Yeremi 33:3 - BII BILA

³ ‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›

Yeremi 33:3 Referans Kwoze

Yeremi 29:12

La veelunin ya mì la piɛi ya, mì tuei niaa diom.

Esai 65:24

O kon, telen pá mì nda piɛi ya, mì ya sina pɔɔ piɛile len.

Efɛsea 3:20

Màá Hala co dɛnnda bɛndulan tosaa, mò va bɛɛ hiovɔɔ piɛile naalen a yiyannda naalan coo mɛɛ kpaaya ndɔ co naa nin-ndo co yɛ-o, sɔla biiloo vanaa laalannda tɛɛn a Yeesu Krista o kɔɔ o telenndan kpow nin a le fɛɛn a fɛɛn! Amiina!

Esai 48:6

Niaa pila tuei ɲɛkɛndɛi, mí la ca kpendekele. Vɛ̀ɛ̀ niaa bɛɛ la yondanin a ndi o kɔɔ le? Sunsun yɛ, i cii niaa sɔɔn sɛnɛiyon dimul, sɔɔn viannanndon, n niáà sina paandu loon.

Condii lisai 91:15

Taa piɛi pɛ ya, i mululnin nɔm. O sangaa nin bɛɛ, i vanin nɔm ikɛi. I baŋanin nɔm mì ke nɔm bɛɛlen.

Tɔŋ miingua 4:29

O kon la nuwviaanin Mɛlɛka Hala niaa. La saalunnin ndu, te la muungu pɛ ndu o ibuŋ a kɔlta niaalan kpow a á yoomu niaa kpow.

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

Condii lisai 145:18

Mɛlɛka co vanaa co ndu piɛiyo-a kpow macɛlu, a co ndu piɛiyo a kɔlta ndalan kpow-va pɛɛn.

Tɔŋ miingua 4:7

O vanaa-mangalaa-isɔɔa súúlan kpow tɛɛn, hali a co sɛ́lɛ́ bɛndoo-a, ɔ́ɔ̀ a halaa ndaa sɔɔnguu ikɛi kpɛɛlun nuaa mɛɛ Mɛlɛka Hala naa co naa ikɛi yɛ-a? Telen oo telen naa n piɛi ndu pɛ, o co naa ikɛi.

Dɛnnda kiilaa 2:21

O kon, vana-vana pɛinin Mɛlɛka-o, ndu sɔlanin cindaa.›

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Condii lisai 25:14

Vanaa nɔ siòòŋii Mɛlɛka-e-a, nda Mɛlɛka cɔm sɔɔn ndɔn viannanndon ni, le nda kpema ndɔɔ cɔmndo.

Esai 45:3

I yɔngunin nɔm bolofaa viannanndo a ɲɛ-sɔlaa co o kumbaa kpíŋ-ndo, haliko ma sina maa ya co Mɛlɛka co nɔm veeloo a diola nɔmndan ndo ni, Hala cuavaa Israɛlla pɛɛn.

Dɛnnda cɔɔmuanndan 2:17

Vana nɔ pɛ nilan, mɛɛ ndú tuéi ɲɛ Kɔl-Diandaa co vanaa laalannda dimullo-o. Vana nɔlanin-nda, i kenin ndu manne vianaa a pow humboo, pow diola sɛnɛila lasɛvaa coo-o, vana-vana sina diola lan te fɔ vana sɔla lan-ndo.›»

Matie 13:35

haliko mi sɔɛi vana-tɛɛngaa-diom Hala-o ndóò dimi-e ndíì peelun aa: «I kumbinin sondoo mì soo o talelan nin, mì soo a dɛnnda viannannda co kabi ceendo cɔwnun ndan o kɔɔ.»

Misee 7:15

Maa o paale n soli naa Esipte len, cɔm naa dɛnnda kɔndɔfiltan.

1Korɛntea 1:2

N co sɛbɔɔ ho sɛva le vanaa laalaŋaa co Korɛnte-a, le vanaa yɔngun ma va a diandaa o Yeesu Krista nin-nda, a le vanaa co diola Maalii Yeesu Krista lan veeloo nɛɛ-nɛɛ ka-a kpow, o co Maalii ndaa a Maalii naa-o.

Yeremi 23:35

O niaa bɛnda mì la ɲuunian vellaa-velle-o co hoo ni aa: ‹Vɛɛ Mɛlɛka muli yɛ?› Te kon te aa: ‹Yɛɛ Mɛlɛka dimi yɛ?›

Yeremi 32:17

«Àá Maalii Hala, nɔm siɛndi ba nɔmndo ni, má soli halataalaa a lɛŋnden, a kpaaya nɔm bɛndoo. Ɲɛ-ɲɛ kindu a nɔm te.

Yeremi 32:27

«Ya Mɛlɛka, ya co Hala le ɲaa yoomaa kpow ni. Vɛ̀ɛ̀ dɛnɛ pum co, o kendu a ya-o?»

Daniɛl 2:18

Má cɛlan le Hala co o halataala-o ɲunaa o piɛilen nin, haliko mi ndóò tuinun nda iɲíí a dɛnɛ kaamaa kon o kɔɔ, yɔŋii ndáà diw nda a vanaa kɔlkalua tɔ̀a Babilɔn latulu.

Daniɛl 2:22

Ndu soli sɔɔn yingilɛiyon a sɔɔn viannanndon ceen ni, ndu sina ɲɛ co o ɲumndan nin-ndo ni, kani ɲɛ-ɲɛ co o viannan ndu o hɔl te.

Daniɛl 2:23

Nɔm Hala fuɲaa nia mamaa, i co nɔm sangalaa a nɔm balikaa mello le yɔngu n yɔngu ya kɔlkaloo a kpaayaa-o. Tofa vɔ! A cɔm naa ɲɛ naa n ɲuna nɔm-ndo, a cɔm naa sɔɔn dɔw masaa kɔndɔfili-on.»