Yeremi 32:5 - BII BILA

⁵ A kɔanin a Sedekia Babilɔn, lon o lonin ni háá mi cɛn le ndu vali tosa. Te la tɔɔndan pɛ le Babilɔnnda simullo, la tiwnin nda ba le. Sɔɛi fula Mɛlɛka o sondo-e co ken ni.

Yeremi 32:5 Referans Kwoze

Esekiɛl 17:15

Kɛ mí vana kon luɛi seesiɛi ndu o ba, mó yaa kiilaa o lɛŋnde Esipte len nin haliko mi kan yɔngu ndu soa a vannda sɛ́lɛ́ bɛndoo taw-taw. Vɛ̀ɛ̀ vana tosa lende-o tiwnin pá ba le tùú kon peeloo? O nɔlanin pá hiɔlɔnndo? O cii kpemaa tɛɛmbuu, lelan o helunnin te few!

Yeremi 39:7

O kon mó pesi Sedekia hɔltan, mó yii ndu a yɔlɔn, má kɔa a ndu Babilɔn.

Yeremi 33:5

Fondo fúú niaa cɔlɔbanin Babilɔnnda le kpaakio tangullo le kobi niaa biyɔɔ ni. Kani telen niaa kuelnin nda-o, i kuinin vanvílɛ́iya cɛilan nin a kɔl ni fulaa bɛndoo. I mululnin kobi kalaa kɔɔ le dɛnnda kɔlvesɛila nda tosa lan.

Yeremi 27:22

‹A kɔanin a mun Babilɔn, mì n lo lon háá telen ya cuanin sɔɛi ndɔɛi-yo, mì cua mun, mì mingi mun o fondaa ho.› » Sɔɛi fula Mɛlɛka o sondo-e co ken ni.

Esekiɛl 12:13

I toandunin yala nuu ndu coo, mò haw o yaŋɔɔle nilen. I kɔanin a ndu Babilɔn, lɛŋnde Kaldea pɛɛn, kɛ o cinin lɛŋnde len a lehɔl te, mò vi lon.

Yeremi 37:10

Hali o va bɛɛ maa la nɔla vanaa cɔvaa Babilɔŋaa co niaa haa kɔɔli a cɔwvo-a kpede, mò lo vanaa niaa yɔŋul-la daama, a pilɛn-pilɛŋaa kan cannin o cɛila-kolala-toandaala ndalan nin, mà hin kpow, mà mal kobio Yerusalɛm yin.»

Yeremi 2:37

Lon bɛɛ, a balan o lebol niaa fulanin ni, kani Mɛlɛka kɛɛ vanaa niaa tiindan-nda, la sɔlanin vɛlɛ mala nda o ba le.»

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

2Dɛnnda lemasalan 24:20

O kon mí Kɔl-Hala-o luɛi Sakari, po Yehoyada vana-solia-lasálàá-o nin, mó sim vannda o hɔl, mó tɛɛngul nda sɔɔn Hala dimul ndu-on aa: «Le yɛɛ niaa co yɛ silala Mɛlɛka lan kɛɔ biyɔɔ? La sɔlanin tɔnɔ oo tɔnɔ le, kani la cii Mɛlɛka kɔɔ mulul, lelan ndu bɛɛ mululnin niaa kɔɔ.»

2Dɛnnda lemasalan 13:12

Sisa, Hala a vanaa ndɔa baalaa co naa isisi laci, vanaa-solia-lasálàà ndɔa co naa ikɛi nanu, a co bɛɛndianndo le bululan hɔŋndo mì n del niaa coo a cɔwvo. Lelan niaa Israɛlla, la cɔ́lɔ̀ba Mɛlɛka Hala fuɲaa niaa mamaa le, kani la tiwnin ba le.»

Kundalan 14:41

Mí Moise dimul nda aa: «Le yɛɛ nɛ niaa co yɛ faŋanndo o diom Mɛlɛka dimi-o coo? Tambei niaa co kɔlan nuaa ni.

Yeremi 32:6

Mí Yeremi dimi aa: «Sɔɛi Mɛlɛka soo o ya lo-e co hee nin aa:

Yeremi 32:24

Sunsun, Babilɔnnda co kpaakio tangullo le nambaa mà bii kobio. Kobio delnin Babilɔŋaa tiila ndu a cɔwvo-a o ba, mà cuu o mɔɛi cɔwve bɛngu, yima fofolan a nàà n'kɔnyaa. Kámáá a ce le! Ɲɛ n dimi-o peelun.

Yeremi 39:5

Kɛ mí vanaa cɔvaa Babilɔn-nda ɲaanun nda kɔɔli, má bendal Sedekia o dɛngbɔɔ Yeriko nin. Má bii ndu, má kɔa a ndu Ribla o Nebukanɛsar masaa Babilɔn-ndo, mó kialu ndu iyama.

Cɛɛŋɔnnda Yeremi lan 1:14

O nɔ hɔlten o hakila ya tosa lan coo. O cii lan yii nɛɛ pilɛ ndu o ba, mó handu ya lan o congú. La hel-la háá o labolo dí, Mɛlɛka cii ya yoomuan soli pó. O mal-la vanaa ya nɔla simullo le-a o ba.

Esekiɛl 12:12

Vana co masalen tosaa nda coo-o siilunnin volɔɔlan o congú o ɲumndan nin, mò fula. A bulinin tɛɛngei o kpakio le ndu solio lon. O kumbunin hɔlaa ndɔa yɔŋii o cɔ lɛŋnden a lehɔl.

Yeremi 39:4

Sedekia masaa Yuda nda vanaa ndɔa cɔwva cɔu dɔ́ɔ́ nda, má ɲaanun, má kei o nakɔ lemasaa, a o dio co o kpakila tiɔnndan tɛɛn-ndo, má bii nɛi kɔɛ o bóllo Yurdɛn-ndo.