Yeremi 34:16 - BII BILA

¹⁶ Kɛ la cii vɛlɛ yiyan niaa kon mangala, mí la tɛɛmbuu diola nilan le ken: vana-vana cii cɛa ndɔa piaandua a à laandua ndóò mal-la mingin o ba, mí la muungu vɛlɛ nda saangiaa o baalala lecɛlan nin.

Yeremi 34:16 Referans Kwoze

Tɔŋ lasálàá 19:12

La pial diola nilan mì la mɛnan o còòlan coo le, kani vana tosa pɛ kon, mɛɛ o nɔɔliaa diola Hala ndɔɔ. Nduyɛ, ya co Mɛlɛka ni, Hala niaa pɛɛn.

Esekiɛl 18:24

Te vana sandaa mulul pɛ dɛnɛ sandaa kɔɔ mò tosa dɛnɛ sendu loo, mò tuula vana kɔlvesɛiyo, mò tosa dɛnnda nɔɔlɛila vana kɔlvesɛiyo tosa lan kpow, vana vaa lende lonin pá yoomu? Dɛnnda ndɔla sandaalan faw la cɔmnun ndɛnin ndu coo le. Le kɛɛ o kɛɛ le lou o lediom coo-o a le haki o tosa-o. O sɔlanin piɔ́mndo le dɛnnda lan.

Esekiɛl 3:20

Te vana sandaa faŋan pɛ o dɛnɛ sandaa coo, mò luɛi o laasianndo nin, i kɛsinin yaŋɔɔlen ndu laci, o hawnin ndon mò vi, le tùú n kɛɛ le ndu sɔɛi ken tɛɛngullo a le ndu kanalanndo-o. Vana loonun ndɛnin a dɛnnda sandaala o tosa lan te. Lelan, nɔm ya heelunin sɔɛi piɔ́m ndɔɔ o lebol ni.

Yeremi 34:11

Kɛ o kon kɔɔli, má mangala yiyan kon, má mingin vanpiaandua a vanlaandua ndáà mal nin-nda o ba, má mingi nda baŋɔɔ le baalala lecɛlan tosaa.

Fulaa 20:7

La pial diola Mɛlɛka Hala niaa o fondo fúúo coo le, kani vana pɛl pɛ diola ndɔlan o fondo fúúo coo, Mɛlɛka tuisi vana kon dɛnɛ palaa coo.

1Samiɛl 15:11

«Mɔnɛi bii ya le hɛli ya hɛli Saul mí siinguu ndu masaa-o. Kani o mulul-la kɔɔ, o tosa sɔɔn ya dimul ndu le tosaa-on te.» Mí sɔɛi ken hiilu Samiɛl kɔllo taw, mó lɔl ɲinkon Mɛlɛka koŋullo o lani pii.

Malasi 1:12

Kɛ niaa co diola nilan solio o báà nin ni, mì la va dimio aa tabali Maalii-o co o nɔɔlɛiyo, o co naa kpeku solul te.

Malasi 1:7

La co hunɔɔ a ɲɛm dian nɔɔlɛiyon o fonda ni loamaa lasálàá coo, mì la va ɲunaa aa: ‹Vɛɛ nɛ naa n co yɛ nɔm kɔllo tɛɛmbuuo?› La co dimio aa: ‹Tabali Mɛlɛka-o co ɲɛ sɔvɛ le.›

Esekiɛl 39:7

I cɔmnin diola nila diandaalan vanaa nia tɛɛn, Israɛlla pɛɛn. Nduyɛ i cɛl-lɛnin mì diola nila diandaalan la nɔɔlian te. O kon, vanaa-mangalaa-isɔɔa sinanin maa ya co Mɛlɛka ni, O-Diandaa co Israɛl-lo pɛɛn.

Esekiɛl 20:39

Lelan sunsun, niaa cuavaa Israɛlla, la tuei-yɔ diom Maalii dimi-o, Mɛlɛka pɛɛn: «La kɔ, vana-vana kɔ sooluu piɔm sialaa ndɔɔ! Kɛ o kon kɔɔli, i canin, te la yeŋnin nilan o diom nuu le. Nduyɛ, la del-lɛnin kasi a diola nila diandaalan le ɲɛm kean niaan a le piɔmaa niaa le.

Esekiɛl 13:22

Kani la co vana sandaa yoomuan solio a còòlan, nduyɛ, ya pila, i tɛɛmbuu nda kɔl te. La co vana kɔlvesɛiyo yoomuan lueiyo yɔŋii o mal kɔlvesɛi kon, mò ciindiaa yoomu ndɔɔ.