Yeremi 32:7 - BII BILA

⁷ ‹Hananeɛl po Salum bom nɔm-ndo co hunɔɔ o nɔm ndo, mó dimul nɔm maa nɔm piondu yondo ni co Anatɔt-o, kani nɔm nɔ dí le ndu piondɔɔ mo va le nɔm ni.›»

Yeremi 32:7 Referans Kwoze

Yeremi 1:1

Sɔɔn Yeremi, po Hilkiya, va vana-solia-lasálà pilɛ Anatɔt, o tàndá Bɛnyamɛn-ndo nin-ndo dimi-on yɔŋnun mun ni.

Yeremi 11:21

Lelan ɲɛ Mɛlɛka dimi a vannda Anatɔt o kɔɔ-o co hoo ni, a yeema le ya Yeremi diyɔɔ-a, nda dimi ni aa: «Tɛɛngul naa isɔɔ o diola Mɛlɛka lan te, yɔŋii naa n dii nɔm.»

Tɔŋ lasálàá 25:25

Te kuɛi tol pɛ puapilɛ niaa coo, mì kuɛi ken vem ndu yondola ndɔlan o pilɛ pisio, o vanayan ndɔn tɛɛn, vana nɔ dío le ɲɛm ndɔn baŋaa-o bɛnda mò baŋa yondo kon.

1Masaa 14:5

Kɛ Mɛlɛka ndóò ciinin Ahiya dimul aa: «Lanɔɔ Yeroboam co hunɔɔ nɔm isɔɔ ɲuna le po ndɔ co a naa-o. O hin pɛ, o cɔmnunnin maa vanalanɔ celen, a bii pɛ a mulul ndu mɛɛ o bɛnda yɛ.»

Kundalan 35:2

«Dimul Israɛlla aa o ɲɛm nda sɔla kɛ́ɔ-von nin, a bɛnda mà yɔngu leviia kobila nda hɛlinin o lɛŋii nda sɔlanin-nde nin-ndan, mì leviia nda cal lon.

Tɔŋ lasálàá 25:49

Fuɲa ndɔ bɛndoo, fuɲa ndɔ pɔmbɔɔ, po fuɲa ndɔ bɛndoo, po fuɲa ndɔ pɔmbɔɔ, te kon te vanayɛi ndɔɛi kpɛɛlun-nde bɛnda mi i baŋa ndu. Te ndu pila sɔla yɛ pɛ ɲɛ le baŋanndo, o nɔla mò baŋan.

Tɔŋ lasálàá 25:34

Kɛ yondola balu kobila leviia lan la bɛnda mi la pisin te, kani lan la vanin kɛ fɛɛn-fɛɛn leviia ni.»

Tɔŋ lasálàá 25:23

«Lɛŋnden le bɛnda mi le pisin few-few le, kani Mɛlɛka ya nɔ lɛŋnden ni. Niaa co macoaa maa mialla a vanaa hiawnannda o lɛŋnde nilen nin.

Yeremi 32:6

Mí Yeremi dimi aa: «Sɔɛi Mɛlɛka soo o ya lo-e co hee nin aa:

Yeremi 32:8

Lekɛ́ndɛi yɛ, mí Hananeɛl po bom nuu komal-la o bɛ́ɛ̀ kaasoo mɛɛ Mɛlɛka ndóò dimul-la yɛ, mó dimul-la aa: «Piondu yondo ni co Anatɔt o tàndá Bɛnyamɛn-ndo nin-ndo, kani a nɔ dí le ndu piondɔɔ a le ndu loo, lelan piondu ndu.» O kon mí sina dɔ́ɔ́ maa Mɛlɛka va sɔɛi o ya lo ni.

Tɔŋ lasálàá 25:24

Lelan, o lɛŋnde ya co niaa yɔngu len nin, la bɛnda mi la handu tɔŋndan haliko mi vana-vana nɔ dí le yondo ndɔɔ baŋaa.