Yeremi 34:11 - BII BILA

¹¹ Kɛ o kon kɔɔli, má mangala yiyan kon, má mingin vanpiaandua a vanlaandua ndáà mal nin-nda o ba, má mingi nda baŋɔɔ le baalala lecɛlan tosaa.

Yeremi 34:11 Referans Kwoze

Vana Kɔlkaloo 8:11

A ve vanaa yɔŋ vɔɔnda keleŋa sanga tuisi coo le, lelan tuula vɔɔnndan la va nda piɔw o kɔltan nin ni.

Talelan 26:11

Mɛɛ tunndo kuisi mò muungu mò de ɲɛ o kuisi-o yɛ, lende diɔm sondo vesɛiyo muungu diɔmii ndɔɛi tosaa ni.

Sofoni 1:6

I tɛɛmbuunin vanaa co faŋanndo ya Mɛlɛka ibuŋ, a co buulan te-a, vanaa co ya sɔɔnguu ikɛi le ya sila ɲuna le-a pɛɛn.

Osee 7:16

O va bɛɛ mà va muungu vana o ibuŋ, mɛɛ le vana celen, kɛ o co ya Mɛlɛka o ibuŋ te. Maa kpaasiaa tennda loo nda co ni. Simlacia ndaa delinin mà vi o mɔɛi cɔwve bɛngu le diɛɛmule ndale yeovaalen. Kon tosanin ni mì vannda mam nda o lɛŋnde Esipte len nin!»

Osee 6:4

Kɛ mí Mɛlɛka mulul niaa aa: «Yɛɛ ya tosa yɛnin le niaa, niaa polale Efraim-nden? Niaa polale Yuda len yɛ, yɛɛ ya tosa yɛnin le niaa? Kaola niaa nɔ le ya-o, maa mɔ́m idii o co ni, maa makɛm o co ni, o nɛi puusian te.

Yeremi 37:5

Telen vanaa cɔvaa masaa Esipte-a mal Esipte ma va hunɔɔ-o, Babilɔn-nda va Yerusalɛm tiilaa ni. Kɛ ndáà tueyɔɔ lende, má mal, má muungu a makɔɔ ɲɛ-pɔmbɔ.

Yeremi 34:21

I malnin Sedekia masaa Yuda, a simlacia ndɔa yaamɔaa ndaa o ba, vanaa yeema le nda diyɔɔ-a pɛɛn, vanaa cɔvaa masaa Babilɔn. Hali a kɔ niaa bɛɛ levil polon,

Condii lisai 125:5

Kɛ, o bɛnda mí nɔm óò faŋa vanaa co kelaa o nɛila tunduanndan coo-a a vanaa co dɛnnda vɔɔnndan tosaa-a kpow. Màá Israɛlla sɔla kɔlɲuloo!

Condii lisai 36:3

Kuundianndo hiow ndu bɔɔ ba! O sinà tɛɛmbuu ndɔɔ le, o mel ndu le.

1Samiɛl 26:21

O kon kɔɔli, mí Saul dimi aa: «Àá David po ni! I cua hakio. Muungu nanu. I tosal-lɛnin nɔm dɛnɛ vɔɔn te few. Kani yoomu nuu siŋnun hau ɲɛ sɔvɛɔ nɔm o hɔl. I tosa bɔɔ dɛnndan maa diɔm, i tosa bɔɔ dɛnɛ vɔɔn bɛndu!»

1Samiɛl 24:19

A soli hau vanakɛndɛyɛi n co ya tosallo-e ceen vakpa, kani Mɛlɛka ndóò cii nin ya malɔɔ nɔm o ba, kɛ a dii ya le.

Fulaa 9:28

La piɛi Mɛlɛka le ya yandi, haliko mi taŋndan a loeon pɛngi delio. I co niaa malɔɔ mì la kɔɛ, i bii lɛnin niaa n'pelu le.»

Fulaa 8:15

O kon, mí vanaa mangalaa kan dimul Faraɔnnɔɔ aa: «Kpaaya Hala-o kposon co mɔnɛ soli nuaa ni.» Kɛ a kon kpow, mí Faraɔnnɔ kon kindi nilan kpoke maa mɛɛ Mɛlɛka ndóò dimi yɛ, o bii sɔɛi Moise nda Aarɔn-nde le.

Fulaa 8:8

Mí Moise nda Aarɔn a fula o Faraɔnnɔɔ lo cɛinin, mí Moise kɔ tɛɛlun Mɛlɛka le ŋɔɔŋɔŋaa o cuiŋi kan ndu Faraɔnnɔɔ coo-a diwvo.

Yeremi 34:10

Mí simlacia a vanaa va o cɛlan kon coo-a kpow a yii lediom le cɛa ndaa: a laandua a à piaandua malɔɔ, ndáà bɛnda lɛ mi ndáà tundu nda baala lecɛ tosa le. Mí nda kpow cɛl, má mal nda.

Yeremi 34:12

Mí Mɛlɛka tiiyal Yeremi sɔɔn mun aa:

Yeremi 34:16

Kɛ la cii vɛlɛ yiyan niaa kon mangala, mí la tɛɛmbuu diola nilan le ken: vana-vana cii cɛa ndɔa piaandua a à laandua ndóò mal-la mingin o ba, mí la muungu vɛlɛ nda saangiaa o baalala lecɛlan nin.