Yeremi 33:11 - BII BILA

¹¹ yoondiaala kɔlkɛndɛlan, a kponyolan, vana hun tuɛinin vɛlɛ condun vanaa co nɔlan kilaa sɛnɛi-ya a vanaa vanin hunɔɔ a sálàla malaa balikalan o Cɛi-Hala-o nin-nda. A vanin dimio aa: La biilu Mɛlɛka-Nɔ-Kpaayaa-Kpow-vo, kani Mɛlɛka naŋ, ɲíí ndɔɛi co le lɔ́ɔ́-lɔ́ɔ̀!› A toɲa, i minginin lɛŋnden nden mɛɛ le va o tasendɔ yɛ, diom Mɛlɛka dimi-o co kon ni.»

Yeremi 33:11 Referans Kwoze

1Dɛnnda lemasalan 16:34

La biilu Mɛlɛka, kani o naŋ, ɲíí ndɔɛi co le fɛɛn a fɛɛn.

Condii lisai 107:22

La solul ndu sálàla malaalahakilan, la cɔm dɛnnda ndɔlan kpow a deŋi kɔlkɛndɔɔ.

Condii lisai 107:1

La lisa Mɛlɛka, kani o naŋ, kaola ndɔɔ nɔ lamɛɛlu le.

Condii lisai 106:1

La lisa Mɛlɛka! La lisa ndu, kani o naŋ, kaola ndɔɔ nɔ lamɛɛlu le!

Hebreea 13:15

N solulun Hala sálàlan o ndu sangalaa nin, condon ndu solullo o diola Yeesulan pɛɛn.

Esai 51:11

A toɲa, vanaa sɔla malɔɔ-a muungunin, a muungunin Siɔn a kponyoo a kɔlkɛndɔɔ. Kɔlkɛndɛ fɛɛn-fɛɛndo vanin nda coo, ɲaaloo a ɲɛ hɛnanndo hunnin sumialii nda. Kɔl tambɛiyo a somisominndan la kɔanin nda polon.

2Dɛnnda lemasalan 29:31

Mí masaa Esekia cua vɛlɛ sɔɛi, mó dimi aa: «Sisa, mɛɛ niaa cii Mɛlɛka yɔngɔn nuaa yɛ, la sɔɔnguu niko mì la soli cɔlua sálà, mì la solul ndu sálàla kɔlɲululan o Cɛi-Mɛlɛka-o nin.» O kon, mí vannda hun a cɔlua sálàá, má soli sálàla kɔlɲululan. Mí vanaa ndáà nɔ kɔl ikɛndɔɔ-a a soli sálàla loamaalan.

2Dɛnnda lemasalan 5:13

O kon mí nda kpow a cuungian nɛɛ pilɛ le Mɛlɛka biiloo a le ndu sangalaa. Tuma nda va condei a bululan hɔŋndo, kɛ́ŋndon a ɲɛm-caan celenndon lɔɔ-o, má va dimio aa: «Éé Mɛlɛka naŋ! Kani kɛndɛi ndɔɛi cuu le lɔ́ɔ́-lɔ́ɔ̀ le.» O telen kon, mí Cɛi-Hala-o pia cá a kumnde.

Dɛnnda cɔɔmuanndan 18:23

Vana ci lɛnin ɲɛ-tengaa fitina lon te, diom vana cua lanɔɔ sɛnɛi-yo te kon te vana cal o nɔu sɛnɛi-yo tuinun ndɛnin ndon te. Kani yulaa ndɔa va vanaa bɛndua o lɛŋnden coo ni, mí vanaa-mangalaa-isɔɔa kpow a luɛi o pɔwlan nin a kueile nɔmnden.

Nsaŋ 3:29

Vana co lanɔɔ cuaa sɛnɛi-yo, le ndu lanɔ sɛnɛi kon co ni. Kɛ te caaŋoo vana co lanɔɔ cuaa sɛnɛi-yo tuei pɛ ndu vana co kon lanɔɔ cuaa-o sɔɛi, ɲɔɔ hɛnan ndu taw. Lende koni ɲaale bɛndoo co ya o kɔl ni.

1Dɛnnda lemasalan 16:8

La biilu Mɛlɛka, la lisa diola ndɔlan! La cɔm dɛnnda ndɔla bɛndulan vanaa-mangalaa-isɔɔa tɛɛn.

Sakari 8:19

‹Nuaa Mɛlɛka-Nɔ-Kpaayaa-Kpow-vo dimi ni aa: ‹Sum paangii hiɔɔlundɔɛi, sum paangii ŋuɛɛnundɔɛi, sum paangii ŋɔmmɛwndɔɛi a sum paangii tɔ́ndɔɛi siŋnunnin palɛi kɔlkɛndɛi, palɛi ɲaalei a palɛi kafoei le polale Yuda len. Lelan, la kaola toɲaa a kɔlɲuloo!

