Yeremi 32:41 - BII BILA

⁴¹ Ɲɔɔ hɛnannin ya le nda dɛnɛ kɛndɔɔ tosallo, o kon i tɔalnin nda tɔlɔɔ kpeekpeiyo o lɛŋnden nden nin a kɔl nuu kpow, a yiyan nuu kpow.

Yeremi 32:41 Referans Kwoze

Yeremi 24:6

I canin nda mì tuinun nda iɲíí, mì mingi nda o lɛŋnden nden nin. I siminin nda yili, i tɛɛmbuu lɛnin nda le. I tɔalnin nda, i sungu lɛnin nda le.

Sofoni 3:17

Kani Mɛlɛka, Hala niaa co niaa tɛɛn. Kuubanɔ co niaa baŋaa-o o co ni. O co a kɔlkɛndɔɔ taw le niaa, o mingi kaola ndɔɔ o sɛnɛi le niaa. A toɲa, o yonda a kɔlkɛndɔɔ mó dɔawnun ɲaale le niaa

Amɔs 9:15

I tɔalnin nda o lɛŋnde ndalen coo, à nɔla lɛnin sungɔnndo o lɛŋnde ya yɔngu nda len coo le fɛɛn a fɛɛn te. Lende Mɛlɛka, Hala niaa dimi ni.»

Esai 62:5

Mɛɛ poombɔ piaandoo cua cuaambɔ laandoo o nɔ̀u nin yɛ, lende koni vanaa minginin nɔm tangul-la siŋnunnin piaandua nɔmnda ni. Mɛɛ vanalanɔ co calle o nɔu-vo nɛŋi vanapɔnɔ fula ndu kɔɔli le ndu cuaa-o kɔl-lɛ, lende koni nɔm bɛɛ nɛŋinin Hala nɔmndo kɔl ni.

Esai 65:19

I siinguunin Yerusalɛm kɔlkɛndɛ nuu, i siinguunin vanaa niaa ɲaale nuu, vana tui lɛnin vɔkɔ-vɔkɔ lacaŋndo a vɔkɔ-vɔkɔ somisomianndo lon te.

Yeremi 31:28

Háá hau, simullo tuŋ ya co nda ni, mí sungu nda, mí komba, mí kala nda, mí tɛɛmbuu, dɛnɛ palaa tuŋ ya va nda tuisio coo ni. Kɛ kɔɔlimandɔ nin, i co nda hɔlla mulul, i minginin nda cɔvɔɔ a nda mingio tɔlɔɔ.» Sɔɛi fula Mɛlɛka o sondo-e co ken ni.

Yeremi 18:9

Lɔ́ɔ́ lepum, mì soo a lɛŋnden te kon te, a masalen lepum o kɔɔ, mì dimi le len mingio tangullo a le len mingio tɔlɔɔ.

Tɔŋ miingua 30:9

Mɛlɛka Hala niaa tosalnin niaa dɛnɛ kɛndɔɔ, mì valta niaa vanin tosaa lan la naŋ niaa o ba. O yɔngunin niaa cuawva taw, o kuinin cɔlua niaa taw, mì tɔlɔɔla niaalan bɛɛ la kom ɲɛkɛndɛi. Kani ɲɔɔ hɛnannin vɛlɛ Mɛlɛka le niaa dɛnɛ kɛndɔɔ tosallo mɛɛ ɲɔɔ ndóò hɛnan ndu le fuɲaa niaa mamaa dɛnɛ kɛndɔɔ tosallo yɛ.

Tɔŋ miingua 28:63

Mɛɛ Mɛlɛka ndóò naŋ kɔl le niaa dɛnɛ kɛndɔɔ tosallo a le niaa vangalaa yɛ, o naŋnin vɛlɛ kɔl lende le niaa yɛɛvɔɔ dɔvɔɔ a le niaa ciiyo diwvo. O kon, o faŋanin niaa o lɛŋnde niaa co kɔlan hiɔlɔɔ len coo.

Condii lisai 80:8

Nɔm Hala-Nɔ-Kpaayaa-Kpow-vo, mingi naa nɔm o ibuŋ. Bíí naa biyɔɔ kɛndɔɔ, mì n sɔla cindaa.

Esai 62:4

Vana ke lɛnin nɔm ladio aa: «Vana malnanndo» le. Vana veelu lɛnin lɛŋnde nɔmnden aa: «Lɛŋnde siɔŋɛilen» te. Kɛ a veelunin nɔm aa: «Kɔl Mɛlɛka-o», a veelunin lɛŋnde nɔmnden aa: «Vana co o nɔu-vo», kani Mɛlɛka naŋnin kɔl a nɔm, lɛŋnde nɔmnden le calnin o nɔu.

Misee 7:18

Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.

Esai 60:21

Vanaa sandaa kposon vanin o vanaa nɔmnda tɛɛn ni, lɛŋnden le vanin sumialii nda le lɔ́ɔ́-lɔ́ɔ̀. Tɛiyun yɔmun ya pila tɔl-lon nda co ni, vali ya tosa a bala nilan le salamayɛi nii cɔmndo-o nda co ni.

Esekiɛl 36:36

Vanaa-mangalaa-isɔɔa lonin niaa a balaa pindo-a sinanin maa ya Mɛlɛka, i mingi ɲɛ va o kombɛiyo-o tangul, mí mingi ɲɛ va o tambɛiyo-o tɔlɔɔ. Ya Mɛlɛka dimi lende ni, nduyɛ i peelunin diom ya dimi-o.»

Osee 14:5

I singinin Israɛlla le kɛɛ nda kɛɛ lou o lediom coo-o. I kaolanin nda a kɔl nuu kpow, kani i co lɛ a kɔltuw nda le.