Yeremi 33:8 - BII BILA

⁸ I dindinin nda le hakila ndáà cua a ya lan kpow. Mì mal nda haki le nila kalula nda tosa, má cua hakio a ya lan.

Yeremi 33:8 Referans Kwoze

Sakari 13:1

«Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Condii lisai 51:2

Telen David suunda a Bat-Seba mí Natan vana-tɛɛngaa-diom Hala-o komal ndu-o, ndu David soli condei he ni:

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Esekiɛl 36:33

Nuaa Maalii Hala dimi ni aa: «Paale ya dindinin niaa a dɛnnda niaala nɔɔlɛilan kpow len, i minginin kobilan pei (a vanndacieea), mà mingi tangullo o bémbéla piɔlɛila paandulan coo.

Yeremi 31:34

Vana-vana pɛɛku lɛnin caanda le. Vana dimul-lɛnin puapilɛ ndɔɔ aa: ‹La sina Mɛlɛka› le. Kani nda kpede a sinanin ya, kandɔɔ a cuaambɔɔ kɔ tiiya a kaasonɔɔ dí. Sɔɛi fula Mɛlɛka o sondo-e co ken ni. Kani i malnin nda haki le sɔvun ndan, i loonun ndɛnin a hakila ndalan te.

Yeremi 50:20

Ya Mɛlɛka co sɔɛi he dimio ni aa: ‹Telen kon, a nuwviaanin tɛɛmbuula Israɛlla, kɛ la venin te. A nuwviaanin hakila Yuda lan, kɛ a seelunnin ndan te. Kani i malnin vanaa lonin yoomu-a haki.›

Esai 44:22

I vɔɔsuu hakila niaalan maa mɔ́m. I ɲumi yɔŋnda vɔɔnnda niaalan maa yumbuyumbu. Lelan la muungu ya o ibuŋ, kani ya baŋa niaa ni.

Condii lisai 65:3

kani a cii piɛile naalen muli. Vannda kpow a co hunɔ̀ɔ́ o nɔm ndo.

Esai 56:7

I kɔanin a nda o pembii nii diandɛi coo, I nɛŋinin nda kɔltan o cɛi ni lepiɛiyo nin, mì cɛl sálàla loamaala ndala nda solinin o fonda ni solia lasálàá coo lan. Kani Cɛi nuu veelunnin aa Cɛi lepiɛiyo le vannda súúlan kpow.

Esai 4:2

O telen kon nin, yɛyii Mɛlɛka-e naŋnin mì i sɔla biiloo, kɔmnde lɛŋnden nden le vanin volio a naŋɔɔ, hee co va dɛnɛ kɛndɔɔ ni le Israɛlla hialunnin ma lo yoomu-a.

Tɔŋ lasálàá 16:30

Kani paale len nda co niaa faleŋii baŋannde le hakio sɔlaa malɔɔ a faleŋii dindiannde tosa coo Mɛlɛka o hɔl ni. O kon, la sɔla hakio malɔɔ a dindio le yɔŋnda niaala vɔɔnndan kpow.

Condii lisai 130:4

Kɛɛ nɔm, a tiwba mà mal vana haki, lelan, mɛɛ mì vana ke nɔm bɛɛlen.

Cɛɛŋɔnnda Yeremi lan 4:22

Niaa vannda Siɔn, bɛpɛla niaa cuu le hakila niaalan. A kue lɛnin a niaa o cɛle celen nin te. Kɛ nia Edɔmnda, Mɛlɛka co hunɔɔ niaa lɔɔ le hakila niaalan, mò soli dɛnnda niaala vɔɔnndan ceen vakpa.»

Condii lisai 130:8

O baŋanin Israɛlla le tɛɛmbuula ndalan kpow.