Sofoni 3:14

«Lelan, la yonda a kɔlkɛndɔɔ, niaa vannda Siɔn. La deŋi a ɲaale bɛndoo, niaa Israɛlla. La naŋ kɔl mì la viow kponyoo taw, niaa vannda Yerusalɛm.

Yeremi 33:7

I minginin vanaa ndáà bii Yuda-a, a ndáà bii Israɛl mí ndáà kɔa a nda o biyɔɔ nin-nda mɛɛ nda va o tasendɔ yɛ.

Yeremi 7:34

I kuunanin kɔlkɛndɔɔ a ɲaaloo o kobila Yuda lan nin a o nɛilan Yerusalɛm coo, mì kuuna condun cuaa laandua soli le vanaa nda yeema-a-on a n poaa piaandua bɛɛ soli le a nda yeema-a-on, kani lɛŋnden le muungunin bémbélan kposon.»

Esai 52:9

Lelan, niaa bémbélan Yerusalɛm, la vɔnga latulu mì la viow kponyoo a kɔlkɛndɔɔ! Kani Mɛlɛka co vanaa ndɔa ɲɔɔloo, o co Yerusalɛm baŋaa.

Condii lisai 116:17

I solulnin nɔm sálà-malaa-balikaa, mì piɛi o diola nɔmndan.

2Dɛnnda lemasalan 7:3

Mí Israɛlaa va lon-nda kpow a ca yinnden a biilu Mɛlɛka-o tolɔɔ o Cɛi-Hala-o coo, má baŋ vulan lɛŋ o fonda nda yikpa a lasoo-o coo, má tundun lɛŋ, má biilu Mɛlɛka, má dimi aa: «Éé Mɛlɛka naŋ! Kani kɛndɛi ndɔɛi cuu le lɔ́ɔ́-lɔ́ɔ̀ le.»

Sakari 10:7

Cuavaa-imamaa Efraim-nda nɔnin kpaayaa maa kuubaa cɔw. A vanin a kɔlkɛndɔɔ mɛɛ vana kol mɔiyan ma va a kɔlkɛndɔɔ nuaa yɛ. Poaa ndaa canin kon mì nda bɛɛ dɔwnun ɲaale. A dɔawnunnin ɲaale taw o Mɛlɛka nin.

Sakari 9:17

Mbɔ̀ ɲɔɔ naŋnin bɔɔ! Ɲɔɔ yeelanin bɔɔ! Maalon tosanin mì felengia hindu, mì mɔima sɛnɛiyan ma tosa mì cuaambɔa laandua dɔwnun yálá.»

Yonas 2:9

Vanaa co piɔmaa fondoa sooloo-a, a nɔ dí le cindaa sɔla le.

Yeremi 33:26

La ca ko aa mì kɛɛ poaa Yakɔb-a a poaa David vana ni baala-a? Vɛ̀ɛ̀ i kɛɛnin le simlacia simnin cuavaa Abraham-nda, a Isaak-a a cuavaa Yakɔb-a laci-a hɛlio o poaa ndaa tɛɛn? Kɛì-kɛì bɛɛ! Kani ɲííye co ya a nda, i minginin vanaa ndaa nda kɔɛ o biyɔɔ nin-nda o nda lo.»

Yeremi 25:10

I co vɔkɔ-vɔkɔ lakafo niaa, yoondiaala kɔlkɛndɛla niaalan a condun felengia co nɔlan kilaa sɛnɛi-ya cii, mì ɲumi diom lasunndo o cieon nin a ɲɛ-tengaa fitinaa.

Yeremi 16:9

Kani o ya Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: ‹I co vɔkɔ-vɔkɔ lakafo ndaa ɲumi, mì ɲumi yoondiaala ɲaalela ndalan a condun felengia co nɔlan kila sɛnɛiyo-a. La va vɔnin icali mì la ce ken ciŋ.›»

Nehemi 12:43

Paale len, má soli sálàlan taw, kani mí Hala pei vanaa ndɔa kɔl ɲaale bɛndoo nin ca. Vanlaandua a cuaambɔa bɛɛ a va a kɔlkɛndɔɔ taw Yerusalɛm, mí vɔkɔ-vɔkɔ ndaa va tueinɔnndo levil-vil.»

Nehemi 8:12

O kon mí vannda kpow a muungu o la nda lo le ɲɛdiaa dioo a kolɔɔ, má ke vanaa nɔ ɲɛ le-a ɲɛdiaa, má dɔawnun ɲaale taw-taw. Má bii diom dimulun nda-o bila.

Ɛsdras 6:22

O kon kɔɔli, má tosa kafo bulu toosian a lɛvɛn too a kɔlkɛndɔɔ o palɛi ndii ŋɔmmɛw bɛngu. Kani mí Mɛlɛka nɛŋi nda kɔl, mó tosa mí masaa Asiri ca nda ɲia, mó luei nda yoomuan o vali tangulaa Cɛi-Hala Israɛlla nin.

