Yeremi 33:9 - BII BILA

⁹ O kon ɲɔɔ hɛnannin ya le diola Yerusalɛm-ndan veeloo, biiloo a bɛɛlen le vanin le ya vanaa-mangalaa-isɔaa co o lɛŋnden coo kpow-va tɛɛn. Telen nda tuɛinin dɛnɛ kɛndɛ ya tosalnin nda-o-o, siòònde a misimisio biinin nda le naŋɔɔ a le dɛnɛ kɛndɛ ya tosalnin nda kon kpow-vo.»

Yeremi 33:9 Referans Kwoze

Esai 60:5

A canin ɲɛ ma naŋ kɔl taw, kɔl nɔmndo ɲiiyanin mì ɲɔɔ hɛnan nɔm taw-taw. Kani bolofaa mɛmma ihɛllo hunnin sumialii nɔm, ɲɛ-sɔlaa vanaa-mangalaa-isɔɔa hunnin nɔm o ba,

Yeremi 13:11

Mí Mɛlɛka dimi aa: Kani mɛɛ vana yiinun yáwlen o can yɛ, lende yáà yiinun masalen Israɛl a len Yuda ni, haliko mi yáà ke nda tɔ́ɔ́ nuu, mì ndáà va vanaa nia, biilu nuu a naŋɔɔ nuu. Kɛ a yeŋ ya lani le few.»

Esai 62:7

La mal ndu (Mɛlɛka) mòo pɛngi le, háá fɔ mò mingi Yerusalɛm toosiaa, mò siinguu ndu ɲɛ vana lisa-o o lɛŋnden coo.

Nehemi 6:16

Lɔ́ɔ́ yaamɔaa naa kpow a tuei ken-ndo, mí siòònde bii vanaa-mangalaa-isɔaa balu naa-a, mí siɛmbulan la bii nda taw, má sina maa o hɛnan Hala naa bɛngu baalaa kalaa tosan ni.

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Yeremi 31:4

I minginin nɔm tangul, nɔm cuanndo Israɛl, a muungunin ma cua dundula nɔmndan, mì la sim niaa vanaa kponyoa latulu.

Yeremi 26:6

Te la tui le, i tɛɛmbuunin Cɛi-Hala-o ho mɛɛ ya tɛɛmbuu hoo Silo yɛ. Mì siinguu Yerusalɛm tɔɔmasele mɛnaa vanaa-mangalaa-isɔɔa kpow tɛɛn.›»

Esai 62:12

A veelunin nda aa vanaa diandaa, vanaa Mɛlɛka baŋa-a, nɔm (Yerusalɛm) yɛ, a veelunin nɔm aa: ‹Kobi nda co nuwviaa-o. Kobi co o malnan too›».

Condii lisai 40:3

O soli ya o soon nɔ lamɛɛlu loo nin, mó soli ya o looli pɔ́lɔ́nndo nin. O heelu ya o pow kpovaa coo, mó simi pelun nun yili.

Sakari 12:2

«I co Yerusalɛm siinguu maa taala kólaa pɛ a mɔima kɔl ni fulaa-o, le vanaa-mangalaa-isɔaa balu ndu-a kpow. Lende koni ɲɔɔ vanin le tàndá Yuda-o lɔ́ɔ́ vannda tiilanin Yerusalɛm-ndo ni.

Yeremi 44:8

Vɛ̀ɛ̀ le ya kɔllo tɛɛmbuuo a dɛnnda niaalan, niaa co halaa celennda sálàlan solullo o lɛŋnde Esipte le niaa hin nden caltan nin-nden ni? Vɛ̀ɛ̀ la yeema mi la cuu o lepilɔɔ, mì la siŋnun tɔɔmasele dɔavaa dangaa a siɛmbula bɛndulan vanaa-mangalaa-isɔaa co o ceendo coo-a tɛɛn?

Yeremi 29:1

Yeremi lo Yerusalɛm, mó sɛval van bɛndua lo o vanaa ndáà kɔɛ o biyɔɔ nin-nda tɛɛn-nda sɛbɔɔ: vanaa-solia-lasálàá, vanaa-tɛɛngaa-diom Hala-a a vanaa tɔ̀a Nebukanɛsar ndóò bii Yerusalɛm, mó kɔa a nda o biyɔɔ nin Babilɔn-nda.

Yeremi 3:17

O telen kon, vannda vanin Yerusalɛm veeloo aa: ‹Kpɛŋɛ lemasa Mɛlɛka-o›. Vanaa-mangalaa-isɔɔa kpow cuungiannin ndon o diola ya Mɛlɛka lan. O kon a tosa lɛnin yiyannda vɔɔn kɔlta ndalan te.

Ɛstɛr 8:17

O kobila leboltan kpow nin a o kobi oo kobi nin, nɛɛ-nɛɛ sɔɛi masaa ndóò dimi ken o sɛbɛlan coo-e tiiya, mí i siŋnun dɛnɛ kɔlkɛndɛ bɛndoo, ɲaaloo, kafo diaa a kponyoo le Yuifia. Mí vanaa bɔɔ-bɔɔ a siinguun nda pila Yuifia o lɛŋnde len nin, kani siòònde va nda taw a Yuifia.

2Dɛnnda lemasalan 20:29

O masɛi va o lɛŋii celennde nin-nde nin, mɛɛ vannda tuei maa Mɛlɛka cɔlɔba yaamɔaa Israɛlla, mí siòònde bii nda.

