malnin Sedekia masaa Yuda, a simlacia ndɔa yaamɔaa ndaa o ba, vanaa yeema le nda diyɔɔ-a pɛɛn, vanaa cɔvaa masaa Babilɔn. Hali a kɔ niaa bɛɛ levil polon,

Yeremi 34:21 Referans Kwoze

Yeremi 39:6

Mí masaa Babilɔn diw poaa Sedekia-a fuɲa nda o hɔl Ribla, mó diw vɛlɛ simlacia Yuda kpow.

Esekiɛl 17:16

Le yoomu nuu, ya Maalii Hala co tioŋnɔnndo nuaa ni, o lɛŋnde masa bɛndoo siinguu ndu masaa coo len nin o vunin ni, o kobi masaa pɛɛsa o mɛnan ndɔɔ nin-ndo, masa o tɛɛmbuu kpema ndɔɔ-o, ndu ikɛi o vunin Babilɔn ndon ni.

Yeremi 52:10

Ribla lon koni o dii poaa Sedekia-a fuɲa nda o hɔl ni, a simlacia Yudaa kpow.

Cɛɛŋɔnnda Yeremi lan 4:20

Vana yoomu naa co o ba-o, ndu del o soon yaamɔaa ndɔa nin. Vana Mɛlɛka hɛli kon-ndo pɛɛn, ò naa n co dimio-o aa: ‹N calnin mì n va yoomu vanaa-mangalaa-isɔɔa tɛɛn o vundule ndɔlen bɛngu›.

Yeremi 32:4

Sedekia masaa Yuda helunnin Babilɔnnda le. Kɛ o sɔlanin malɔɔ masaa Babilɔn o ba. O canin Nebukanɛsar hɔllaa-hɔlla, mì ndu pila soo o ndu lo vakpa.

2Masaa 25:6

Mí Babilɔnnda bii masa kalaa, má kɔa a ndu o masaa Babilɔn-ndo, nɛɛ o va Ribla-a. Lon Babilɔnnda kelu yamɛi ndɔɛi ni.

Yeremi 22:25

I mal nɔm yaamɔaa nɔmnda o ba, vanaa n nɔ siòòŋii ndɛi-ya, Nebukanɛsar masaa Babilɔn a vanaa ndɔa cɔwva pɛɛn.

Yeremi 32:3

Sedekia masaa Yuda ndóò mal ndu o kaasoo ni, kani mó cɛɛŋun a vana-tɛɛngaa-diom Hala-o o kɔɔ aa o dimi o diola Mɛlɛka lan maa o co kobio ho malɔɔ masaa Babilɔn o ba, mò bii ndu.

Yeremi 44:30

Ɲɛ Mɛlɛka dimio co ho ni aa: «I co Hɔfra, masaa Esipte, malɔɔ yaamɔaa ndɔa yeema le ndu diyɔɔ-a o ba, mɛɛ ya mal Sedesia, masaa Yuda, Nebukanɛsar masaa Babilɔn o yɛ, yaamɔɔ ndɔ óò yeema kon le ndu diyɔɔ-o pɛɛn.» Sɔɛi fula ya Mɛlɛka o sondo-e co ken ni.

Yeremi 52:8

Kɛ mí vanaa cɔvaa Babilɔnnda yim masaa Sedekia kiltan kɔɔli, má kɔ bendal ndu o dɛngbɔɔ Yeriko nin, mí vanaa ndɔa cɔwva kpow ɲaanun, má mɛi ndu.

Esekiɛl 17:12

ɲuna vanaa nila kalua ha aa: «Vɛ̀ɛ̀ la sina kɔlɔ dɛnɔɔ ho le? Dimul nda aa la tofa vɔ, masaa Babilɔn cɛn mó kɔa Yerusalɛm, mó kɔ bii masaa Yerusalɛm a simlacia va lon-nda, mó kɔa a nda Babilɔn.

Esekiɛl 17:20

I toandunin yala nuu ndu coo, mò haw o yaŋɔɔle nilen. I kɔanin a ndu Babilɔn, lon ya kialunin yamɛi ndɔɛi le kɛɛ o kɛɛ lo o lediom coo a ya-o ni.