Yeremi 34:10 - BII BILA

¹⁰ Mí simlacia a vanaa va o cɛlan kon coo-a kpow a yii lediom le cɛa ndaa: a laandua a à piaandua malɔɔ, ndáà bɛnda lɛ mi ndáà tundu nda baala lecɛ tosa le. Mí nda kpow cɛl, má mal nda.

Yeremi 34:10 Referans Kwoze

Yeremi 26:16

O kon mí simlacia a sɛ́lɔ́ɔ́ kpow a dimul vanaa-solia-lasálàá a vanaa-tɛɛngaa-diom Hala-a aa: «Langbanɔɔ ho bɛnda mò sɔla piɔ́m te, kani Mɛlɛka Hala naa lekɛ́ndɛi vem ndu le naa sɔɔn mun dimullo ni.»

Yeremi 26:10

Simlacia tueyɔɔ sɔɛi ken, má mal o cɛi lemasaa, má hel o Cɛi-Hala-o, má kɔ cal o dio sɛnɛi Cɛi-Hala-o.

Marke 6:20

kani Herɔde va Nsaŋ vou, bau o va sinaa maa vana sandaa a vana diandaa Nsaŋ va ni, o va ndu vɛlɛ kandaa. Telen oo telen ndóò yaŋ pɛ Nsaŋ nilan, kɔllo ndóò laasian ndu. Kɛ nduyɛ, ɲɔɔ pila ndóò hɛnan ndu le ndu yaŋnɔnndo ni.

Yeremi 38:4

O kon mí simlacia dimul masaa aa: «Langbanɔɔ ho bɛnda mò sɔla piɔ́mndo! Kani sɔɔn o co dimio-on co vanaa cɔwva a vanaa lo o kobio nin-nda yoomuan solio. O yeema dɛnɛ kɛndɛ vannda ha le, fɔ dɛnɛ nda vɔɔndo daama.»

Yeremi 36:12

mó toal o cɛi lemasaa nin, mó kɔa o cɛi vana sɛvaa nin di. Simlacia kpede a va o bɔŋanndo coo lon, Elisama vana sɛvaa va lon, Delaya po Semaya-o, Ɛlnatan po Akbɔr-o, Kemaria po Safan-ndo, Sedekia po Hanania-o a simlacia tɔ̀a kpow.

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

Yeremi 34:11

Kɛ o kon kɔɔli, má mangala yiyan kon, má mingin vanpiaandua a vanlaandua ndáà mal nin-nda o ba, má mingi nda baŋɔɔ le baalala lecɛlan tosaa.

Yeremi 34:19

I malnin vannda ha yaamɔaa ndaa o ba: simlacia Yuda a haa Yerusalɛm, vanaa bɛndua, vanaa-solia-lasálàá, pilacieea lelɛŋaa kei o bungan miuŋun naw sálà kon tɛɛn-nda kpow a vanaa co o lɛŋnden nin má kei o bungan visin naw téndé kon tɛɛn-nda kpow.

Fulaa 21:2

Te la pendu pɛ cɛɔ, mì cɛ kon va Hebreenɔɔ, o bɛnda mò tosal vana pendu ndu-o baalaa o vɔsilan laŋɔmpum bɛngu. Kɛ o vɔsi ŋɔmmɛwndɔɔ, o sɔla hɔ́ɔ́yɛi ndɔɛi, o kɔɛnnun. O bɛnda mò sala ɲɛ-ɲɛ le baŋan ndɔ kon te.

Tɔŋ lasálàá 25:10

Nuaa niaa bɛnda ni mi la tosa, le cɔmndo maa vɔsi diandaa vɔsi beleŋuɛɛnundɔɔ co ya Mɛlɛka o hɔl ni. Le hee, la bɛnda mì la yonda mì vanaa co icali o lɛŋnden nin-nda kpow a sɔla hɔ́ɔ́yɛi ndɛi. Vɔsi kɔlkɛndɛ bɛndoo vɔsi kon co le niaa ni. Vanaa yondola ndalan la hɛlun-nda bɛnda mà sɔla lan, mì cɛa muungu o yungula ndalan nin.