Yeremi 33:6 - BII BILA

⁶ Kɛ i dɔawnin nda danda mà muungu maa paandu. Mì singi cɛila ndalan, mà sɔla kɔlɲuloo, mà va nila ɲulu.

Yeremi 33:6 Referans Kwoze

Nsaŋ 10:10

Le ciimbuuo, diwvo a tɛɛmbuuo daama vuiyo ndu hun ni. Ya ya, i hin haliko mi saa sɔla yoomoo, mà sɔla ndu taw-taw.

Esai 30:26

Ɲɛ-tengaa ipaangoo vanin diondɔɔ maa ɲɛ-tengaa lepala. Kɛ ɲɛ-tengaa lepalaa ndu cɔɔlunin diondɔɔ bɛmbɛ leŋɔmmɛw hiovɔɔ o paandoo coo. O diandunin mɛɛ vana cuungiaa ɲɛ-tengaa lepala diandu palɛi ndii ŋɔmmɛw-vo nɛɛ pilɛ nuaa yɛ. Kon tosannin telen Mɛlɛka holnin paw vanaa ndɔa mò singi pavii o soli nda o n'dial a lɔɔ-e o.

Condii lisai 67:2

Màá Hala tosal naa kɛndɛi, mò dɔw naa duaa! Màá o teengiaa hɔlaa ndɔa naa coo!

Esai 58:8

O kon, ɲɛ-tengaa niaa kandunin fulaa maa ɲɛ-tengaa paale siaa, mì la sɔla siongɔɔ cɔ́-cɔ́. Dɛnɛ sandaa niaa kɔanin niaa laci, mì biilu Mɛlɛka-o va kɔlan niaa kɔɔli.

Osee 6:1

«La hun mì n muungun Mɛlɛka o ibuŋ! Kani ndu lɔɔ naa ni, kɛ o co naa cɛw. Ndu booluu naa ni, kɛ o co pavii nɛi holiholi.

Esai 66:12

Kani nuaa Mɛlɛka soo ni aa: «I yaanin kɔlɲuloo o ndu (Yerusalɛm) lo, mì kɔlɲulu kon va kɔlan ndon volo-volo maa pee bɛndu. I yaanin tɔnɔ vanaa-mangalaa-isɔɔa o ndu lo maa pee pɔmbɔ mɛmma hunaa. O kon, la sɔlanin vɔɛsio, la cuannunnin o balan coo mì la sɔla yiiliaa o vulan coo.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

Esai 54:13

Poaa nɔmnda kpow delnin ya Mɛlɛka kɔɔli, nduyɛ kɔlɲulu cuavaa nɔmnda vanin o bɔɔ!

Osee 7:1

«telen yáà yeema le Israɛlla singio-o, mí kɔlvesɛi cuavaa-imamaa Efraim-nda a dɛnɛ vɔɔn Samaria fula ceen kpendekele. Kani o còòlan nin nda co kelaa ni. Vuiya co luɛyɔɔ cɛilan nin, vanaa del vannda coo-a tiw o nɛilan kpow coo.

Yeremi 17:14

Mɛlɛka, singi ya mì sengu, ciindiaa ya mì cinda, kani biilu nɔmndo co ya o sondo lɔ́ɔ́-lɔ́ɔ̀.

Misee 4:3

Ndu vanin yamanɔɔ le vanaa súúla bɔɔ-bɔɔ ni, ndu vanin vana kialaa n'yamaa le vanaa-mangalaa-isɔɔa kpaayaa ni, hali a co nɛɛ levil lándan-nda. A cɔawnin dɛndɛlan a mɔɔn ndan cɔwvon, mà cɔw lɛɛnndan a bálta ndalan. Vanaa-mangalaa-isɔaa kɛ́-kɛ̀ a simulan ndɛnin a cɔw le. Vana pɛɛkuu lɛnin cɔw le.

Esai 55:7

Vana kɔlvesɛiyo faŋan o nɛi ndɔ kɔlvesɛiyo coo, mì vana vɔɔndo mal vanavɔɔnyɛi ndɔɛi, mò muungu Mɛlɛka o ibuŋ, haliko mi Mɛlɛka tuinun ndu iɲíí, mò muungu Hala naa o ibuŋ, o màl haki few-few-vo pɛɛn.