Condii lisai 130:4

Kɛɛ nɔm, a tiwba mà mal vana haki, lelan, mɛɛ mì vana ke nɔm bɛɛlen.

Esai 55:13

Yɔmii Siprɛsiei vulnin o fonda yɔmii n'yɔɛi va-o, yɔmii Mirte vulnin o fonda yɔɔn va-o, tɔ́ɔ́ bɛndoo vanin kon le Mɛlɛka ni, tɔɔmasele fɛɛn-fɛɛndo vanin kon ni, o feŋannin le fɛɛn a fɛɛn too.»

Esai 62:4

Vana ke lɛnin nɔm ladio aa: «Vana malnanndo» le. Vana veelu lɛnin lɛŋnde nɔmnden aa: «Lɛŋnde siɔŋɛilen» te. Kɛ a veelunin nɔm aa: «Kɔl Mɛlɛka-o», a veelunin lɛŋnde nɔmnden aa: «Vana co o nɔu-vo», kani Mɛlɛka naŋnin kɔl a nɔm, lɛŋnde nɔmnden le calnin o nɔu.

Esai 64:2

Tuma n tosa dɛnnda vueinannda naa n ve kɔl te lan-ndo, má toal, mí pembon hiilun nɔm laci.

Yeremi 3:19

«Mí ya pila va dimio maa i yeema mi siinguu niaa po tasoo cuavaa niaa coo, mì ke niaa lɛŋnde kɛndɛ-kɛndɛlen, lɛŋnde hiow naŋɔɔ o lɛŋii tɔ̀ɛi tɛɛn-nden. I va yiyanndo maa la veelunin ya aa: ‹Fuɲa naa›, maa la mulul-lɛnin ya kɔɔ le few.

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Yeremi 24:6

I canin nda mì tuinun nda iɲíí, mì mingi nda o lɛŋnden nden nin. I siminin nda yili, i tɛɛmbuu lɛnin nda le. I tɔalnin nda, i sungu lɛnin nda le.

Yeremi 32:42

Kani Mɛlɛka dimi maa: mɛɛ yáà tuisi vannda ha dɛnɛ palaa bɛndoo hoo kpow coo yɛ, lende ya tuisinin nda vɛlɛ dɛnɛ kɛndɛ ya yiilu nda kpemaa-o coo ni.

Yeremi 33:14

Mí Mɛlɛka dimi aa: «Paale vanin mì peelu sɔɔn dɛnɛ kɛndɛn ya dimi le cɛi Israɛlla a cɛi Yudaa-on.

Yeremi 49:25

La ce dɛnɛ nɛ! Vannda piow kobio ho, kobi ndóò nɔ hoo tɔ́ɔ́ bɛndoo-o, kobi yáà dɔawnun hoo ɲaale-o!

Esekiɛl 26:20

i tuisinin nɔm niaa vanaa co tolɔɔ o soon yingilaa nin-nda latulu, mì la kɔɛ vanaa hiow sindɛ-a ikɛi. I yaanin nɔm mà kɔ cal o lɛŋnden bɛngu di-di niaa vanaa co tolɔɔ o soon yingilaa nin-nda latulu, maa ɲɛm tambu sindɛ-on, yɔŋii vannda cal vɛlɛ nɔm nin. Nduyɛ, i mandanin biiloo le lɛŋnde vanaa kiyɛiya co nin-nden.

Esekiɛl 39:13

Vanaa co icali (Israɛl) lon-nda kpow a sɔɔnguunin le nda kumbɔɔ. Nduyɛ tɔ́ɔ́ bɛndoo kelanin paale ya cɔmnin biilu nuu ceen-nden. Ya Maalii, ya co Mɛlɛka-o soo nuaa ni.

Tɔŋ miingua 30:5

O minginin niaa o lɛŋnde fuɲaa niaa mamaa ndáà nɔ len nin, mì la hɛlu len vɛlɛ. O tosalnin niaa dɛnɛ kɛndɔɔ, mò vangala niaa hiovɔɔ fuɲaa niaa mamaa coo.

Esai 43:21

O kon, vanaa ya cownun-nda keeliaanin tɔ́ɔ́ nuu a ya lisaa.»

Esai 62:1

Le kaola ya kaola Siɔn-ndo, i meinin te! Le Yerusalɛm, i pɛnginin sondo le, háá mì cinda ndɔɔ tenga maa ɲɛ-tengaa paale siaa, mì baŋan ndɔɔ cɔmnun maa tɛngɛ mendulaa.

Yeremi 31:14

I piminin vanaa-solia-lasálàá visin macuɛiyon, mì vanaa nia pim ɲɛm nin kɛndɔn.›» Sɔɛi fula Mɛlɛka o sondo-e co ken ni.

Esekiɛl 36:35

O kon, vannda diminin aa: Lɛŋnde tambɛilen-nden le siŋnun lekɛndɛ-kɛndɛ maa nakɔɔ Edɛn. Kobila ndɔla va lapiɔlɛilan, latambɛilan a lasiɔŋɛilan-ndan la muungu tangulɔn, vanndacieea co nin icali lenin.

Sakari 1:17

Yonda vɛlɛ mà dimi maa nuaa Mɛlɛka-Nɔ-Kpaayaa-Kpow-vo soo ni aa: ‹Kobila nilan la pianin vɛlɛ ca a ɲɛm kɛndɔn, i ɲɔɔlunin Siɔn, mì hɛli vɛlɛ Yerusalɛm.›»