Yeremi 32:44 - BII BILA

⁴⁴ A toɲa, vannda muungunin mà pendu yondolan a volion o tàndá Bɛnyamɛn-ndo nin a o Yerusalɛm balɔɔ, o kobila Yuda lan nin, o kobila co o pembon coo lan nin, o kobila co o dɛngbɔɔ nin-ndan a o kobila co o tàndàá Nekɛv nin-ndan nin, mà toosiaa sɛbɛla leseilan, mà hol pondan lecoo, mà sɔla seiya. Kani i minginin nda mɛɛ nda va paandu yɛ.» Sɔɛi fula Mɛlɛka o sondo-e co ken ni.

Yeremi 32:44 Referans Kwoze

Yeremi 17:26

Vannda vanin fulaa o kobilan Yuda a o Yerusalɛm balɔɔ, a pum a fulanin o tàndá Bɛnyamɛn-ndo nin, cɔnɔnndo o lɛŋnden a ba too, kɔ tiiyaa a maluaŋ kɔ bii a Nekɛv, le hunɔɔ sálàla súú-súù ka solio: sálàla loamaalan, sálàla celenndan, ɲɛm-kéan a ansan, a vanin vɛlɛ hunɔɔ a sálàla malaa balikalan o Cɛi-Mɛlɛka-o nin.

Yeremi 33:26

La ca ko aa mì kɛɛ poaa Yakɔb-a a poaa David vana ni baala-a? Vɛ̀ɛ̀ i kɛɛnin le simlacia simnin cuavaa Abraham-nda, a Isaak-a a cuavaa Yakɔb-a laci-a hɛlio o poaa ndaa tɛɛn? Kɛì-kɛì bɛɛ! Kani ɲííye co ya a nda, i minginin vanaa ndaa nda kɔɛ o biyɔɔ nin-nda o nda lo.»

Yeremi 33:11

yoondiaala kɔlkɛndɛlan, a kponyolan, vana hun tuɛinin vɛlɛ condun vanaa co nɔlan kilaa sɛnɛi-ya a vanaa vanin hunɔɔ a sálàla malaa balikalan o Cɛi-Hala-o nin-nda. A vanin dimio aa: La biilu Mɛlɛka-Nɔ-Kpaayaa-Kpow-vo, kani Mɛlɛka naŋ, ɲíí ndɔɛi co le lɔ́ɔ́-lɔ́ɔ̀!› A toɲa, i minginin lɛŋnden nden mɛɛ le va o tasendɔ yɛ, diom Mɛlɛka dimi-o co kon ni.»

Yeremi 33:7

I minginin vanaa ndáà bii Yuda-a, a ndáà bii Israɛl mí ndáà kɔa a nda o biyɔɔ nin-nda mɛɛ nda va o tasendɔ yɛ.

Yeremi 32:10

Mí sɛva sɛbɛla leseilan, mí pila pondale nile ya pila len lecoo, mí tuu volion o ɲɛ tuvaa coo seiya o hɔl.

Yeremi 32:37

I co nda mɔɔsiaa fulaa o lɛŋii yáà puusiaa nda mí toaw nda a kɔltuwvo, a yolɛi a o kɔl ni fulaa nin-nde nin, mì mingi nda o fondaa ho, mì hun kɛsi nda lon nila ɲulu.

Esai 44:26

Kɛ mí peelu sɔɛi vana ni baalaa. Mí peelu sɔɔn kiila niaa dimi le yɔŋnɔnndo-on. I dimi a Yerusalɛm o kɔɔ ma vannda vanin icali lenin taw, mí dimi a kobilan o tàndá Yuda-o nin o kɔɔ maa la tangulunnin vɛlɛ. I minginin kpakila kobilan isisi.»

Yeremi 13:19

Kobilan a ba too la cuu kindan, vana-vana co lɛ le lan kumbi le, kani a kɔɛ a vannda Yuda kpow o biyɔɔ nin, a kɔɛ a nda kpow.

Yeremi 30:3

Sɔɛi fula Mɛlɛka o sondo-e co hee ni maa paale vanin, mì mingi Israɛlla nda Yudaa lɛŋnde yáà yɔngu fuɲaa ndaa mamaa len o ba, yungu ni co o biyɔɔ nin-ndo pɛɛn. Mɛlɛka dimi lende ni.»

Yeremi 31:23

O Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: «Telen ya minginin tàndá Yuda-o a kobila ndɔlan maa paandu-o, vannda diminin vɛlɛ aa: ‹Màá Mɛlɛka dɔw nɔm duaa, calta dɛnɛ sandaa, pembii diandɛi!›

Yeremi 33:13

Saa hiawnin vɛlɛ o ba vana cɔm nda-o bɛngu, o kobila co o pembon coo lan nin, la co o dɛngbɛlan nin-ndan nin, la co o tàndàá Nekɛv nin-ndan, o tàndá Bɛnyamɛn-ndo nin, Yerusalɛm balɔɔ a o kobila Yuda lan nin.» Diom Mɛlɛka dimi-o co kon ni.

Abdia 1:19

Yudaa hialunin lɛŋnde n'pembule Edɔm-nden a ba too, mà hɛlu vɛlɛ dɛngbɛla co o tàndá Filistia nin-ndan, mà hun cal o tàndá Efraim-ndo nin, Samari pɛɛn. Polale Bɛnyamɛn-nden le hialunin Kalaad.

Abdia 1:20

Israɛlaa vanin o ɲaanɔnndo nin a ba luaŋ-ndo-a cannin maa sɛ́lɛ́ vanaa cɔw, mà kɔ hiɔlu lɛŋnde Kanannda, mà kɔ tiiya a lɛŋnden hiɔlɔɔ háá Sarɛpta. Vanaa fula Yerusalɛm ma va o ɲaanɔnndo nin Sefarad-a, nda hialunin kobila co a ba too lan.

Sofoni 2:7

Vanaa lonin yoomu o polale Yuda len ninnd-a, nda nɔnin tándàla lan ni. Lon nda vanin cɔlua ndaa yɔɔ diólan ni. Icɔl, a vanin pɛngio o cɛilan nin Askelɔn, kani Mɛlɛka Hala ndaa yiyannin nda coo, mò mangala dɛnɛ ndaa hɔlaa celen.»

Sakari 7:7

Sɔɔn mun Mɛlɛka ndóò dimul sindɛ vanaa-tɛɛngaa-diom Hala-a le vannda tɛɛngullo ni. Tuma kon, vannda va icali Yerusalɛm taw, a vannun nila ɲulu a kobila balu Yerusalɛm-ndan, a o tàndá co a ba too-o nin, haa vannun vɛlɛ icali nila ɲulu o tàndá ladɛɛlaa nin.

Yeremi 30:18

O Mɛlɛka dimi-o co hoo ni aa: «I co niaa mingi o fonda niaa paandoo, niaa yungu Yakɔb-o, ɲííye vanin ya a calta ndalan, kobi kɛ́-kɛ̀ minginin tangulɔn o foofola ndɔlan coo, cɛila sɔvɛ-sɔvɛlan la muungunin o fondala ndalan.