Esai 51:3

Nuaa Mɛlɛka co Siɔn ɲɔɔloo ni, o co ndu ɲɔɔloo le tambii ndɔɛi kpow, o siinguunin lɛŋnde veselɛile ndɔlen maa Edɛn, o minginin dɛɛla vesɛi ndɔɔ maa nakɔ ndu Mɛlɛka-o. Ɲaaloo a kɔlkɛndɔɔ vanin lenin, lisaa a diom ɲɛ-caa vanin tueinɔnndo lon.

2Dɛnnda lemasalan 20:21

Mí Yosafat cɛlan nda vannda, mó hɛli vanaa solia n'condua, mó simi nda vanaa cɔwva laci, domala ifalenndan la va nda lekɔɔ, má va Mɛlɛka sangalaa o condon nin aa: «La biilu Mɛlɛka, kani kaola ndɔɔ nɔ la mɛɛlu le.»

Esai 35:10

A toɲa, vanaa Mɛlɛka baŋanin-nda muungunin, a kɔanin Siɔn a condon a á kponyoo, kɔlkɛndɛ fɛɛn-fɛɛndo vanin o kuumbuan nda o lebol vofu, ɲaaloo a kɔlkɛndɔɔ sɔɔnguunin nda ikɛi mo va le nda, dɛnɛ palaa a somisominndan la faŋannin nda coo.

Yeremi 17:26

Vannda vanin fulaa o kobilan Yuda a o Yerusalɛm balɔɔ, a pum a fulanin o tàndá Bɛnyamɛn-ndo nin, cɔnɔnndo o lɛŋnden a ba too, kɔ tiiyaa a maluaŋ kɔ bii a Nekɛv, le hunɔɔ sálàla súú-súù ka solio: sálàla loamaalan, sálàla celenndan, ɲɛm-kéan a ansan, a vanin vɛlɛ hunɔɔ a sálàla malaa balikalan o Cɛi-Mɛlɛka-o nin.

Yeremi 30:19

Vana lonin kɔɔlikɔɔli mà tuei nda condon a yoondiaala kɔlkɛndɛ lan. I kuinin nda taw, a dɔɔnannin te, i siinguunin nda vanaa sɔvɛa, vana kilunnin nda yii le.

Yeremi 32:44

A toɲa, vannda muungunin mà pendu yondolan a volion o tàndá Bɛnyamɛn-ndo nin a o Yerusalɛm balɔɔ, o kobila Yuda lan nin, o kobila co o pembon coo lan nin, o kobila co o dɛngbɔɔ nin-ndan a o kobila co o tàndàá Nekɛv nin-ndan nin, mà toosiaa sɛbɛla leseilan, mà hol pondan lecoo, mà sɔla seiya. Kani i minginin nda mɛɛ nda va paandu yɛ.» Sɔɛi fula Mɛlɛka o sondo-e co ken ni.

Nahum 1:7

Mɛlɛka naŋ bɔɔ! Ndu co nɛɛ viannanda o palɛi dɛnɛ palai nin ni. O nɔ hɔlten vanaa viannun ndu o ba bɛngu-a kpede coo,

Condii lisai 85:7

Vɛ̀ɛ̀ a minginin naa vanaa nɔmnda yoomu, mì n dɔwnun ɲaale o nɔm nin te?

Condii lisai 147:13

Kani o luei sɔkɔma co o diola niaalan-ndan yoomuan, mó dɔaw poaa kpow duaa.

Esai 52:8

Diom kpalilaa nɔmnda co tueinɔnndo! A co diomndo heeloo kpélén, a co yondaa vóólun-vóólunn vellaa-velle, kani a co Mɛlɛka cɔu muungoo Siɔn a lahɔl vakpa.

Yeremi 29:14

O Mɛlɛka-Nɔ-Kpaayaa-Kpow-vo dimi-o co hoo ni aa: «I tosanin mì la saalun ya, mì mingi niaa o niaa lo. I co niaa nuwviaa o lɛŋii kɛ́-kɛ̀ a o fondala kɛ́-kɛ̀ yaa tow niaa, mì mingi niaa o niaa lo nanu, nɛɛ niaa va paandu mí yaa niaa o biyɔɔ nin-nda.» Sɔɛi fula Mɛlɛka o sondo-e co ken ni.

Yeremi 30:3

Sɔɛi fula Mɛlɛka o sondo-e co hee ni maa paale vanin, mì mingi Israɛlla nda Yudaa lɛŋnde yáà yɔngu fuɲaa ndaa mamaa len o ba, yungu ni co o biyɔɔ nin-ndo pɛɛn. Mɛlɛka dimi lende ni.»

Amɔs 9:14

I minginin vanaa nia vanin o biyɔɔ nin-nda o nda lo, cuavaa Israɛlla pɛɛn. À minginin kobila piɔl tan tangul, mà cal lenin. À tɔalnin rɛsɛnndon, mà kol mɔima ndɔan. À tɔalnin nakɔlan, mà de kɔmnde nakɔla lan.