Yeremi 33:2 - BII BILA

² «Diom Vana co dɛnndan kpow tosaa-o soo-o co ho ni, o co lan toosiaa mò va lan peeloo-o, o nɔ diolan aa Mɛlɛka-o aa:

Yeremi 33:2 Referans Kwoze

Esai 37:26

Vɛ̀ɛ̀ nɔm Sanekerib, a sina masinaa maa kabi lɔ́ɔ́ levil te ya kɛɛsiaa sɔɔn mun te? A sina maa kabi sindɛ-sindɛ le ya tuu le mun tosaa le? Sisa yɛ niko, i cɛl mì sɔɔn mun n peelun. Ya cɛl ni mí nɔm Sanekerib pesipesi kobila mayoomulan, má siinguu lan pɔmndan.

Fulaa 15:3

Kuubanɔ cɔw bɛndoo pila Mɛlɛka co ni, diolan ndɔla kpeekpeilan aa: ‹Mɛlɛka›.

Fulaa 6:3

I cɔmnun Abraham, Isaak a Yakɔb. Mí dimul nda maa diola nilan aa Hala Vana-Kpaayaa-Kpow, kɛ ndáà sina vɔ maa diola nilan te la co Mɛlɛka le.

Dɛnnda cɔɔmuanndan 21:10

Mó kɔa a ya o kɔllo nin o pembii bɛndui vilɛi-vilɛiye pum coo. Mó cɔm ya Kobi diandaa, Yerusalɛm pɛɛn, o va fulaa coocoo o Hala lo.

Esai 62:7

La mal ndu (Mɛlɛka) mòo pɛngi le, háá fɔ mò mingi Yerusalɛm toosiaa, mò siinguu ndu ɲɛ vana lisa-o o lɛŋnden coo.

Esai 43:21

O kon, vanaa ya cownun-nda keeliaanin tɔ́ɔ́ nuu a ya lisaa.»

Esai 43:1

Kɛ sunsun, nuaa Mɛlɛka o cɔw niaa cuavaa-imamaa Yakɔb-a-o, o toosiaa niaa polale Israɛl-ten-ndo dimi ni aa: «La yɔŋ isiòòn te, kani i cii niaa baŋa, i co niaa veeloo a diola niaalan, le ya niaa co ni.

Esai 14:32

Yɛɛ nda mulul-lɛnin vanaa lɛŋnden le vem-nda? A mululnin nda aa: Mɛlɛka pila cɔw Siɔn ni aa: vanaa co o sangaa nin o vanaa ndɔa tɛɛn-nda a sɔlanin nɛɛ viannannda lon.

Condii lisai 102:16

Vanaa-mangalaa-isɔɔa kpow vonin nɔm Mɛlɛka, mì masaa co o lɛŋnden coo-a kpow a ke biilu nɔmndo bɛɛlen.

Condii lisai 87:5

Kɛ Siɔn ndu, a diminin a ndu o kɔɔ aa: ‹Lon vannda kpow a velun ni, Ó-Hiow-Ɲɔɔn-Kpow-vo pila kila ndu ni.›

Dɛnnda cɔɔmuanndan 21:2

Mí ca kobi diandaa, Yerusalɛm sɛnɛiyo tolɔɔ fulaa o halataala o Hala lo, o va o bɛɛndiaa mɛɛ nda bɛɛndiaa vanalanɔɔ le ndu yɔɔ o nɔu o pɔnɔ ndɔ lo nuaa yɛ.

Hebreea 11:16

Kɛ o kpeekpeiyo nin, a lɛŋnde hiow lɛŋnde len naŋɔɔ len o kɔɔ nda va sɔɛi ni, halataala pɛɛn. Lelan siɛmbula bii Hala le ndu veeloo aa Hala ndaa le, kani mó toosial nda kobio.

Hebreea 11:10

Kani Abraham va cumndo le kɔlan o kobi nda caa kila ɲɛkɛndɛi-yo nin, o Hala pila tuu mó tangul-lo.

Amɔs 9:6

Mɛlɛka cɔw calta ndɔlan o halataala, o tondu halataalaa o lɛŋnden coo, o cuungiaa mɛmma ihɛllan, mó saŋ man o lɛŋnden coo. Diola ndɔlan aa Mɛlɛka.

Amɔs 5:8

Mɛlɛka cɔw mɔmtombolaa, ninaa kundaa a nanga-nsiiyo ni. Ndu mingi ɲumndan ɲɛ-tengaa paale siaa ni, ndu piimiaa paalen ni, mò mingi len ɲumma bɛnduan. Ndu cuungiaa mɛmma ihɛllan ni, mò saŋ man o lɛŋnden coo. Diola ndɔlan aa Mɛlɛka.

Yeremi 32:18

A tosal vanndacieea dɛnɛ kɛndɔɔ háá o lambi vaa pilɛndɔɔ, kɛ te kala-ncuawva tosa pɛ hakio, a tuisi cuavaa ndaa sangaa coo le tɛɛmbuu kon. Hala co o bɔɔ-o a Hala kpaayaa n co ni, diola nɔmndan aa: ‹Mɛlɛka-Nɔ-Kpaayaa-Kpow-vo.›

Yeremi 10:16

Hala co le Yakɔb-o co maa nda le, kani ndu toosiaa ɲɔɔn kpow ni, Israɛlla co polale co kɛ́ ndɔɔ len ni, diola ndɔlan aa Mɛlɛka-Nɔ-Kpaayaa-Kpow-vo.

Yeremi 16:21

Lelan mí Mɛlɛka dimi aa: «O laan i co nda kpaaya nuu a yoomuma nian cɔm, o kon a sinanin maa diola nilan la co Mɛlɛka ni.»

Yeremi 51:19

Kɛ vana bɛndu Yakɔb-o co maa piɔmaa kan te. Ndu cɔw ɲɔɔn kpow-vo ni. Ndu nɔ polama Israɛlla ni. Diola ndɔlan aa Mɛlɛka-Nɔ-Kpaayaa-Kpow-vo.›»

Esai 42:8

«Ya co Mɛlɛka ni, diola nila kpeekpeilan la co lan ni, nduyɛ, i bɛnda mì sɔla biiloo. I yɔngunin piɔmnda bɛɛle co le ya len te.