Yeremi 33:4 - BII BILA

⁴ Kani diom Mɛlɛka, Hala Israɛlla dimi le cɛila kobio ho a cɛila masaa Yuda, la nda co hunɔɔ pesi mà koombiaa a mɔɛi cɔwve lan-ndo co hoo ni aa:

Yeremi 33:4 Referans Kwoze

Habakuk 1:10

Nda mam masaa ni, a luei simlacia yii le. Kpakio co ɲɛ-ɲɛ nda o hɔl te, a heelu pɛ puuloo bémbé bɛndoo, a cica lekɔɔli le kobila lan biyɔɔ.

Esekiɛl 4:2

O kon kɔɔli, a handu fondaa ndu o hɔl-ndɔ le ndu tiilaa. Mà tow soonndan, mà handu kpengbalan le helɔɔ o kpakio le ndu cɔlɔbaa, mà toosiaa piŋndan ndu balɔɔ sɔ́, mà handu dɔ́ɔ́ngɔ́la cɔwlan ndu o hɔl-ndɔ, mà tuula ciliŋii balamaniei, mà simi ndi o kobi kalaa balɔɔ pindo le ndu cɔlɔbaa.

Yeremi 32:24

Sunsun, Babilɔnnda co kpaakio tangullo le nambaa mà bii kobio. Kobio delnin Babilɔŋaa tiila ndu a cɔwvo-a o ba, mà cuu o mɔɛi cɔwve bɛngu, yima fofolan a nàà n'kɔnyaa. Kámáá a ce le! Ɲɛ n dimi-o peelun.

Esekiɛl 21:22

Nduyɛ ya bɛɛ, i lɔaanin balan, mì tuulu kɔl taw-taw. Ya soo nuaa ni, ya Mɛlɛka pɛɛn.

Esekiɛl 26:8

O diwnin cuavaa nɔmaa laandua co yondolan nin-nda. O kilanin piŋndan le nɔm cɔlɔbaa, o yaŋnin yaŋɔɔla cɔwlan le nɔm biyɔɔ, o siminin kɔ̀ɔ̀ cɔw bɛndoo le nɔm cɔlɔbaa.

Esai 32:13

Kani yɔɔn a siɛmbullon vulnin mì n tiw o yondola vanaa niaa coo a co cɛila kɔlkɛndɛla kobi connun hoo o ɲaaloo nin-ndo nin kpow.

Esai 32:14

Cɛi bɛndu lemasaa lonin fondo, vannda piawnin kobi vɔkɔ-vɔkɔɔ co hoo nin-ndo, pembei a cɛi coocoo siŋnunnin buululan le fɛɛn a fɛɛn, sofɛlɛa yondoa vanin pisultan ndon. Cɔlua vanin billo dioo lon.

Yeremi 6:6

Kani o Mɛlɛka-Nɔ-Kpaayaa-Kpow-vo dimi-o co hoo ni aa: «La kioŋ yɔmnde le keiyo lecoo, mì n kei o kpakio coo, mì n kuel Yerusalɛm.» Kani kobi bɛnda le tambei-yo o co ni, delɔɔ coo daama co lon ni.

Cɛɛŋɔnnda Yeremi lan 2:7

Mí Mɛlɛka kɛɛ fonda-loamaa-lasálàá ndɔɔ, mí cɛi-kola-toandaa ndɔ diandaa nɛinun ndu. Mó mal kpakila cɛila lemasalan Siɔn yaamɔɔa o ba. Mí yoondiaalan la va sɔɛi o Cɛi-Mɛlɛka-o nin, maa o paale kafo coo.

Tɔŋ miingua 20:20

Fɔ yɔmii niaa sina maa vana di kɔmnde ndɔlen tei niaa bɛnda le koombiaa ni. La keŋ pɛ ndi, la solin kpekoo a ndi le kobi niaa co kon cɔlɔbaa-o biyɔɔ, háá mì kobi kalaa del niaa o ba.»

Esai 22:10

Mí la cɔm cɛilan Yerusalɛm, mí la pesi lan le kpaki kanda kobi niaa-o cɔɔloo cɔvɔɔ ɲɛkɛndɛi.