Esai 2:4

Ndu kialunin yamɛi vanaa-mangalaa-isɔɔa tɛɛn ni, ndu vanin vana dimi diom mɛɛlaa vanaa súúla celen tɛɛn-ndo ni. A cuanin mɔɔn ndan cɔwvon mà cɔw dɛndɛla vaalan a mun, a cɔawnin vɔlɔtɔlan a bálta ndalan. Kani vanaa-mangalaa-isɔɔ súú-súù a cue lɛnin mɔɛi cɔwve le kɔlan a celen delɔɔ coo a cɔwvo le, vana-vana pɛi lɛnin cɔwvo le.

Condii lisai 37:11

Kɛ vanaa tuisin tootoo-a sɔlanin lɛŋnden kɛ́ɔ, a vannunnin o kɔlɲulu bɛndoo nin.

Tɔŋ miingua 32:39

Lelan, la sina maa ya co Hala ni, maa hala celen co o ya kɔɔli le. Ya yɔngù piɔ́mndo ni, ya yɔngù yoomoo ni. Ya boli vana ni, ya koni singi vana ni. Vana-vana nɔla mò hɛlu ɲɛ-ɲɛ ya o ba le.

Efɛsea 6:23

Puapilɛa naa, màá Hala Fuɲaa nda Maalii Yeesu Krista a yɔngu niaa kɔlɲuloo, kaolaa a laalanndo!

Condii lisai 72:7

O palɛi ndɔɛi bɛngu, dɛnɛ sandaa puinin. Te paangei co vɔ pɛ, kɔlɲuloo kuinin.

Fulaa 34:6

Mó kei Moise o hɔl a dimio aa: «Mɛlɛka! Mɛlɛka! Hala nɔ ɲííye a kɛndɛi taw-vo! I yala kɔl tuulu le, i nɔ kɛndɛi taw, Hala lo o lediom coo-o ya co ni.

Esai 39:8

O kon mí Esekia mulul Esai aa: «Sɔɛi Mɛlɛka-e he, i fula hee nɔm o sondo-e, sɔɛi kɛndɛi i co ni!» Mó cɔɔlu vɛlɛ dimi aa: «Kani kɔlɲulu kpeekpeiyo va vɔnin naa coo le telen ya co vɔ hoo yoomu-o kpow.»

Yeremi 3:22

La muungu ya o ibuŋ, niaa cuavaa nila kalua ha, mì mal niaa haki le sɔɛi biyɛi lepɛŋii niɛi.› «Nuaa naa, n hin nɔm o ibuŋ, kani nɔm co Mɛlɛka Hala naa ni.

Condii lisai 147:3

O co vanaa ndáà tambu kɔltan nda dandaa dɔvɔɔ, mo va boolɔnnda ndalan cɛwcɛwvo.

Vana Kɔlkaloo 3:3

Telenndo co le diyɔɔ, telenndo co le singio, telenndo co le puusiaa, telenndo co le tangullo.

Esai 57:18

I ce nɛila nda co kelaa coo lan, kɛ i singinin nda, i simnin nda laci mì ɲɔɔlu nda mà ɲulul kɔltan, nda a vanaa nda co o dɛnɛ palaa pilɛ kon nin-nda.

Esai 57:19

I tuisinin condun lisan o cɔcɔn coo. Kɔlɲuloo co le vanaa co levil-la kɔlɲuloo co vɛlɛ le vanaa co macɛlu kpɛlun-nda! I singinin nda lekɛ́ndɛi. Ya Mɛlɛka dimi lende ni.

Yeremi 29:11

Sɔɛi fula Mɛlɛka o sondo-e co hee ni aa: «Ya i sina tuula ya nɔ le niaa lan, tuula dɛnɛ kɛndɛ lan, o co tuula dɛnɛ vɔɔn te. Kani i yeema siɔdii niaa kɛndɔɔ, mì la nɔ kɔlkɛsiaa.

Misee 7:20

O laan vɛlɛ, a co cuavaa Yakɔb-a cɔm maa Hala lo o diomnden coo-o n co ni, mà cɔm cuavaa Abraham-nda sakpoyɛi nɔmnde, mɛɛ n yiilu sindɛ fuɲaa naa mamaa kpemaa yɛ.»